ប្រទេសរុស្ស៊ី កំពុងឆ្ពោះទៅរកការលុបចោលបំណុលបរទេសដ៏សំខាន់របស់ខ្លួនដែលជាព្រឹត្តិការណ៍ដ៏អាក្រក់មិនធ្លាប់មាន ចាប់តាំងពីបដិវត្តន៍ Bolshevik ជាង ១ សតវត្សរ៍មុន និងបណ្ដាលឱ្យមានភាពរកាំរកូសជាសកល ជាមួយប្រទេសបង្កកទ្រព្យសម្បត្តិរុស្ស៊ី។
បញ្ហាដែលកំពុងលេចចេញនេះ ជាលទ្ធផលនៃទណ្ឌកម្មដែលបានរារាំងទុនបម្រុងរូបិយប័ណ្ណបរទេសពាក់កណ្តាល ឬមានចំនួនស្មើ ៦៤០ ពាន់លានដុល្លាររុស្ស៊ី ដែលធ្វើឱ្យប៉ះពាល់សមត្ថភាពរបស់ប្រទេសក្នុងការសងបំណុលជារូបិយប័ណ្ណជាដុល្លារ។
ដើម្បីការការពារខ្លួនពីស្ថានភាពអាក្រក់មុន រុស្ស៊ីបានច្រានចោលវាជាមុនរួចការខកខានសងបំណុលប្រកបដោយសិប្បនិម្មិតរបស់រុស្ស៊ី នឹងក្លាយជាលទ្ធផលពីទណ្ឌកម្ម ដែលបានដាក់ដោយសហរដ្ឋអាមេរិកនិងសម្ព័ន្ធមិត្ត ហើយខ្លួនក៏បានគំរាមជំទាស់ នឹងលទ្ធផលនេះរួចហើយនៅក្នុងតុលាការ។
ការប្រយុទ្ធនាពេលខាងមុខអាចជាការប្រឈមរវាងរុស្ស៊ីនឹងអ្នកវិនិយោគធំៗមកពីជុំវិញពិភពលោក ចោទជាសំណួរយ៉ាងស្រឡាំងកាំងថា តើនរណាជាអ្នកសម្រេចថា តើប្រទេសមួយនេះពិតជាបានខកខានក្នុងការសងបំណុលដែលជាករណីកម្រមួយដែលថា ការដាក់ទណ្ឌកម្មបានទប់ស្កាត់លទ្ធភាពនៃការសងបំណុលរបស់ប្រទេសមួយ។
រុស្ស៊ីហាក់ដូចជា មិនទាន់ប្រកាសអំពីការខកខានសងបំណុលនៅឡើយទេ។ ប្រសិនបើខ្លួនបានប្រកាសមែននោះ កំណើននៃការចំណាយលើការខ្ចីប្រាក់របស់រុស្ស៊ីសម្រាប់ឆ្នាំខាងមុខកាន់តែកើនឡើង ហើយអាចធ្វើឱ្យប្រទេសនេះស្ថិតនៅក្រៅទីផ្សារមូលធនអន្តរជាតិ កាន់តែធ្វើឱ្យសេដ្ឋកិច្ចដែលរំពឹងថា នឹងធ្លាក់ចុះរួចស្រាប់ធ្លាក់ចុះកាន់តែខ្លាំងនៅឆ្នាំនេះ។
បន្ថែមពីលើនេះ វាក៏នឹងក្លាយជាដានអាក្រក់ស្ដីពីការគ្រប់គ្រងសេដ្ឋកិច្ចរបស់ប្រធានាធិបតី វ្ល៉ាឌីមៀរ ពូទីន ដែលចំណាយថវិកាច្រើនក្នុងការលុកលុយអ៊ុយក្រែន។
ភាគហ៊ុនសម្រាប់ប្រទេសរុស្ស៊ី ដែលត្រូវការបែកបាក់ភ្លាមៗនៃទំនាក់ទំនងធុរកិច្ច សំខាន់ៗជាច្រើនទសវត្សរ៍ជាមួយសហរដ្ឋអាមេរិក អឺរ៉ុប និងប្រទេសដទៃទៀត គឺជាកត្តាមួយក្នុងចំណោមកត្តាជំរុញកំណើនសេដ្ឋកិច្ចជាច្រើន ដើម្បីបង្កើនលទ្ធភាពក្នុងការខ្ចីប្រាក់ ដោយរលូនពីខាងក្រៅព្រំដែនរបស់ខ្លួន។
ដោយសារបញ្ហារបស់រុស្ស៊ីគឺ ខុសពីធម្មតា ដូច្នេះនៅតែជាសំណួរចំហមួយថា តើអ្នកណាជាអាជ្ញាកណ្តាលចុងក្រោយនៃបំណុលអធិបតេយ្យភាព?
លោក Tim Samples សាស្ត្រាចារ្យសិក្សាផ្នែកច្បាប់នៅសាកលវិទ្យាល័យ Georgia''s Terry College of Business និងជាអ្នកជំនាញខាងបំណុលអធិបតេយ្យបាននិយាយថា៖ «បញ្ហានេះបង្ហាញ ឱ្យឃើញពីភាពស្រពេចស្រពិល និងធម្មជាតិនៃទីផ្សារបំណុលអធិបតេយ្យភាព។ ខ្ញុំគិតថា បញ្ហានេះក៏បានបង្កឱ្យមានការច្របូកច្របល់ និងមានជម្លោះដោយហេតុផលផ្សេងៗជាច្រើន»។
មានគំរូជាច្រើនបង្ហាញអំពីមូលហេតុ ដែលធ្វើឱ្យរុស្ស៊ីធ្លាក់ក្នុងស្ថានភាពនេះ។ សាលក្រម ដោយផ្ទាល់បំផុត អាចមកពីទីភ្នាក់ងារផ្តល់ចំណាត់ថ្នាក់ឥណទានធំៗដែលបានផ្តល់សញ្ញារួចហើយថា ភាពស័ក្តិសមក្នុងការផ្តល់ឥណទានរបស់រុស្ស៊ី កំពុងធ្លាក់ចុះហើយថា ការខកខានសងបំណុលបរទេសអាចនឹងកើតមានឡើង។
សេវាកម្មវិនិយោគិន Moody កាលពីសប្តាហ៍មុនបានព្រមានថា ការសងបំណុលរបស់រុស្ស៊ីប្រហែល ៦៥០ លាននៃប្រាក់ដុល្លារ អាចចាត់ទុកថា ជាការខកខានសងបំណុលបរទេស ប្រសិនបើ ខ្លួនមិនព្រមដូរមកជាប្រាក់ដុល្លារត្រឹមថ្ងៃទី ៤ ខែឧសភា (នៅពេលដែលរយៈពេលអនុគ្រោះរយៈពេល ៣០ ថ្ងៃ ត្រូវបានបញ្ចប់)។ នេះជាការព្រមានស្រដៀងគ្នាកាលពីដើមសប្តាហ៍ ដោយក្រុមហ៊ុន S&P Global ដែលបានដាក់ប្រទេសរុស្ស៊ី ឱ្យស្ថិតនៅក្រោមការវាយតម្លៃថា ជាប្រទេសខកខាននៃការសងបំណុល។
ប៉ុន្តែគេនៅមិនច្បាស់ទេថា តើទីភ្នាក់ងារវាយតម្លៃនឹងថ្លឹងថ្លែងយ៉ាងណា ប្រសិនបើប្រទេសរុស្ស៊ី ខកខានក្នុងការទូទាត់ បន្ទាប់ពីរយៈពេលអនុគ្រោះរបស់ខ្លួន អស់សុពលភាព ដោយសារការដាក់ទណ្ឌកម្មរបស់សហភាពអឺរ៉ុប ដែលបានដាក់កម្រិតភ្នាក់ងារមិនឱ្យវាយតម្លៃប្រទេសរុស្ស៊ី។
អ្នកនាំពាក្យរបស់សេវាកម្ម Moody''s និង S&P មិនបានធ្វើអត្ថាធិប្បាយទេ ហើយអ្នកនាំពាក្យរបស់ Fitch បាននិយាយថា គាត់មិនអាចផ្តល់ការអត្ថាធិប្បាយណាមួយអំពីភាពស័ក្តិសមនៃឥណទានរបស់រុស្ស៊ី ទាក់ទងនឹងការដាក់ទណ្ឌកម្មនោះទេ។
ទោះយ៉ាងណារុស្ស៊ី នៅតែអាចធ្វើការទូទាត់លើបំណុលអធិបតេយ្យភាពរបស់រុស្ស៊ី ដរាបណាខ្លួនមិនព្យាយាមប្រើប្រាស់មូលនិធិពីគណនីរដ្ឋាភិបាលរុស្ស៊ី ដែលរក្សាទុកក្នុងស្ថាប័នហិរញ្ញវត្ថុអាមេរិក។
បន្ទាប់ពីរយៈពេលអនុគ្រោះលើការទូទាត់មូលបត្របំណុលជារូបិយប័ណ្ណបរទេសផុតកំណត់នៅថ្ងៃទី ៤ ខែឧសភា ពេលវេលាដ៏សំខាន់ បន្ទាប់គឺថ្ងៃទី ២៥ ខែឧសភា។ នោះគឺជាពេលដែលម្ចាស់បំណុលរបស់សហរដ្ឋអាមេរិក នឹងមិនអាចទទួលយកការទូទាត់បំណុលរបស់រុស្ស៊ីក្រោមការលើកលែងបណ្តោះអាសន្នដែលក្រសួងរតនាគារបានអនុញ្ញាតនោះទេ។
ចំពោះអ្នកវិភាគមួយចំនួនការសម្រេចចិត្តនោះ និងការទូទាត់ជាប្រាក់រូប្លិ៍មានន័យថា រុស្ស៊ីមានកំហុសបច្ចេកទេសរួចទៅហើយ។
លោក Timothy Ash អ្នកយុទ្ធសាស្ត្រអធិបតេយ្យភាពជាន់ខ្ពស់នៅ BlueBay Asset Management បាននិយាយថា៖ «ប្រសិនបើរុស្ស៊ីមិនបង់ប្រាក់ទាន់ពេល មិនបង់ប្រាក់ជារូបិយប័ណ្ណក្នុងកិច្ចសន្យា នោះជាការខកខានសងបំណុលច្បាស់ណាស់។ ចំពោះចេតនា និងគោលបំណងទាំងអស់ រុស្ស៊ីស្ថិតក្នុងស្ថានភាពនេះរួចទៅហើយ»៕
វីដេអូ៖