មេដឹកនាំតាលីបង់ប្រទេសអាហ្វហ្គានីស្ថាន បានចាប់ផ្តើមអនុវត្តបទបញ្ជាថ្មីមួយ ដែលតម្រូវឱ្យអ្នកផ្សាយព័ត៌មានទូរទស្សន៍ស្ត្រីទាំងអស់នៅក្នុងប្រទេសនេះ បិទមុខរបស់ពួកគេពេលកំពុងផ្សាយ។ នេះបើតាមឱ្យដឹងពីសារព័ត៌មាន Al Jazeera។
បន្ទាប់ពីការបញ្ជា ត្រូវបានប្រកាសកាលពីថ្ងៃព្រហស្បតិ៍ មានតែសារព័ត៌មានមួយចំនួនតូចប៉ុណ្ណោះ ដែលបានអនុវត្ត។ ប៉ុន្តែ កាលពីថ្ងៃអាទិត្យ ស្ត្រីធ្វើការតាមមុខកញ្ចក់ទូរទស្សន៍ភាគច្រើន ត្រូវបានគេឃើញបិទមុខ បន្ទាប់ពីក្រសួងអនុ និងគុណធម៌របស់តាលីបង់ចាប់ផ្តើមអនុវត្តក្រឹត្យនេះ។ ក្រសួងព័ត៌មាន និងវប្បធម៌ ធ្លាប់ប្រកាសថា គោលការណ៍នេះ គឺជាការសម្រេចហើយ មិនអាចចរចាបានទេ។
អ្នកស្រី Sonia Niazi ដែលជាអ្នកអានព័ត៌មាននៅឯទូរទស្សន៍ TOLOnews របស់ប្រទេសអាហ្វហ្គានីស្ថាន បាននិយាយថា៖ «វាគ្រាន់តែជាវប្បធម៌ខាងក្រៅ ដែលដាក់មកលើយើងប៉ុណ្ណោះ ដោយបង្ខំឱ្យយើងពាក់ម៉ាស់ ហើយវាអាចបង្កើតបញ្ហាសម្រាប់យើងនៅពេលដែលបង្ហាញកម្មវិធីរបស់យើង»។
អ្នកស្រី Niazi បានប្រាប់មកបណ្ដាញសារព័ត៌មាន Al Jazeera ថា ជាលើកដំបូង ដែលអ្នកស្រីមានអារម្មណ៍មិនល្អទាល់តែសោះ ខណៈពេលបង្ហាញកម្មវិធី។ អ្នកស្រី Niazi បាននិយាយថា៖ «ក្រឹត្យនេះ មិនអាចទាយទុកជាមុនបានសម្រាប់ពិធីការិនីទាំងអស់នោះឡើយ ពីព្រោះសាសនាអ៊ិស្លាម មិនបានបញ្ជាឱ្យយើងបិទមុខរបស់យើងទេ។ រាល់អ្នកប្រាជ្ញអ៊ិស្លាម និងឥស្សរជននយោបាយ ក៏បានប្រឆាំងនឹងក្រឹត្យនេះដែរ»៕
វីដេអូ៖