.jpg)
មេដឹកនាំគណបក្សប្រឆាំងធំជាងគេទី២ របស់ប្រទេសស៊ុយអែត បាននិយាយថា លោកចង់ឱ្យគណបក្សលោកផ្លាស់ប្ដូរជំហរមកគាំទ្រការចូលជាសមាជិកអង្គការណាតូ ប្រសិនបើប្រទេសជិតខាងហ្វាំងឡង់ដាក់ពាក្យចូលចូលជាសមាជិកនៃសម្ព័ន្ធភាពយោធានេះដែរ។
ការផ្លាស់ប្ដូរជំហររបស់គណបក្សប្រជាធិបតេយ្យស៊ុយអែត នឹងធ្វើឱ្យមានសំឡេងភាគច្រើនក្នុងសភា ដែលគាំទ្រស៊ុយអែត ដែលប្រកាន់ជំហរអព្យាក្រឹតជាយូរណាស់មកហើយ ឱ្យចូលជាសមាជិកនៃអង្គការណាតូ។
ការលុកលុយរបស់ប្រទេសរុស្ស៊ីចូលក្នុងប្រទេសអ៊ុយក្រែន បានជំរុញឱ្យប្រទេសទាំង២ពិចារណាការចូលជាសមាជិកអង្គការណាតូ ប៉ុន្តែប្រទេសស៊ុយអែត បានភាពស្ទាក់ស្ទើរជាងប្រទេសហ្វាំងឡង់ ដែលមានព្រំដែនជាមួយប្រទេសរុស្ស៊ីជាង ១៣០០ គីឡូម៉ែត្រឯណោះ។
រដ្ឋាភិបាលហ្វាំងឡង់ បាននិយាយថាខ្លួននឹងបញ្ជាក់អំពីជំហានបន្ទាប់ក្នុងរយៈពេលប៉ុន្មានសប្ដាហ៍ខាងមុខនេះ ទាក់ទងនឹងការសម្រេចចិត្តថាដាក់ពាក្យធ្វើជាសមាជិកអង្គការណាតូ ឬទេ។
មេដឹកនាំគណបក្សប្រជាធិបតេយ្យហ្វាំងឡង់លោកជីមមី អាខេសុនបាននិយាយថា៖ «ប្រសិនបើហ្វាំងឡង់ធ្វើបែបនេះ មហិច្ឆតារបស់ខ្ញុំគឺចង់ទៅក្រុមប្រឹក្សាបក្សដោយមានសំណើសុំឱ្យយើងប្ដូរចិត្ត»។
លោកបន្ថែមទៀតថា៖ «អ្វីដែលបានផ្លាស់ប្ដូរនៅពេលនេះគឺថា ប្រទេសហ្វាំងឡង់កំពុងឈានទៅរកការចូលជាសមាជិកអង្គការណាតូយ៉ាងច្បាស់ ហើយមានការបង្ហាញជាច្រើនដែលអាចនឹងកើតឡើងក្នុងពេលអនាគតដ៏ខ្លីខាងមុខ។ នោះ រួមជាមួយការពិតអ៊ុយក្រែនដែលមិនមែនជាសមាជិកណាតូគឺតែម្នាក់ឯង បានធ្វើឱ្យខ្ញុំប្រែចិត្ត»។
កាលពីខែមុន គណបក្សប្រជាធិបតេយ្យស៊ុយអែតប្រកាសថាខ្លួននឹងពិចារណាជំហររបស់ខ្លួនឡើងវិញ បន្ទាប់ការស្ទង់មតិបង្ហាញថាជាលើកដំបូងក្នុងប្រវត្តិសាស្ត្រប្រជាជនស៊ុយអែតភាគច្រើនគាំទ្រការចូលជាសមាជិកណាតូ៕
