.jpg)
កាលពីថ្ងៃអាទិត្យទី ២៧ មីនា ប្រធានាធិបតីអ៊ុយក្រែន លោក វ៉ុលឌីមៀរ ហេ្សលេនស្គី និយាយថា ប្រទេសរបស់បានត្រៀមខ្លួនពិភាក្សាការប្រកាន់យកជំហរអព្យាក្រឹត ជាផ្នែកមួយនៃកិច្ចព្រមព្រៀងសន្តិភាពជាមួយរុស្ស៊ី ប៉ុន្តែកិច្ចព្រមព្រៀងនេះនឹងត្រូវការការធានាពីប្រទេសភាគីទី៣ និងត្រូវការការអនុម័តដោយការបោះឆ្នោតប្រជាមតិប្រជាជនអ៊ុយក្រែន។
លោកហ្សេលេនស្គីបានលើកឡើងបែបនេះក្នុងការសន្ទនាជាង ៩០ នាទីតាមវីដេអូខលជាមួយក្រុមអ្នកសារព័ត៌មានរុស្ស៊ី ក្នុងបទសម្ភាសមួយ ដែលអាជ្ញាធរក្រុងម៉ូស្គូបានព្រមានស្ថាប័នសារព័ត៌មានជាមុនឱ្យចៀសវាងផ្សព្វផ្សាយ។ ក្នុងបទសម្ភាសនេះលោកហេ្សលេនស្គីបានប្រើប្រាស់ភាសារុស្ស៊ី ដូចពេលមុនៗដែលលោកចង់និយាយទៅកាន់ទស្សនិកជនរុស្ស៊ី។
លោកហ្សេលេនស្គីនិយាយថាការលុកលុយរបស់អ៊ុយក្រែនបានបង្កការខូចខាតយ៉ាងខ្លាំងដល់ទីក្រុងនិយាយភាសារុស្ស៊ីនៅអ៊ុយក្រែន ដោយមានការខូចខាតអាក្រក់ជាងសង្គ្រាមរុស្ស៊ីនៅឆេឆិនីទៅទៀត។
លោកនិយាយថា៖ «ការធានាសន្តិសុខ អព្យាក្រឹតភាព ជំហរមិនមានអាវុធនុយក្លេអ៊ែរនៃរដ្ឋយើង។ យើងត្រៀមខ្លួនស្រេចដើម្បីធ្វើវា។ នេះគឺជាចំណុចសំខាន់បំផុត»។ ប៉ុន្តែលោកនិយាយថាអ៊ុយក្រែនបានបដិសេធការទាមទាររបស់រុស្ស៊ីរួចទៅហើយ ដែលរួមមានការទាមទារឱ្យរំសាយយោធាអ៊ុយក្រែន។
១ខែបន្ទាប់ពីរុស្ស៊ីចាប់ផ្ដើមការលុកលុយចូលប្រទេសអ៊ុយក្រែន លោកហ្សេលេនស្គីនិយាយថាសន្តិភាពមិនអាចសម្រេចបានលុះត្រាតែមានបទឈប់បាញ់ និងការដកទ័ពចេញពីអ៊ុយក្រែន។
លោកនិយាយថាការដណ្ដើមមកវិញនូវទឹកដីដែលរុស្ស៊ីបានកាន់កាប់ ដោយប្រើប្រាស់កម្លាំងបាយគឺមិនអាចទៅរួចទេ ដោយសារវានឹងបង្កសង្គ្រាមលោកលើកទី៣ហើយបាននិយាយថាលោកចង់បានការ «ការសម្របសម្រួល» នៅតំបន់ដុនបាសនៅភាគកើតប្រទេស ដែលមួយផ្នែកធំនៃតំបន់នេះគឺកាន់កាប់ដោយរដ្ឋផ្ដាច់ខ្លួនគាំទ្រដោយរុស្ស៊ី៕
