សម្ព័ន្ធភាពចម្រុះនៃគណបក្សប្រឆាំង បានធ្វើការអំពាវនាវចុងក្រោយរបស់ពួកគេទៅកាន់អ្នកបោះឆ្នោតហុងគ្រី កាលពីថ្ងៃសៅរ៍ មុនការបោះឆ្នោតដែលតស៊ូយ៉ាងស្វិតស្វាញរបស់ប្រទេសដែលនឹងសម្រេចថា តើនាយករដ្ឋមន្ត្រីជាតិនិយម លោក Viktor Orban បន្តការគ្រប់គ្រងស្វ័យភាពរបស់គាត់សម្រាប់អាណត្តិទី៤ ជាប់ៗគ្នាឬអត់?
អ្នកគាំទ្រជាច្រើនរយនាក់នៃសម្ព័ន្ធគណបក្សទាំង ៦ United For Hungary បានប្រមូលផ្តុំគ្នាកណ្ដាលភ្លៀងនៅកណ្តាលទីក្រុង Budapest ១ ថ្ងៃមុនពេលបោះឆ្នោតកាលពីថ្ងៃអាទិត្យ។ មេដឹកនាំចលនាលោក Peter Marki-Zay បាននិយាយថា ការបោះឆ្នោតជាតិនេះ គឺដើម្បីបញ្ចប់ «រដ្ឋាភិបាលពុករលួយបំផុតនៅក្នុងប្រវត្តិសាស្ត្រ ១ ០០០ ឆ្នាំរបស់យើង» និងការឈានទៅរកយុគសម័យថ្មីនៃលទ្ធិប្រជាធិបតេយ្យរួមបញ្ចូលនៅក្នុងប្រទេសអឺរ៉ុបកណ្តាល និងសហភាពអឺរ៉ុប។
គណបក្សទាំង ៦ ដែលរួមមាន សម្ព័ន្ធប្រជាធិបតេយ្យសេរីចលនា កណ្តាល និងបក្សស្តាំនិយម Jobbik ក៏ដូចជាគណបក្សបៃតងតូចៗនិងសង្គមនិយម បានរួបរួមគ្នាជាប្លុកជាលើកទី១ សម្រាប់ដំណើរការប្រឆាំងនឹងគណបក្សស្តាំនិយមជ្រុលរបស់លោក Orban។
ពួកគេនិយាយថា យុទ្ធសាស្ត្រតស៊ូដ៏លំបាកនៃការរួបរួមទាំងស្រុងនោះ គឺជាមធ្យោបាយតែ១គត់ដើម្បីជម្នះឧបសគ្គរចនាសម្ព័ន្ធដើម្បីកម្ចាត់លោក Orban រួមទាំងអ្វីដែលពួកគេហៅថាបរិយាកាសប្រព័ន្ធផ្សព្វផ្សាយដែល គ្រប់គ្រងដោយសម្ព័ន្ធមិត្ត Fidesz និងស្រុកបោះឆ្នោតដោយអយុត្តិធម៌៕
វីដេអូ៖