.jpg)
រដ្ឋមន្ត្រីការបរទេសរុស្ស៊ី លោក Sergei Lavrov (ស្តាំ) និងរដ្ឋមន្ត្រីការបរទេសអ៊ីរ៉ង់ លោក Hossein Amir-Abdollahian ធ្វើសន្និសីទសារព័ត៌មានរួមគ្នា នៅទីក្រុងម៉ូស្គូ កាលពីថ្ងៃទី ១៥ ខែមីនា។
ការនាំចេញឧស្ម័នប្រេងរាវសំខាន់ៗរបស់អ៊ីរ៉ង់ ប្រឈមនឹងរលកនៃការប្រកួតប្រជែង នៅពេលដែលទំនិញរុស្ស៊ីកាត់បន្ថយតម្លៃ បានទាក់ទាញអតិថិជនចាស់របស់ខ្លួន ក្នុងប្រទេសជាច្រើន ដូចជាអាហ្វហ្គានីស្ថាន ប៉ាគីស្ថាន និងតួកគី។
ការនាំចេញឧស្ម័ន LPG ដែលប្រើប្រាស់សម្រាប់តាំងពីថាមពលកម្ដៅ និងចម្អិនអាហារ រហូតដល់ផ្ដល់ថាមពលឱ្យរថយន្តនោះ គឺជាប្រភពចំណូលដ៏ចាំបាច់ សម្រាប់ប្រទេសមជ្ឈិមបូព៌ា ដែលរងការដាក់ទណ្ឌកម្ម។ ប៉ុន្តែការដឹកជញ្ជូនទាំងនោះ អាចស្ថិតក្នុងគ្រោះថ្នាក់ ដោយសារការធ្វើពហិការរបស់លោកខាងលិច ជុំវិញការឈ្លានពានរបស់រុស្ស៊ីលើអ៊ុយក្រែន បង្ខំឱ្យទីក្រុងម៉ូស្គូ តាមប្រមាញ់អតិថិជនថ្មីសម្រាប់ធនធានរបស់ខ្លួន ក្នុងនោះរួមទាំងឧស្ម័ន LPG ផងដែរ។
លោក Seyed Hamid Hoseini ប្រធានសហជីពប្រេងអ៊ីរ៉ង់ ប្រាប់កាសែត Entekhab ថា៖ «យើងបានលក់ហ្គាសរាវទៅឱ្យអាហ្វហ្គានីស្ថាន និងប៉ាគីស្ថាន ក្នុងតម្លៃប្រហែល $៦០០ ទៅ $៧០០ ក្នុងមួយតោន»។
រំហូរចូលនៃឧស្ម័នរុស្ស៊ី ដែលមានតម្លៃថោក បានជំរុញអ្នកផ្គត់ផ្គង់ក្នុងតំបន់ផ្សេងទៀត ដូចជាកាហ្សាក់ស្ថាន និងអ៊ូសបេគីស្ថាន ធ្វើឱ្យតម្លៃរបស់ពួកគេធ្លាក់ចុះ និងបានរីករាលដាលដល់ទីផ្សារ សម្រាប់ប្រេង និងប្រេងម៉ាស៊ូតផងដែរ។
យោងតាមគេហទំព័រយោង Worldometer បានឱ្យដឹងថា ប្រទេសអ៊ីរ៉ង់បញ្ចេញឧស្ម័នធម្មជាតិស្ងួតចំនួន ៩ ពាន់ពាន់លានហ្វីតគូប ក្នុងមួយឆ្នាំ ដែលធ្វើឱ្យវាក្លាយជាប្រទេសផលិតធំបំផុតទី ៣ របស់ពិភពលោក បន្ទាប់ពីសហរដ្ឋអាមេរិក និងរុស្ស៊ី។ ប្រហែល ២/៣ នៃនោះ ត្រូវបានប្រើប្រាស់ក្នុងស្រុក នៅកន្លែងដូចជាផ្ទះ រោងចក្រ និងប្រព័ន្ធអគ្គិសនី ខណៈដែលនៅសល់ ត្រូវបាននាំចេញ៕
វីដេអូ៖
