.jpg)
លោកស្រីប្រធានគណៈកម្មការអឺរ៉ុប Ursula von der Leyen។ AFP
តម្លៃប្រេងបានធ្លាក់ចុះជាង ២ ភាគរយ កាលពីថ្ងៃអង្គារ ជុំវិញការព្រួយបារម្ភអំពីតម្រូវការ ដែលបណ្តាលមកពីការបិទខ្ទប់រយៈពេលវែងរបស់ប្រទេសចិន ដែលការបិទខ្ទប់នេះធ្វើឱ្យប៉ះពាល់ដល់ការដាក់ទណ្ឌកម្មរបស់អឺរ៉ុបលើប្រេងឆៅរបស់រុស្ស៊ី។
ប្រេងឆៅប្រភេទ Brent ធ្លាក់ចុះ ២,៦១ ដុល្លារ ឬ ២,៤ភាគរយ ពោលគឺធ្លាក់មកនៅត្រឹម ១៤,៩៧ ដុល្លារក្នុង១ បារ៉ែល។ ប្រេងឆៅរបស់អាមេរិក West Texas Intermediate (WTI) ធ្លាក់ចុះ ២,៧៦ដុល្លារ ឬ ២,៦ភាគរយ ពោលគឺធ្លាក់ត្រឹម ១០២,៤១ ដុល្លារក្នុង១ បារ៉ែល។
លោក Gary Cunningham នាយកក្រុមហ៊ុន Tradition Energy បាននិយាយថា៖ «យើងមានការព្រួយបារម្ភថាតើតម្រូវការរបស់ចិន នៅតែរឹងមាំដដែលទេក្នុងឆ្នាំ ២០២២»។
ទោះយ៉ាងណាក៏ដោយ តម្លៃប្រេងនៅតែខ្ពស់ ដោយប្រេងឆៅ Brent បានឡើងដល់ ១៣៩ ដុល្លារក្នុងខែមីនា ជាតម្លៃខ្ពស់បំផុត ចាប់តាំងពីឆ្នាំ ២០០៨ បន្ទាប់ពីការលុកលុយរបស់រុស្ស៊ីលើអ៊ុយក្រែន និងបានធ្វើឱ្យមានការព្រួយបារម្ភខ្លាំងលើការផ្គត់ផ្គង់ ដែលកំពុងជំរុញឱ្យមាន ការឡើងថ្លៃដែរ។
សហភាពអឺរ៉ុប បាន និងកំពុងធ្វើការលើការដាក់ទណ្ឌកម្មជុំទី ៦ ហើយប្រឆាំងនឹងរុស្ស៊ី ដោយក្រុមមន្ត្រី បាននិយាយថា ប្រធានគណៈកម្មការអឺរ៉ុប Ursula von der Leyen ត្រូវបានគេរំពឹងថា នឹងបញ្ចប់ផែនការនៅថ្ងៃពុធ រួមទាំងការហាមឃាត់ការនាំចូលប្រេងពីរុស្ស៊ីនៅចុងឆ្នាំនេះផងដែរ។
លោក Phil Flynn អ្នកវិភាគនៅក្រុម Price Futures បាននិយាយថា សកម្មភាពតម្លៃទំនងជានៅតែប្រែប្រួលនៅពេលដែលពាណិជ្ជករថ្លឹងថ្លែងពីផលប៉ះពាល់នៃការបិទខ្ទប់ របស់ប្រទេសចិនប្រឆាំងនឹងទណ្ឌកម្មប្រេងរបស់ប្រទេសលោកខាងលិច និងមុនកិច្ចប្រជុំរបស់ធនាគារកណ្តាលអាមេរិកនៅថ្ងៃ ពុធ៕
