.jpg)
រដ្ឋមន្ត្រីការបរទេសតួកគី លោក Mevlut Cavusoglu ថ្លែងនាពេលកន្លងទៅ។ រូបថត AFP
ប្រទេសតួកគី បិទផ្លូវអាកាសមិនឱ្យកម្លាំងប្រដាប់អាវុធរុស្ស៊ីឆ្លងដែនអាកាសរបស់ខ្លួនទៅស៊ីរីក្នុងគោលបំណងដើម្បីបង្កើនសម្ពាធលើលោក វ្ល៉ាឌីមៀរ ពូទីន ខណៈដែលទីក្រុងអង់ការ៉ា ព្យាយាមស្តារកិច្ចចរចាសន្តិភាពជាមួយអ៊ុយក្រែនឡើងវិញ។
រដ្ឋមន្ត្រីការបរទេសតួកគី លោក Mevlut Cavusoglu បាននិយាយថា យន្តហោះយោធារុស្ស៊ីនឹងមិនអាចឆ្លងកាត់ប្រទេសរបស់លោកបានទៀតទេ។
លោកបានប្រាប់អ្នកកាសែតក្នុងដំណើរទស្សនកិច្ចទៅកាន់ប្រទេសអ៊ុយរូហ្គាយថា៖ «យើងបានបិទដែនអាកាសរបស់យើងសម្រាប់ជើងហោះហើរយោធា និងសូម្បីតែជើងហោះហើរស៊ីវិលរបស់រុស្ស៊ីដែលកំពុងដឹក យោធាទៅកាន់ប្រទេសស៊ីរី។
ក្រុមអ្នកវិភាគ បាននិយាយថា ចំណាត់ការនេះនឹងធ្វើឱ្យមានភាពស្មុគស្មាញបន្ថែមទៀតដល់ផ្នែកដឹកជញ្ជូនសម្រាប់ប្រទេសរុស្ស៊ី នៅក្នុងប្រទេសស៊ីរី បន្ទាប់ពីប្រទេសតួកគី បានកំណត់ការឆ្លងកាត់នៃនាវាចម្បាំងបរទេសពីសមុទ្រខ្មៅទៅកាន់សមុទ្រមេឌីទែរ៉ាណេភ្លាមៗ បន្ទាប់ពីសង្គ្រាមអ៊ុយក្រែនបានចាប់ផ្តើម៕
វីដេអូ៖
