មជ្ឈមណ្ឌលហិរញ្ញវត្ថុដ៏សំខាន់របស់ទីក្រុងសៀងហៃ បានរកឃើញករណីស្លាប់ ដោយសារកូវីដ បន្ថែមទៀតនៅថ្ងៃទី ២២ ខែមេសា ខណៈដែលអ្នកស្រុក បានខឹងសម្បាជុំវិញការបិទខ្ទប់ និងការត្រួតពិនិត្យយ៉ាងតឹងរ៉ឹងតាមអ៊ីនធឺណិត។
ការបិទទីក្រុងសៀងហៃពេញលេញ បានចាប់ផ្តើមនៅដើមខែ មេសា ទោះបីមនុស្សជាច្រើន ត្រូវបានបង្ខាំងឱ្យនៅក្នុងផ្ទះរបស់ពួកគេយូរមកហើយក៏ដោយ ហើយភាពតានតឹងចាប់ផ្តើមកើតមានឡើងលើអ្នកស្រុក។
មកទល់ពេលនេះ ទីក្រុងនេះ បានរាយការណ៍ពីករណីស្លាប់ថ្មីចំនួន ១២ ករណី កាលពីថ្ងៃសុក្រ។
រដ្ឋបាលក្រុងសៀងហៃ បាននិយាយថា អ្នកជំងឺ ដែលស្លាប់ មានអាយុជាមធ្យម ៨៨ ឆ្នាំ ហើយសុទ្ធតែជាអ្នកមានជំងឺប្រចាំកាយ និងមិនមានអ្នកដែលបានចាក់វ៉ាក់សាំងទេ។
នៅលើប្រព័ន្ធផ្សព្វផ្សាយសង្គម អ្នកនិយមលេងអ៊ីនធឺណិត បានតស៊ូប្រឆាំងនឹងការត្រួតពិនិត្យពេញ១យប់ ដើម្បីចែករំលែកវីដេអូរយៈពេល ៦នាទី មានចំណងជើងថា "The Voice of April" ដែលជាការកាត់តសំឡេង ដែលបានថតក្នុងអំឡុងពេលនៃការផ្ទុះកូវីដនៃទីក្រុងសៀងហៃ។
វីដេអូនេះ បានបង្ហាញអំពីអគារខ្ពស់ៗស្ងាត់ៗក្នុងទីក្រុងសៀងហៃ និងមានអ្នកស្រុកត្អូញត្អែរអំពីកង្វះអាហារ និងថ្នាំពេទ្យ ព្រមទាំងយុទ្ធសាស្ត្រប្រើដៃធ្ងន់ៗរបស់អាជ្ញាធរក្រុង។
ទោះបីជា មានការខឹងសម្បា និងការខកចិត្តក្នុងចំណោមអ្នកស្រុកនៅក្នុងបរិវេណលំនៅឋានដែលបិទជិតនៅទីក្រុងសៀងហៃក៏ដោយ ក៏មន្ត្រីក្នុងតំបន់នៅតែរក្សាការបន្ធូរបន្ថយរហូតដល់ករណីថ្មីនៅខាងក្រៅតំបន់ដាច់ពីគេត្រូវបានគេសម្អាតអស់៕
វីដេអូ៖