.jpg)
អ្នកការទូតសហភាពអឺរ៉ុប ២ រូប បាននិយាយថា សហភាពអឺរ៉ុប កំពុងងាកទៅរកការហាមប្រាមលើការនាំចូលប្រេងពីរុស្ស៊ីនៅចុងឆ្នាំនេះ ក្រោយកិច្ចពិភាក្សារវាងគណៈកម្មការអឺរ៉ុប និងរដ្ឋជាសមាជិកសហភាពអឺរ៉ុបកាលពីចុងសប្តាហ៍នេះ។
សហភាពអឺរ៉ុប កំពុងរៀបចំកញ្ចប់ទណ្ឌកម្មទី ៦ ប្រឆាំងនឹងរុស្ស៊ី ដើម្បីឆ្លើយតបទៅនឹងការឈ្លានពានរបស់អ៊ុយក្រែនកាលពីជាង ២ ខែមុន ដែលជាសកម្មភាពមួយក្រុងម៉ូស្គូហៅថា ប្រតិបត្តិការយោធាពិសេស។
កញ្ចប់នេះ ត្រូវបានរំពឹងថា នឹងកំណត់គោលដៅប្រេងរបស់រុស្ស៊ី ធនាគាររុស្ស៊ី និងបេឡារុស ក៏ដូចជាបុគ្គល និងក្រុមហ៊ុនជាច្រើនទៀត។
គណៈកម្មការ ដែលកំពុងសម្របសម្រួលការឆ្លើយតប របស់សហភាពអឺរ៉ុប បានធ្វើការពិភាក្សា ជាមួយក្រុមតូចៗនៃបណ្តាប្រទេសនៅសហភាពអឺរ៉ុប ហើយនឹងមានបំណងពង្រឹងផែនការដាក់ទណ្ឌកម្មរបស់ខ្លួនឱ្យទាន់ពេលវេលាសម្រាប់កិច្ចប្រជុំឯកអគ្គរដ្ឋទូតសហភាពអឺរ៉ុបនៅទីក្រុងប្រ៊ុចសែលនៅថ្ងៃ ពុធ។
រដ្ឋមន្ត្រីថាមពលសហភាពអឺរ៉ុប ក៏គ្រោងនឹងជួបប្រជុំគ្នានៅរដ្ឋធានីបែលហ្ស៊ិកនៅថ្ងៃចន្ទ ដើម្បីពិភាក្សាអំពីបញ្ហានេះដែរ។
អ្នកការទូតសហភាពអឺរ៉ុប បាននិយាយថា៖ «ប្រទេសមួយចំនួនរបស់សហភាពអឺរ៉ុប អាចបញ្ចប់ការប្រើប្រាស់ប្រេងរបស់ពួកគេមុនដំណាច់ឆ្នាំ ២០២២ ប៉ុន្តែប្រទេសផ្សេងទៀត ជាពិសេស សមាជិកនៅភាគខាងត្បូងមានការព្រួយបារម្ភអំពីផលប៉ះពាល់លើតម្លៃ»។
ក្រុមអ្នកការទូត បាននិយាយថា ប្រទេសអាល្លឺម៉ង់ ដែលជាអ្នក ទិញប្រេងធំជាងគេមួយរបស់រុស្ស៊ី ហាក់ដូចជា មានឆន្ទៈក្នុង ការផ្តាច់នៅចុងឆ្នាំ ២០២២ តែម្ដង ប៉ុន្តែប្រទេសនានា រួមមានអូទ្រីស ហុងគ្រី អ៊ីតាលី និងស្លូវ៉ាគី នៅមិនទាន់ប្រាកដនៅឡើយ៕
