មេដឹកនាំមីយ៉ាន់ម៉ា លោកស្រី អ៊ុងសាន ស៊ូជី អាចនឹងត្រូវប្រឈមមុខនឹងការជាប់ពន្ធនាគារ ១៥ ឆ្នាំនៅថ្ងៃចន្ទ ខណៈតុលាការនៅក្នុងប្រទេស គ្រោងនឹងប្រកាសសាលក្រមក្នុងសំណុំរឿងពុករលួយជាច្រើនប្រឆាំងនឹងលោកស្រី។
ចាប់តាំងពី រដ្ឋប្រហារកាលពីឆ្នាំមុន លោកស្រី ស៊ូជី ដែលធ្លាប់ទទួលជ័យលាភីណូបែលផងនោះ ត្រូវបានគេចោទប្រកាន់ពីបទឧក្រិដ្ឋជាច្រើនរាប់ចាប់ពីការញុះញង់ និងអំពើពុករលួយ រហូតដល់ការរំលោភច្បាប់បោះឆ្នោត និងច្បាប់សម្ងាត់រដ្ឋ ដោយគិតពីការអនុវត្តការកាត់ទោសអតិបរមារួមគ្នា លោកស្រីត្រូវជាប់ទោសលើសពី ១៥០ ឆ្នាំឯណោះ ។
លោកស្រី ត្រូវបានគេរកឃើញថា មានពិរុទ្ធពីបទឧក្រិដ្ឋតិចជាង ២ ករណីគិតរហូតមកដល់ពេលនេះ ហើយត្រូវបានកាត់ទោសឱ្យជាប់ពន្ធនាគាររយៈពេល ៦ ឆ្នាំ នៅក្នុងការកាត់ក្តីជាបន្តបន្ទាប់ ដែលអាចនឹងចំណាយរយៈពេលជាច្រើនឆ្នាំ ហើយក៏នឹងបន្សល់ទុកឱកាសតិចតួច ត្រឡប់មកផ្នែកនយោបាយសម្រាប់មេដឹកនាំ ដែលតស៊ូប្រឆាំងនឹងរបបផ្តាច់ការក្នុងប្រទេសនេះ។
យោងតាមប្រភព ដែលដឹងពីការកាត់ក្តី ចៅក្រមគ្រោងនឹងសម្រេចនៅថ្ងៃ ចន្ទ លើបទចោទប្រកាន់ដែលលោកស្រី ស៊ូជី បានទទួលយកសំណូកសរុបចំនួន ៦០ ម៉ឺនដុល្លារ និងមាស ១១,៤ គីឡូក្រាមពីលោក Phyo Min Thein ដែលជាអតីតនាយករដ្ឋមន្ត្រីដែលជាបុគ្គលគ្រោងនឹងស្នងតំណែងលោកស្រីនា ពេលអនាគត។
របបយោធា បាននិយាយថា លោកស្រី ស៊ូជី កំពុងត្រូវបានគេជួយសម្រួលដំណើរការឱ្យទទួលបានសេវា តុលាការឯករាជ្យត្រឹមត្រូវមួយផងដែរ៕