.jpg)
សហរដ្ឋអាមេរិកបាននិយាយថា ខ្លួនប្ដេជ្ញាចាប់បង្ក្រាបលើស្ថាប័នហិរញ្ញវត្ថុ និងទីផ្សារគ្រីបតូ ដែលជួយជនជាតិរុស្ស៊ីជាប់ទណ្ឌកម្មក្នុងការលាងលុយកខ្វក់។
ក្រុមការងារ Klepto Capture របស់ក្រសួងយុត្តិធម៌អាមេរិក (DoJ''s) ដែលត្រូវបានបង្កើតឡើងក្នុងខែនេះដើម្បីអនុវត្តការដាក់ទណ្ឌកម្មលើមន្ត្រីនិងសេដ្ឋីរុស្ស៊ី ត្រូវបានកំណត់ស្ថាប័នហិរញ្ញវត្ថុដែលបរាជ័យក្នុងការរារាំងបុគ្គលដែលរងទណ្ឌកម្មពីការប្រើប្រាស់សេវាកម្មរបស់ពួកគេ។
នៅឯសន្និសីទសារព័ត៌មានមួយមន្ត្រីក្រសួងដដែលបានព្រមានថា៖ «ជនដែលជួយចូលដៃ ឬ ដើរតួផ្លាស់ជាអ្នកលាងលុយកង្វក់ជំនួសបុគ្គលទាំងនោះនៅលើទីផ្សារគ្រីបតូ អាចប្រឈមនឹងការចោទប្រកាន់ពីបទលាងលុយពីតួនាទីរបស់ពួកគេក្នុងការលាក់បាំងប្រាក់ចំណូលទាំងនោះ»។
ការអត្ថាធិប្បាយនេះកើតឡើង បន្ទាប់ពីចក្រភពអង់គ្លេស បាននិយាយថា ក្រុមហ៊ុនគ្រីបតូ ត្រូវបានគេរំពឹងថានឹង «ចូលរួមក្នុងការធានាថា ការដាក់ទណ្ឌកម្មត្រូវបានអនុវត្តតាម» ដូចដែលរដ្ឋាភិបាលបានព្រមានថា វាមិនខុសគ្នាទេរវាងទ្រព្យសម្បត្តិគ្រីបតូ និងទម្រង់ផ្សេងទៀតនៃទ្រព្យសម្បត្តិ។
សេចក្តីថ្លែងការណ៍នេះ កើតឡើងចំពេលមានរបាយការណ៍ថា ជនជាតិរុស្ស៊ី កំពុងដកប្រាក់ពីទ្រព្យសម្បត្តិគ្រីបតូរបស់ពួកគេដើម្បីវិនិយោគលើអចលនទ្រព្យនៅក្នុងសហព័ន្ធអារ៉ាប់រួម (UAE)៕
