The Phnom Penh Post Search

Search form




Logo of Phnom Penh Post newspaper Phnom Penh Post - មន្ត្រី​លោកខាងលិច​៖ រុស្ស៊ី​កំពុង​បន្ថែម​ទា​ហាន​ស៊ីឈ្នួល​ និង​ជនជាតិ​ស៊ី​រី​ទៅ​អ៊ុយ​ក្រែ​ន​

មន្ត្រី​លោកខាងលិច​៖ រុស្ស៊ី​កំពុង​បន្ថែម​ទា​ហាន​ស៊ីឈ្នួល​ និង​ជនជាតិ​ស៊ី​រី​ទៅ​អ៊ុយ​ក្រែ​ន​

Content image - Phnom Penh Post
លោកអធិការ​បតី​អូទ្រីស Karl Nehammer (កណ្តាល​) ចុះទៅមើល​ទី​តាំង​ផ្នូ​រកប់ សាកសព​នៅក្នុង​ទីក្រុង​ប៊ូចា​ក្បែរ​ទីក្រុង​កៀវ​ កាលពី​ថ្ងៃទី ​៩ មេសា​។ AFP

មន្ត្រី​លោកខាងលិច​៖ រុស្ស៊ី​កំពុង​បន្ថែម​ទា​ហាន​ស៊ីឈ្នួល​ និង​ជនជាតិ​ស៊ី​រី​ទៅ​អ៊ុយ​ក្រែ​ន​

​ខណៈពេលដែល​ទាហាន​រុស្ស៊ី​ដក​ថយ​ពី​ភាគ​ខាងជើង​អ៊ុយ​ក្រែ​ន ហើយ​ផ្តោតលើ​ប្រតិបត្តិការ​នៅ​ភាគ​ខាងកើត និង​ខាងត្បូង​របស់​ប្រទេស​នោះ វិមានក្រឹម​ឡាំង កំពុង​តស៊ូ​បំបែក​ការពង្រឹង​សមរភូមិ ដើម្បី​ដំណើរការ​ដំណាក់កាល​ថ្មី​នៃ​សង្គ្រាម​។ នេះ​បើ​យោងតាម​មន្ត្រី​យោធា និង​ចារកម្ម​របស់​អាមេរិក និង​លោកខាងលិច​ផ្សេងទៀត​។​

​មន្ត្រី​យោធា និង​ចារកម្ម​ពី​មន្ទីរ​បញ្ច​កោណបាន​និយាយថា ដំបូង​ឡើយ​ទី​ក្រុង​មូ​៉​ស្គូ បាន​បញ្ជូន​កងកម្លាំង​ប្រយុទ្ធ​ជើងគោក​ដ៏​សំខាន់​របស់ខ្លួន​ចំនួន ៧៥ ភាគរយ ចូលទៅក្នុង​សង្គ្រាម​កាលពី​ខែកុម្ភៈ​។ ប៉ុន្តែកងទ័ព​ភាគច្រើន​នៃ​កងទ័ព​ជាង ​១៥ ​ម៉ឺន​នាក់ ​ឥឡូវនេះ​ត្រូវបាន​បញ្ចេញ​រួចហើយ បន្ទាប់ពី​ត្រូវ​ប្រឈម​នឹង​បញ្ហា​ដឹកជញ្ជូន បញ្ហា​សីលធម៌ និងការបំផ្លិចបំផ្លាញ ដែល​បង្កឡើង ដោយ​ការតស៊ូ​របស់​អ៊ុយ​ក្រែ​ន​ខ្លាំង​ជាង​ការ​រំពឹងទុក​។

​រុស្ស៊ីបាន​ដក​កងកម្លាំង​ទាហានរហូតដល់ ៤​ ម៉ឺន​នាក់ ដែល​ខ្លួន​បានដាក់ពង្រាយ​ជុំវិញ​ទីក្រុង Kyiv និង Chernihiv ដែលជា​ទីក្រុង​ ២ នៅភាគ​ខាងជើង ដើម្បី​គាំទ្រ និង​ផ្គត់ផ្គង់ឡើងវិញ នៅក្នុង​ប្រទេស​រុស្ស៊ី និង​ប្រទេសបេឡា​រុស ដែល​នៅ​ជិតខាង មុនពេលខ្លួន​ដាក់​ទីតាំង​ពួកគេ​ឡើងវិញ​នៅ​ភាគ​​ខាងកើត​អ៊ុយ​ក្រែ​ន​ក្នុង​ប៉ុន្មាន​សប្តាហ៍ ខាងមុខ​។

​វិមាន​ក្រឹម​ឡាំងក៏​កំពុង​ប្រញាប់​ប្រញាល់ទៅ​ភាគ​ខាងកើត ដែល​ចម្រុះនៃ​ទាហាន​ស៊ីឈ្នួល​រុស្ស៊ី យុទ្ធជន​ស៊ី​រី ទាហាន​ថ្មី និង​កងទ័ព​រុស្ស៊ី​ជារឿយៗ​ពី​ហ្ស​ក​ហ្ស៊ី និង​ភាគ​ខាងកើត​បំផុត​នៃ​ប្រទេស​រុស្ស៊ី​។​

​លោក Jake Sullivan ទីប្រឹក្សា​សន្តិ​​សុខ​ជាតិ​របស់​ប្រធានាធិបតី Biden បាននិយាយថា​៖ «​រុស្ស៊ី​នៅតែមានកងកម្លាំង ដែល​អាចមាន​ច្រើនជាងអ៊ុយ​ក្រែ​ន ហើយ​ឥឡូវនេះ​រុស្ស៊ី​កំពុង ផ្តោត​ការយកចិត្តទុកដាក់​លើ​កម្លាំងយោធា​របស់ខ្លួន​លើ​បន្ទាត់​នៃ​ការ​វាយ​​ប្រហារ​តិចជាង​មុន ប៉ុន្តែ​នេះមិន​មានន័យថា រុស្ស៊ី​នឹង​ទទួលបាន​ជោគជ័យនៅ​ភាគ​ខាងកើត​នោះទេ​»​។​

​លោក Sullivan បាន​និយាយថា​៖ «​ដំណាក់កាល​បន្ទាប់​នៃ​ជម្លោះ​នេះ អាច​នឹង​អូសបន្លាយ​យ៉ាងយូរ​។ រុស្ស៊ីប្រហែលជា​នឹង​បញ្ជូនទាហាន​រាប់ម៉ឺន​នាក់​ទៅកាន់​សមរភូមិ​ជួរមុខនៅ​ភាគ​ខាងកើត​អ៊ុយ​ក្រែ​ន ហើយ​បន្ត​បាញ់គ្រាប់ រ៉ុក្កែត កាំជ្រួច និង​កាំភ្លើងត្បាល់​លើ​ទីក្រុង Kyiv ទីក្រុង Odesa ទីក្រុង Kharkiv ទីក្រុង Lviv ​និង​ទីក្រុងផ្សេងៗ​ទៀត​»​។​

​មន្ត្រី​សហរដ្ឋអាមេរិកបាន​ផ្អែកលើ​ការវាយតម្លៃ​របស់​ពួកគេ​លើ​រូបភាព​ផ្កាយរណប ការស្ទាក់ចាប់​តាម​អេឡិចត្រូនិក របាយការណ៍​សមរភូមិ​អ៊ុយ​ក្រែ​ន និងព័ត៌មាន​ផ្សេងទៀត ហើយ​ការ​ប៉ាន់​ប្រ​មាណចារកម្ម​ទាំងនោះ ​ត្រូវបាន​បម្រុង​​ទុកដោយ​អ្នកវិភាគ​ឯករាជ្យ​។

​ដោយ​គិតទុក​ជាមុន​នូវ​ដំណាក់កាល ដ៏​សំខាន់​បន្ទាប់​នៃ​សង្គ្រាម​នៅ​ភាគ​ខាងកើត​នេះ មន្ទីរ​បញ្ច​កោណបានប្រកាស​កាលពី​ថ្ងៃ​អង្គា​រថា ខ្លួន​កំពុង​បញ្ជូនកាំជ្រួច​ប្រឆាំងរថក្រោះ Javelin ដែលមានតម្លៃ ១០០ លាន​ដុល្លារ មាន​កាំជ្រួច​ពី​ស្តុក​មន្ទីរ​បញ្ច​កោណ​រាប់រយ​គ្រាប់​ទៅ​អ៊ុយ​ក្រែ​ន ជា​កន្លែង​ដែល​អាវុធ​​មាន​ប្រសិទ្ធ​ភាពខ្លាំង​នៅក្នុង​បំផ្លាញ​រថ​ក្រោះ​រុស្ស៊ី និង​រថពាសដែក ផ្សេងទៀត​។​

​មន្ត្រី​អាមេរិក និង​អឺរ៉ុប​ជឿថា ការផ្លាស់ប្តូរការយកចិត្តទុកដាក់​របស់​យោធា​រុស្ស៊ី គឺ​សំដៅ​កែ​កំហុស​មួយចំនួន ដែល​នាំទៅដល់​ការបរាជ័យ​របស់ខ្លួន​ក្នុងការ​យកឈ្នះ​លើ​កងទ័ព​អ៊ុយ​ក្រែ​ន ដែល ខ្លាំង​ជាង និង​សន្សំសំចៃ​ជាង​ទីក្រុង​មូ​៉ស្គូ ដែល​បាន​វាយតម្លៃ​ដំបូង​។​

​មន្ត្រី​ខ្លះ​និយាយថា រុស្ស៊ី​នឹង​ព្យាយាម​ប្រើ​កាំភ្លើង​ធំ​ខ្លាំង​ជាង​នេះ​។ មន្ត្រី​ចារកម្មលោកខាងលិចបាន​និយាយថា ដោយ​ផ្តោតលើ​កងកម្លាំង​របស់ខ្លួន នៅក្នុង​តំបន់​ភូមិសាស្ត្រ​តូច​ជាង និង​
​ផ្លាស់​ទី​ពួកគេ​ឱ្យខិត​ទៅជិត​ការផ្គត់ផ្គង់ផ្លូវ​ចូលទៅ​ក្នុងប្រទេសរុស្ស៊ី ប្រទេស​​រុស្ស៊ី​ សង្ឃឹមថា នឹង​ចៀសវាង​បញ្ហា​ដឹកជញ្ជូន ដែល​កងទ័ព​របស់ខ្លួន បានទទួល​នៅក្នុង​ការវាយប្រហារ​ប​រា​ជ័យ របស់​ពួកគេ​លើ​ទីក្រុង Kyiv។​

​មន្ត្រី​ស៊ើបការណ៍​អឺរ៉ុប​ផ្សេងទៀត បានព្យាករ​ថា ខ្លួន​នឹង​ចំណាយពេល​ពី ​១ ​ទៅ​ ២ សប្តាហ៍ ដើម្បី​ប្រមូលផ្តុំ និង​ផ្តោត​ការយកចិត្ត​ទុក​ដា​ក់ឡើ​ង​វិញ មុនពេល​ពួកគេ អាចធ្វើ​ការវាយលុក​
​ដ៏​ធំ​មួយ​នៅ​ភាគ​ខាងកើត​អ៊ុយ​ក្រែ​ន​ ជា​កន្លែង​ដែល​ពួក​បំបែក​ខ្លួន​គាំទ្រ ​ដោយ​រុស្ស៊ី​បាន​ប្រយុទ្ធ​អស់​រយៈពេល​ ៨ ​ឆ្នាំ​មកហើយ​៕

វីដេអូ៖

អត្ថបទគួរចាប់អារម្មណ៍