.jpg)
កាលពីថ្ងៃសៅរ៍ ប្រទេសចិនដីគោក បានរាយការណ៍ពីការស្លាប់ដោយសារកូវីដ១៩ជាលើកដំបូងក្នុងរយៈពេលជាង១ ឆ្នាំនេះ។ បើយោងតាមការបង្ហោះនៅលើគេហទំព័ររបស់គណៈកម្មាធិការសុខភាពជាតិដែលបាននិយាយថា មនុស្ស២ នាក់ បានស្លាប់នៅទីក្រុងជីលីនភាគឦសានប្រទេស។
ប្រទេសចិនបានរាយការណ៍ករណីស្លាប់ដោយសារជំងឺកូវីដចំនួន២ ករណីប៉ុណ្ណោះក្នុងឆ្នាំ២០២១ ដែលជាចំនួនចុងក្រោយបង្អស់គិតត្រឹមថ្ងៃទី២៥ ខែមករាឆ្នាំនោះ។
ប្រទេសនេះ កំពុងរក្សាវិធានការរក្សាកូវីដឱ្យត្រឹមសូន្យតាមរយៈការកាត់បន្ថយការឆ្លងរហ័សឱ្យអស់តាមតែអាចធ្វើបានដោយប្រើវិធានការតឹងរ៉ឹងដូចជាការបិទខ្ទប់ក្រុងទាំងមូលស្វែងរកប្រភពឆ្លង និងការធ្វើតេស្តយ៉ាងទូលំទូលាយនៅក្រុងដែលករណីវិជ្ជមានត្រូវបានរកឃើញ។
លោក Jiao Yahui មន្ត្រីជាន់ខ្ពស់នៃគណៈកម្មាធិការសុខភាពជាតិ បាននិយាយថា មនុស្សម្នាក់ក្នុងចំណោមអ្នកស្លាប់ គឺមិនទាន់បានចាក់វ៉ាក់សាំងទេ។
លោក Jiao បានប្រាប់អ្នកយកព័ត៌មាននៅទីក្រុងប៉េកាំងថាជនរងគ្រោះទាំង ២គឺមានរោគសញ្ញាស្រាលប៉ុណ្ណេះ។លោក Jiao បាននិយាយថា ប្រជាជនជាង៩៥ភាគរយនៃប្រជាជន៣ ម៉ឺននាក់ដែលសម្រាកព្យាបាលនៅមន្ទីរពេទ្យដោយសារកូវីដនៅក្នុងប្រទេសចិនគឺមានរោគសញ្ញាស្រាលឬគ្មានរោគសញ្ញាទាល់តែសោះ៕
