The Phnom Penh Post Search

Search form




Logo of Phnom Penh Post newspaper Phnom Penh Post - សមាជិកសភាខ្លាច​ថា ​តួកគី​កំពុង​លេងល្បែង​មុខ ២ ក្នុង​កិច្ចចរចារ​អាវុធ​ជាមួយ​អង្គការ​ណា​តូ

សមាជិកសភាខ្លាច​ថា ​តួកគី​កំពុង​លេងល្បែង​មុខ ២ ក្នុង​កិច្ចចរចារ​អាវុធ​ជាមួយ​អង្គការ​ណា​តូ

Content image - Phnom Penh Post
ប្រធានា​ធិបតី​តួកគី​លោក Erdogan លើក​ដៃស្វាគមន៍ ពេល​លោក​ចូល​រួម​កិច្ច​ប្រជុំនៅឯ​សភា​ជាតិ​តួកគី ក្នុង​ក្រុង​អង់ការ៉ាកាល​ពី​ថ្ងៃ​ទី ១ ខែ​មិថុនា​។AFP

សមាជិកសភាខ្លាច​ថា ​តួកគី​កំពុង​លេងល្បែង​មុខ ២ ក្នុង​កិច្ចចរចារ​អាវុធ​ជាមួយ​អង្គការ​ណា​តូ

សមាជិក​សភាកំពុងមាន​ការ​ប្រុងប្រយ័ត្ន​កាន់​តែខ្លាំង​ឡើង​ថា ប្រធានាធិបតី​តួកគី​លោក RecepTayyip Erdogan កំពុង​លេងល្បែង​មុខ ២ នៅក្នុង​ការចរចា​អាវុធ ខណៈដែល​គាត់​សម្លឹង​រក​ផលប្រយោជន៍​នយោបាយ​ជា​ថ្នូរ​នឹង​សន្តិសុខ​អឺរ៉ុប។ នេះ​បើតាម​ប្រភព​មួយ ប្រាប់​សារព័ត៌មាន Fox News នៅ​ថ្ងៃ​ព្រហស្បតិ៍។

មនុស្ស​មួយចំនួន នៅក្នុង​សភា​កាន់តែ​ស្ទាក់ស្ទើរ ក្នុង​ការចូល​ចរចា​ជាមួយ​ទីក្រុង​អង់កា​រ៉ា បន្ទាប់ពី​លោក ​Erdogan បាន​ចាត់វិធានការ ដើម្បី​ទប់ស្កាត់​ការពង្រីក​របស់​អង្គការ​ណា​តូ ​នៅពេលដែល​អឺរ៉ុប កំពុង​ប្រឈម​នឹង​ការគំរាមកំហែង​ផ្នែក​សន្តិសុខ​ដ៏​ធំ​បំផុត​របស់ខ្លួន ចាប់តាំងពី​សង្គ្រាមលោកលើកទី២ មក។

ប្រធានាធិបតី​អាមេរិក លោក JoeBiden នៅ​ដើមខែ​នេះ​បាន​ជំរុញ​ឱ្យ​សភា​អនុម័ត​កិច្ចព្រមព្រៀង​សព្វាវុធ​ចំនួន$៤០០លាន​ដែល​នឹង​ជួយ​ជា​ជំនួយ​ដល់​កង​នាវា ​F-16 (មាន​ទង់ជាតិ​របស់​ប្រទេស​តួកគី) ដោយ​ការ​ផ្តល់នូវ​កាំជ្រួច​រ៉ា​ដា និង​ឧបករណ៍​ដទៃទៀត។ សំណើ​ទី ២ក៏ត្រូវ​បាន​គេ​រំពឹងថា ​ជួយ​ជា​ជំនួយ​ដល់​កង​នាវា​អាកាស​របស់​ទីក្រុង​អង់កា​រ៉ា ​ដោយ​ការផ្គត់ផ្គង់​យន្តហោះ F-16 ថ្មី នៅ​ចុងឆ្នាំ​នេះ។

ចំណាត់​ការ ដែល​ទំនងជា​ត្រូវបាន​គាំទ្រ​ដំបូង ​ដោយ​សមាជិកសភា នៅ​ផ្នែក​ទាំង​ភា​គី​សងខាង​នេះ នឹង​ជួយ​ការពារ​ដែនអាកាស​រប​ស់​តួកគី។

បន្ថែម​ពីនេះ វា​ក៏​នឹង​ជួយ​បម្រើឱ្យ​មានការ​ប្រសើរឡើង​នូវ​ទំនាក់ទំនង​របស់​ទីក្រុង​វ៉ាស៊ីនតោន​ជាមួយ​សម្ព័ន្ធមិត្ត​ណា​តូ បន្ទាប់ពី​ទំនាក់ទំនង​នៃ​ភាគី ធ្លាក់​ក្នុងស្ថានភាព​ឈាម​ត្រជាក់​ក្នុង​ឆ្នាំ ២០១៩ នៅពេលដែល​សហរដ្ឋអាមេរិក បាន​រារាំង​ការលក់​យន្តហោះ​ចម្បាំង F-35 ទៅឱ្យ​ប្រទេស​តួក​គី ក្រោយ​កិច្ចព្រមព្រៀង​មួយ ដែល​ទីក្រុង​អង់កា​រ៉ា បានធ្វើ​ដើម្បី​ទិញ​ប្រព័ន្ធ​ការពារ S-400 ដែល​ផលិត​ដោយ​រុស្ស៊ី​កន្លងមក។

ប៉ុន្តែ​តិចជាង ២ សប្តាហ៍ បន្ទាប់ពី​ការ​បែកធ្លាយ​ពី​សំណើស្ដីពី​ការគាំទ្រ ​ដោយ​លោក​ Biden មក លោក ​Erdogan បាន​និយាយថា តួកគី​នឹង​រារាំង​ការដេញថ្លៃ​របស់​អង្គការ​ណា​តូ ដែល​ចេញ​ដោយ​ស៊ុយអែត និង​ហ្វាំងឡង់ជុំវិញ​ការចោទប្រកាន់​ប្រទេស​ទាំង ២ ដែល​បានដាក់​ទណ្ឌកម្ម​ពលរ​ដ្ឋតួកគី​ម្នា​ក់ថា ជា​ភេរ​វករ។

បុគ្គលិក​ជាន់ខ្ពស់​នៃ​សភា ដែលមាន​ចំណេះដឹង​អំពី​សំណើ​ដដែល​នេះ បាន​ប្រាប់​សារព័ត៌មាន ​Fox News កាលពី​ថ្ងៃ​ព្រហស្បតិ៍​ថារដ្ឋបាល Biden ចាញ់បោក​តួកគី ១​​ ក្បាច់​ហើយ។

ប្រភព​ដដែលបាន​និយាយថា៖ «ពួកគេ​មិនមែនជា​ឈ្មួញកណ្តាល​ដ៏​ស្មោះត្រង់​ទេ ហើយ​ពួកគេ​មិនមាន​អាកប្បកិរិយា ដូច​ប្រទេស​សម្ព័ន្ធមិត្ត​ណា​តូ​ដទៃ​ដែរ​។ ពួកគេ​កំពុង​ធ្វើ​សកម្មភាព​យ៉ាង​គឃ្លើន ​ក្នុង​ផលប្រយោជន៍​ផ្ទាល់ខ្លួន ប្រទេស​តួកគី ​បាន​ថ្កោលទោស​ការឈ្លានពាន​រប​ស់​រុស្ស៊ី​លើ​អ៊ុយ​ក្រែ​ន ​ដោយបាន​អំពាវនាវ​ឱ្យ​ដក​ចេញពី​ក្រុមប្រឹក្សា​សិទ្ធិមនុស្ស​អង្គការសហប្រជាជាតិ និង​ព្យាយាម​សម្របសម្រួល​កិច្ចចរចា​សន្តិភាព រ​វា​ង​រុស្ស៊ី​និង​អ៊ុយ​ក្រែ​ន​ទៀតផង»។

ទោះយ៉ាងណា លោក Erdogan តែង​បដិសេធ​មិន​ដាក់ទណ្ឌកម្ម​ទីក្រុង​ម៉ូស្គូហើយ​អ្នកខ្លះ​ចាត់ទុក​ការបិទផ្លូវ​រុស្ស៊ី​ពី​សំណាក់​អង្គការ​ណា​តូ​ថា ជា​ជ័យជម្នះ សម្រាប់​ប្រធានាធិបតី​រុស្ស៊ី​លោ​ក វ្ល៉ា​ឌី​មៀ ពូ​ទីន ទៀតផង។

ប្រភព​ដែល​ដឹង​អំពី​បញ្ហា​នេះ​បាន​និយាយថា ​ការចរចា​ជាមួយ​តួកគី​លើ​ការអនុញ្ញាតឱ្យ​ស៊ុយអែត ​និង​ហ្វាំ​ង​ឡង់​ចូល​ជា​សមាជិក​ណា​តូ គឺជា​ការគិត​ខ្លី៕

វីដេអូ៖

អត្ថបទគួរចាប់អារម្មណ៍