សេដ្ឋកិច្ចរបស់ហុងកុង ធ្លាក់ចុះកាលពីត្រីមាសមុនជាលើកដំបូង ក្នុងរយៈពេលជាង១ឆ្នាំ ដោយសារការរឹតបន្តឹងក្នុងស្រុក ដើម្បីទប់ស្កាត់ការរីករាលដាលកូវីដ បណ្ដាលឱ្យផ្អាកសកម្មភាពក្នុងស្រុក និងប៉ះពាល់ដល់ពាណិជ្ជកម្មកុងស្រុកផងដែរ។
ផលិតផលក្នុងស្រុកសរុប (GDP) បានធ្លាក់ចុះ ៤ភាគរយ ក្នុងរយៈ ពេលពីខែ មករា ដល់ខែ មីនា ធៀបនឹងឆ្នាំមុន។ នេះបើយោងតាម ការប៉ាន់ស្មានជាមុន ដែលចេញផ្សាយ ដោយរដ្ឋាភិបាលកាលពីថ្ងៃ អង្គារ។ តួលេខនេះ ជាការធ្លាក់ចុះដំបូងរបស់ហុងកុង បើគិតចាប់តាំងពីចុងឆ្នាំ ២០២០ មក ក៏ជាតួរលេខធ្លាក់់ចុះអាក្រក់ចាប់តាំងពីត្រីមាសទី៣នៃឆ្នាំ ២០២០ ធ្លាក់ចុះច្រើនជាងការប៉ាន់ប្រមាណជាមធ្យម ១,៣ភាគរយ (នៅក្នុងការស្ទង់មតិរបស់ Bloomberg)។
ទីក្រុងនេះ បានប្រឈមមុខនឹងសម្ពាធយ៉ាងសម្បើម នៅក្នុងត្រីមាសទី១នៃឆ្នាំ ២០២២។ អ្នកនាំពាក្យរដ្ឋាភិបាល ក៏បាននិយាយនៅក្នុងការចេញផ្សាយពីនាយកដ្ឋានជំរឿន និងស្ថិតិថា រលកកូវីដទី ៥ របស់ទីក្រុង រួមជាមួយ នឹងការសម្របសម្រួលកំណើន តម្រូវការសកល និងការរីករាលដាលនៃការដឹកជញ្ជូនឆ្លងព្រំដែន បាន អូសទាញសេដ្ឋកិច្ចឱ្យធ្លាក់ចុះ។
មុននឹងបញ្ចេញទិន្នន័យ គេឃើញមានសញ្ញានៃការខូចខាតសេដ្ឋកិច្ចយ៉ាងខ្លាំងរួចមកហើយក្នុងរយៈពេល ៣ ខែដំបូងនៃឆ្នាំនេះ ដោយទីផ្សារលក់រាយ បានធ្លាក់ចុះជាង ១៤ភាគរយនៅក្នុងខែកុម្ភៈ ហើយការនាំចេញធ្លាក់ចុះ ៨,៩ភាគរយ នៅក្នុងខែ មីនា៕