ប្រទេសចិន រកឃើញករណីឆ្លងថ្មីជាង ១៣ ពាន់ករណី ខណៈប្រព័ន្ធផ្សព្វផ្សាយរដ្ឋបានរាយការណ៍ករណីឆ្លងប្រភេទរងថ្មីពីវ៉ារ្យ៉ង់អូមីក្រុង។
សារព័ត៌មាន Global Times បានរាយការណ៍ថា គេរកឃើញវិវត្តពីវ៉ារ៉្យង់ BA.1.1 ចេញពីវ៉ារ្យ៉ង់ អូមីក្រុងពីករណីកម្រិតស្រាល ដែលដាក់ដាច់ដោយឡែកនៅក្នុងទីក្រុង ដែលមានចម្ងាយតិចជាង ៧០ គីឡូម៉ែត្រពីទីក្រុងសៀងហៃ។
របាយការណ៍បាននិយាយថា ប្រភេទរងនេះ មិនត្រូវគ្នានឹងមេរោគឆ្លងផ្សេងទៀត ដែលបង្កឱ្យចំនួនកូវីដនៅក្នុងប្រទេសចិន ឬប្រភេទ ដែលត្រូវបានបញ្ជូនទៅ GISAID ដើម្បីតាមដានការផ្លាស់ប្តូរវ៉ារ៉្យង់នោះទេ។
រដ្ឋាភិបាលក្រុងបាននិយាយនៅលើគណនី WeChat របស់ខ្លួនថា ករណីនៅក្នុងទីក្រុង Dalian ភាគខាងជើងប្រទេសចិន បានរាយការណ៍កាលពីថ្ងៃ សុក្រ ក៏មិនដូចគ្នាទៅ នឹងមេរោគឆ្លងណាមួយដែលត្រូវបានរកឃើញក្នុងស្រុកដែរ។
ស្ទើរតែ ១២ពាន់ករណី ដែលត្រូវបានរាយការណ៍នៅទូទាំងប្រទេសកាលពីថ្ងៃសៅរ៍ សុទ្ធតែជាប្រភេទមិនមានរោគសញ្ញា៕