ចិនបានបិទទីក្រុងឧស្សាហកម្មមួយដែលមានប្រជាជនចំនួន ៩ លាននាក់ ពេញ ១ យប់ ក្រោយបានរាយការណ៍ពីករណីឆ្លងច្រើនជាង ៤ ពាន់ករណី។
អាជ្ញាធរសុខាភិបាលបានរាយការណ៍ពីការឆ្លងថ្មីចំនួន ៤ ៧៧០ ករណីនៅទូទាំងប្រទេសកាលពីថ្ងៃអង្គារ ដែលភាគច្រើននៅក្នុងខេត្ត Jilin ភាគឦសានខណៈដែលទីក្រុង Shenyang ក្នុងខេត្ត Liaoning ជិតខាងត្រូវបានបញ្ជាឱ្យបិទទ្វារកាលពីល្ងាចថ្ងៃចន្ទ។
ប្រទេសចិនបានចាត់វិធានការឆាប់រហ័សក្នុងរយៈពេលប៉ុន្មានសប្តាហ៍ថ្មីៗនេះដើម្បីទប់ស្កាត់ការរីករាលដាលដោយប្រើវិធីជ្រើសរើសនិងលាយបញ្ចូលគ្នានៃការបិទខ្ទប់ក្នុងតំបន់កម្រិតខ្ពស់ការធ្វើតេស្តដ៏ធំនិងការបិទខ្ទប់ទូទាំងទីក្រុង។
ប្រទេសនេះបានរាយការណ៍ពីការស្លាប់២ នាក់កាលពីថ្ងៃ សៅរ៍ដែលជាករណីស្លាប់លើកដំបូងបង្អស់ក្នុងរយៈពេលជាង១ឆ្នាំ។មនុស្សជាង ២ម៉ឺននាក់ក្នុងប្រទេស បានឆ្លងវ៉ារ៉្យង់អូមីក្រុងបណ្ដាលជាឧបសគ្គដល់យុទ្ធសាស្ត្រឆ្លើយតបដ៏ជោគជ័យរបស់ប្រទេសចិននិងបានបង្ខំឱ្យអាជ្ញាធរធ្វើការចាត់វិធានការភ្លាមៗរួមទាំងការផ្ទេរគ្រែមន្ទីរពេទ្យពីអ្នកជំងឺដែលមានរោគសញ្ញាស្រាលផងដែរ។
យ៉ាងណាមិញអាជ្ញាធរក៏បានបានព្រមានពីហានិភ័យដែលបង្ករឱ្យមានកំណើនដោយការបិទខ្ទប់ជាប់លាប់ខណៈដែលប្រទេសនេះខិតខំធ្វើឱ្យមានតុល្យភាពវិបត្តិសុខភាពជាមួយនឹងតម្រូវការនៃសេដ្ឋកិច្ចធំទី២ របស់ពិភពលោក។
ទីក្រុង Shenyang ដែលជាមូលដ្ឋានឧស្សាហកម្មលំនៅឋានរបស់រោងចក្ររួមទាំងក្រុមហ៊ុនផលិតរថយន្ត BMW បានរាយការណ៍ពីករណីថ្មីចំនួន៤៧ ករណី កាលពីថ្ងៃអង្គារខណៈដែលអាជ្ញាធរបានដាក់បរិវេណលំនៅឋានទាំងអស់នៅក្រោម "ការគ្រប់គ្រងបិទជិត" និងបានរារាំងអ្នកស្រុកពីការចាកចេញដោយគ្មានលទ្ធផលតេស្តអវិជ្ជមានរយៈពេល៤៨ ម៉ោង។
ដោយឡែកនៅថ្ងៃចន្ទ រមណីយដ្ឋានសៀងហៃឌីស្នីលែន បានបិទម្តងទៀតរហូតទាល់តែមានការជូនដំណឹងបន្ថែមខណៈដែលចំនួនករណីរបស់ទីក្រុងបានបន្តកើនឡើងដោយមានការរាយការណ៍ករណីឆ្លង៧៥៨ ករណីកាលពីថ្ងៃអាទិត្យ។
ទីក្រុងមួយចំនួនដូចជាទីក្រុងសៀងហៃបានជៀសវាងការបិទទ្វារទាំងស្រុងហើយជំនួសមកវិញការដាក់បណ្តាញនៃការបិទខ្ទប់អគារបុគ្គលបើទោះបីជាការឆ្លងមេរោគប្រចាំថ្ងៃថ្មីបានរីករាលដាលដល់រាប់រយនាក់ក៏ដោយ៕