ប៉ូលិស និងហ៊ុមព័ទ្ធថ្មី បានដាក់កម្រិតថា អាចចាកចេញពីតំបន់បិទខ្ទប់ក្នុងទីក្រុងប៉េកាំងកាលពីថ្ងៃ អង្គារ ខណៈដែលអាជ្ញាធរក្នុងរដ្ឋធានីចិន បានបង្កើនកិច្ចខិតខំប្រឹងប្រែង ដើម្បីការពារការរីករាលដាលកូវីដនៅតំបន់សំខាន់ៗ ប៉ុន្តែទីក្រុងសៀងហៃនៅតែបិទខ្ទប់ដដែល។
ប្រជាជន បានតម្រង់ជួរធ្វើតេស្តតាមបំពង់កនៅទូទាំងទីក្រុងប៉េកាំង ខណៈ ដែលការធ្វើតេស្តដ៏ធំ ត្រូវបានពង្រីកដល់ ១១ ស្រុកក្នុងទីក្រុង ១៦។
មន្ត្រីសុខាភិបាលក្រុងប៉េកាំង បាននិយាយនៅក្នុងសន្និសីទសារព័ត៌មានកាលពីរសៀលម្សិលមិញថា ករណីចំនួន ២២ ផ្សេងទៀត ត្រូវបានរកឃើញក្នុងរយៈពេល ២៤ម៉ោងចុងក្រោយ។ បើប្រៀបធៀបទៅនឹងទីក្រុងសៀងហៃ មានចំនួនតិចនៅឡើយ ខណៈចំនួនឆ្លងបានកើនឡើងដល់ ៥០ម៉ឺននាក់ ហើយយ៉ាងហោចណាស់មនុស្ស ១៩០ នាក់ បានស្លាប់។
ការប្រកាសដំបូងនៃការធ្វើតេស្តនៅក្នុងសង្កាត់មួយនៅទីក្រុងប៉េកាំង បានធ្វើឱ្យមានការភ័យស្លន់ស្លោទិញទំនិញនៅក្នុងទីក្រុងចំនួន ២១ លានកាលពីថ្ងៃចន្ទ ប៉ុន្តែស្ថានភាពហាក់ដូចជាស្ងប់ស្ងាត់កាលពីថ្ងៃ អង្គារ វិញ បើទោះបីជាការធ្វើតេស្តត្រូវបានពង្រីកក៏ដោយ។ ដោយឡែក ការដឹកជញ្ជូនសាធារណៈ ហាក់ដូចជា កំពុងដំណើរការជាធម្មតា ហើយអ្នកដំណើរធ្វើដំណើរពាសពេញផ្លូវធម្មតា៕