.jpg)
ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក Anatoly Antonov។ រូបថត AFP
ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក Anatoly Antonov និយាយថា មន្ត្រីនៅទីក្រុងវ៉ាស៊ីនតោន មើលរំលងរូបលោក ចំពេល ដែលទីក្រុងម៉ូស្គូ មានការលុកលុយពីអ៊ុយក្រែន ហើយលោកក៏មិនបាននិយាយជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន ក្នុងរយៈពេលជាច្រើនឆ្នាំមកហើយ។
លោក Antonov បានប្រាប់សារព័ត៌មាន Politico ខ្លួនគាត់ផ្ទាល់ និងស្ថានទូតរបស់លោក នៅក្នុងបទសម្ភាសផ្តាច់មុខ ដែលចេញផ្សាយកាលពីថ្ងៃចន្ទថា៖ «និយាយដោយត្រង់ទៅ គេបិទផ្លូវយើងជិត»។
យោងតាមសារព័ត៌មាន Politico បេសកជនរុស្ស៊ី មិនអាចជួបជាមួយមន្ត្រីជាន់ខ្ពស់នៅសេតវិមាន ឬក្រសួងការបរទេសអាមេរិកបានទេ។
សមាជិកសភាអាមេរិក ក៏បានបដិសេធមិនជួបជាមួយលោក Antonov ចាប់តាំងពីការបោះឆ្នោតប្រធានាធិបតី Joe Biden ហើយពួកគេនឹងមិនថតរូបជាមួយគាត់ដែរ។ នេះបើយោងតាមសារព័ត៌មានដដែល។
លោក Antonov បានប្រាប់សារព័ត៌មាន Politico ថា ទំនាក់ទំនងការទូតនឹងមិនត្រូវ បានកាត់ផ្តាច់ទាំងស្រុងនោះទេ ហើយថា ស្ថានទូតរុស្ស៊ីនៅតែមានទំនាក់ទំនងបែបបច្ចេកទេស ឬ កម្រិតទាបជាមួយរដ្ឋបាល Biden ។
លោក Antonov បាននិយាយថា៖ «យើង ត្រូវបរាជ័យក្នុងការសហការលើការដោះស្រាយបញ្ហាផ្សេងៗ។ យើងពិបាកស្រមៃណាស់ថា នៅក្រោមកាលៈទេសៈបែបនេះ បញ្ហានៃស្ថិរភាពយុទ្ធសាស្ត្រ ការប្រែប្រួលអាកាសធាតុ មេរោគឆ្លង ការប្រយុទ្ធប្រឆាំងនឹងអំពើភេរវកម្ម ការប្រយុទ្ធប្រឆាំងនឹងការរីកសាយនៃអាវុធប្រល័យលោក អាចត្រូវបានដោះស្រាយបាន ដោយគ្មានការចូលរួមសកម្មពីសហរដ្ឋអាមេរិក និងរុស្ស៊ី»៕
