.jpg)
លោកប្រធានាធិបតីអ៊ុយក្រែន វ៉ុលឌីមៀរ ហ្សេលេនស្គី (កណ្តាល) ចុះទៅត្រួតពិនិត្យមើលទីក្រុងប៊ូចា កាលពីថ្ងៃទី៤ មេសា។ AFP
សាធារណរដ្ឋឆេកបាន និងកំពុងបញ្ជូនរថក្រោះ និងរថយន្តប្រយុទ្ធថ្មើរជើងទៅកាន់អ៊ុយក្រែន ដើម្បីពង្រឹងសមត្ថភាពរបស់ប្រទេសអឺរ៉ុបខាងកើត ដើម្បីទប់ទល់នឹងការឈ្លានពានរបស់រុស្ស៊ី។
នេះជាលើកទី១ ហើយ ដែលបរទេសបញ្ជូនគ្រឿងសព្វាវុធយោធា និងរថក្រោះទៅផ្គត់ផ្គង់អ៊ុយក្រែនជាអ្វី ដែលប្រធានាធិបតីលោកVolodymyrZelenskyបានអំពាវនាវម្តងហើយម្តងទៀត ដើម្បីសុំការគាំទ្រផ្នែកយោធាលោកខាងលិចប្រឆាំងនឹងការវាយលុករបស់រុស្ស៊ី។
មន្ត្រីឆែកបាននិយាយថា ប្រទេសនេះបាននិងកំពុងផ្តល់ឧបករណ៍ជាច្រើនរួមទាំងរថក្រោះ T-72 ដែលរចនាឡើងដោយសូវៀត រថពាសដែកប្រយុទ្ធនិងរថពាសដែកដល់អ៊ុយក្រែនជាច្រើនសប្តាហ៍។
មន្ត្រីការពារជាតិឆែកជាន់ខ្ពស់ម្នាក់បាននិយាយថា៖ «យើងជឿថានេះគឺជារឿងតែមួយគត់ដែលអាចបញ្ឈប់កងកម្លាំងរុស្ស៊ីពីការប្រព្រឹត្តអំពើឃោរឃៅបន្ថែមទៀត ហើយការប្រគល់រថក្រោះមកទល់ពេលនេះគឺជាអំណោយជាជាងការលក់»។
រថក្រោះ T-72 ចំនួន៥ គ្រឿង និងរថយន្តប្រយុទ្ធថ្មើរជើងចំនួន៥ គ្រឿងត្រូវបានបញ្ជូនទៅក្នុងការដឹកជញ្ជូនថ្មីៗនេះដែលបានកើតឡើង បន្ទាប់ពីរូបថតត្រូវបានបង្ហោះនៅលើបណ្តាញសង្គម។
មន្ត្រីឆែកទី២ បាននិយាយថា ប្រទេសនេះក៏កំពុងស្ថិតក្នុងការពិភាក្សាដំបូងផងដែរលើការផ្តល់ជំនួយប្រភេទផ្សេងទៀត រួមទាំងជំនួយក្នុងការបម្រើឧបករណ៍កម្លាំងដីធុនធ្ងន់របស់អ៊ុយក្រែននៅតាមកន្លែងនានាក្នុងសាធារណរដ្ឋឆែក៕
