កាលពីថ្ងៃអាទិត្យ ទី ២៤ មេសា រដ្ឋាភិបាលអូស្ត្រាលីបានធ្វើការការពារការឆ្លើយតបរបស់ខ្លួនចំពោះទំនាក់ទំនងរវាងចិននិងកោះសូឡូម៉ុងដែលថ្មីៗនេះបានឈានដល់កិច្ចព្រមព្រៀងសន្តិសុខខណៈពេលដែលរដ្ឋាភិបាលនេះប្រឈមនឹងការបោះឆ្នោតនៅខែក្រោយដែលពួកគេចង់បង្ហាញអំពីភាពជោគជ័យសន្តិសុខរបស់ពួកគេ។
រដ្ឋមន្ត្រីក្រសួងការពារជាតិអូស្ត្រាលីលោកពីធឺដាត់តុនបាននិយាយនៅលើបទសម្ភាស មួយថាភាពជោគជ័យរបស់ប្រទេសចិនគឺដោយសារទីលានប្រកួតមិនស្មើគ្នាដែលពាក់ព័ន្ធនិងប្រើប្រាស់យុទ្ធសាស្ត្រគ្មានរដ្ឋាភិបាលណាហ៊ានធ្វើឬប្រកួតជាមួយបាន។
លោកបាននិយាយថា៖ «ប្រសិនបើក្រឡេកមើលអ្វីដែលកើតឡើងនៅទ្វីបអាហ្វ្រិកមានការសូកសំណូកកំពុងកើតឡើងយើងមិនអាចប្រកួតប្រជែងជាមួយនឹងវិធីបែបនោះបានទេ»។
ប៉ុន្តែលោកបដិសេធមិនបញ្ជាក់ថាមានការសូកសំណូកដែរឬទេក្នុងករណីកោះសូឡូម៉ុង។
រីឯលោកនាយករដ្ឋមន្ត្រីស្កុតម៉ូរីសុនបាននិយាយថាលោកមានជំហរដូចសហរដ្ឋអាមេរិកនិងនូវែលសេឡង់ ក្នុងការកំណត់ «ខ្សែបន្ទាត់ក្រហម» ជុំវិញការបង្កើតមូលដ្ឋានយោធានៅលើកោះសូឡូម៉ុង។
កិច្ចព្រមព្រៀងប្រកាសកាលពីដើមខែនេះ ត្រូវបានគេមើលឃើញថាជាផ្លូវដ៏សំខាន់មួយដើម្បីពង្រីកឥទ្ធិពលរបស់ប្រទេសចិននៅតំបន់ប៉ាស៊ីហ្វិក ដែលភាគច្រើនប្រវត្តិសាស្ត្របច្ចុប្បន្នគឺស្ថិតក្រោមឥទ្ធិពលរបស់សហរដ្ឋអាមេរិក អូស្ត្រាលី និងនូវែលសេឡង់។
ប្រទេសចិនបាននិយាយថាកិច្ចព្រមព្រៀងនេះ នឹងជួយកោះសូឡូម៉ុងក្នុងការរក្សាសណ្ដាប់ធ្នាប់សង្គម និងទប់ទល់នឹងគ្រោះមហន្តរាយធម្មជាតិ។ ចិនក៏បាននិយាយថាវាមិនបង្កគ្រោះថ្នាក់ដល់សហរដ្ឋអាមេរិកទេ ខណៈពេលដែលកោះសូឡូម៉ុងនិយាយថាវាមិនធ្វើឱ្យខូចដល់សន្តិភាពក្នុងតំបន់៕