.jpg)
សហរដ្ឋអាមេរិកនឹងមិនអនុវត្តច្បាប់កំណត់ឱ្យពាក់ម៉ាសទេ ដោយសារការរបរាជ័យផ្នែកច្បាប់។ រូបថត AFP
សហរដ្ឋអាមេរិក នឹងឈប់អនុវត្តលក្ខខណ្ឌ ដែលតម្រូវឱ្យអ្នកដំណើរ និងអ្នកធ្វើការលើវិស័យដឹកជញ្ជូនសាធារណៈពាក់ម៉ាស បន្ទាប់ពីចៅក្រមអាមេរិកបានដាក់់ចេញច្បាប់់់ ត្រឹមតែប៉ុន្មានថ្ងៃ ក្រោយប្រទេសនេះដាក់ចេញវិធានការបន្តបន្ទាប់ក្នុងការខិតខំប្រឹងប្រែងទប់ស្កាត់ការកើនឡើងករណីកូវីដនាពេលថ្មីៗនេះ។
មន្ត្រីរដ្ឋបាលលោក Joe Biden កាលពីថ្ងៃចន្ទ បាននិយាយថា ច្បាប់នេះនឹងមិនចូលជាធរមានទេ ខណៈ ដែលសេតវិមានកំពុងសម្រេចថា តើត្រូវប្តឹងឧទ្ធរណ៍ប្រឆាំងនឹងការសម្រេចរបស់ចៅក្រម Kathryn Kimball Mizelle ដែលត្រូវបានតែងតាំងដោយអតីតប្រធានាធិបតី Donald Trump ឬយ៉ាងណា?
ការសម្រេចនេះ គឺជាការសម្រេចចិត្តចុងក្រោយបង្អស់របស់ចៅក្រមអភិរក្សនិយមប្រឆាំងនឹងគោលនយោបាយកាត់បន្ថយកូវីដ១៩របស់រដ្ឋបាលនេះ។ លោកស្រី Mizelle បាននិយាយនៅក្នុងសេចក្តីសម្រេចខ្លួនថា មជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក បានពង្រីកសិទ្ធិអំណាចផ្លូវច្បាប់របស់ខ្លួនទាក់ទិននឹងវិធានការកូវីដនេះរួចមកហើយ ដោយបានរំលងការជូនដំណឹងជាសាធារណៈ និងការបញ្ចេញមតិមិនត្រឹមត្រូវតាមពេលវេលា ហើយមិនបានផ្តល់ការពន្យល់គ្រប់គ្រាន់សម្រាប់ការសម្រេចធ្វើដូច្នេះទេ។
សេតវិមាន បានហៅការសម្រេចចិត្តនេះថា ជាការសម្រេចចិត្តដ៏គួរឱ្យអស់សង្ឃឹម។
មន្ត្រីរដ្ឋបាលម្នាក់ បាននិយាយថា៖ «សេចក្តីសម្រេចរបស់តុលាការថ្ងៃនេះ មានន័យថា ការបញ្ជាឱ្យមានការពាក់ម៉ាសក្នុងវិស័យដឹកជញ្ជូនសាធារណៈរបស់ CDC មិនចូលជាធរមាននៅពេលនេះទេ។ ដូច្នេះ រដ្ឋបាលសន្តិសុខដឹកជញ្ជូន ក៏មិនអនុវត្តច្បាប់របស់ខ្លួន ដែលតម្រូវឱ្យពាក់ម៉ាសក្នុងវិស័យដឹកជញ្ជូនសាធារណៈនិងមជ្ឈមណ្ឌលដឹកជញ្ជូននៅពេលនេះទេ»។
បន្ទាប់ពីការប្រកាសរបស់រដ្ឋបាល ក្រុមហ៊ុនអាកាសចរណ៍អាមេរិក American, Southwest, United, Delta និង Alaska Airlines ទាំងអស់បាននិយាយថា ការពាក់ម៉ាសនឹងក្លាយជាម្រើសសម្រាប់បុគ្គលិក និងអ្នកដំណើរថាតើពួកគេចង់ពាក់ឬអត់?
