The Phnom Penh Post Search

Search form




Logo of Phnom Penh Post newspaper Phnom Penh Post - រោង​ចក្រ​​នាំចេញ​ឧស្ម័ន​ធម្មជាតិ LNG ធំបំផុត​នៅអាមេរិក​​​បិទទ្វារ ៣ សប្តាហ៍ ​​ធ្វើឱ្យ​​ទីផ្សា​រ​ថាម​ពល​ពិភ​ព​លោ​ក​កើន​ឡើ​ង

រោង​ចក្រ​​នាំចេញ​ឧស្ម័ន​ធម្មជាតិ LNG ធំបំផុត​នៅអាមេរិក​​​បិទទ្វារ ៣ សប្តាហ៍ ​​ធ្វើឱ្យ​​ទីផ្សា​រ​ថាម​ពល​ពិភ​ព​លោ​ក​កើន​ឡើ​ង

Content image - Phnom Penh Post
រូប​ភាព​ថត​ពី​លើ​នៃរោង​ចក្រ Freeport LNG។

រោង​ចក្រ​​នាំចេញ​ឧស្ម័ន​ធម្មជាតិ LNG ធំបំផុត​នៅអាមេរិក​​​បិទទ្វារ ៣ សប្តាហ៍ ​​ធ្វើឱ្យ​​ទីផ្សា​រ​ថាម​ពល​ពិភ​ព​លោ​ក​កើន​ឡើ​ង

រោង​ចក្រ​ Freeport LNG ដែលជា​ប្រតិ​បត្តិករ​នៃរោងចក្រ​នាំចេញ​ដ៏​ធំ​បំផុត​មួយ​របស់សហ​រដ្ឋ​អាមេរិក ដែល​ផលិត​ឧស្ម័ន​ធម្មជាតិ​រា​វ​ (LNG) នឹង​ត្រូវ​ផ្អាក​ប្រតិ​បត្តិការ​ខ្លួន​យ៉ាង​ហោ​ច​ណាស់ ៣​ សប្តាហ៍​ បន្ទាប់ពី​ការ​ផ្ទុះ​នៅ​ឯ​រោង​ចក្រ Texas Gulf Coast របស់​ខ្លួន។

ក្រុម​អ្នកវិ​​​ភាគ បាននិ​យា​យ​ថា អគ្គិភ័យ​​បាន​ឆាបឆេះទីផ្សារ​ឧស្ម័ន​ធម្មជាតិ​របស់​សហរដ្ឋអាមេរិកកាលពី​ថ្ងៃ​ពុធ ហើយផល​ប៉ះ​ពាល់​ទំនង​ជា​រីករាល​ដាល​ពេញទី​ផ្សារ​អឺរ៉ុប និង​អាស៊ី។​

រោង​ចក្រ Freeport LNG ផ្គត់​ផ្គង់​​ទីផ្សារឧស្ម័ន​ LNG រ​បស់សហរដ្ឋ​អាមេរិក​ប្រហែល​ ២០%​។ ការ​បិទដំណើរ​ការ​រោង​ចក្រខ្លួន បណ្ដាល​ឱ្យ​ប៉ះពាល់​ដល់​ការផ្គត់​ផ្គង់​ទៅ​កាន់​ទីផ្សារ​អឺរ៉ុប ដែលជាទីផ្សារ​ជួប​ភាព​តានតឹង​រួច​ហើយ ខណៈ​អ្នកទិញ​ថាមពលនៅអ៊ឺរ៉ុប ព្យាយាម​គេច​ចេញ​ពី​ការផ្គត់ផ្គង់​ឧស្ម័ន LNG របស់​រុស្ស៊ីជុំវិញ​ការ​លុកលុយ​របស់​ខ្លួនលើអ៊ុយក្រែន​។

លោក Alex Muntonនាយក​ផ្នែក​ឧស្ម័នសកល និង​ឧស្ម័ន LNG នៅ​ក្រុមហ៊ុន​ស្រាវ​ជ្រាវ Rapidan Energy បាន​និយាយ​ថា៖ «នេះ​គឺ​​ជា​​ការដាច់​ផលិត​កម្ម​ដ៏​សំខា​ន់​មួយ ​នៅ​ឯ​រោង​ចក្រដ៏​ធំ​របស់សហ​រដ្ឋអា​មេ​រិក។ រោងចក្រ​ Freeport LNG ដឹកជ​​ញ្ជូនឧស្ម័ន​ប្រ​ហែ​ល​ ៤ កុងទីន័រក្នុងមួយ​សប្តាហ៍ ​ហើយ​ការបិទ​រយៈពេល ៣ សប្តាហ៍នេះនឹង​បណ្ដាល​ឱ្យ​បាត់​បង់​ការផ្គត់​ផ្គង់​ឧស្ម័ន​ LNG យ៉ាងហោច​ណាស់​ ១ លានតោនចេញពីទី​ផ្សារ​។

លោក Muntonបាននិយា​យ​ថា​៖ «​វា​​នឹង​បណ្ដាល​ឱ្យ​មាន​​ ក​​ង្វះខាត​។ ហើយការប្រកួតប្រជែ​​ង​សម្រាប់ឧស្ម័ន​ LNG នឹ​ង​​ជំ​រុ​ញ​ឱ្យ​ត​ម្លៃ​ឧស្ម័ន​ LNG កើនឡើង​ខ្ពស់ជា​សកល»​។

រោង​ចក្រ​នេះ អាចដំណើរ​ការ​បាន​រហូតដ​ល់ ២,១ ពាន់លាន​ហ្វីតគូប​នៃ​ឧស្ម័នធម្ម​ជាតិក្នុងមួយ​ថ្ងៃ​ (bcfd) និង​មាន​​សមត្ថភាព អាចនាំ​ចេ​ញ​ឧស្ម័ន​​សរុប​​ដល់ទៅ​ ​១៥ លានតោនក្នុង ១ឆ្នាំ​នៃឧស្ម័នរាវ(MTPA)។ យោងតាម​រ​ដ្ឋ​​​បាលព័ត៌មានថាមព​​ល​ស​ហ​រដ្ឋ​អា​​មេ​រិ​ក (EIA) បានឱ្យដឹងថា​ កា​​រនាំ​ចេ​ញ​ឧស្ម័ន LNG របស់សហ​រ​​​ដ្ឋ​អា​មេរិ​ក​ បាន​កើន​ដល់​ ៩,៧​ bcfd កាលពី​ឆ្នាំ​មុន​។

នៅ​ក្នុ​ង​ខែមី​នា នាវាផ្ទុក​ទំនិញ​​ចំនួន​ ២១​ គ្រឿង ​មាន​វត្តមាន​នៅឯរោងចក្រ​ Freeport ដោយ​ដឹកឧស្ម័ន​​ប្រមាណ ៦៤ ពាន់​លាន​ហ្វីតគូប​ទៅកាន់​គោលដៅ នៅ​អឺរ៉ុប កូរ៉េខាង​ត្បូង និង​ចិន ដែល​នោះ​បាន​កើន​ឡើង​ពី ១៥ ​គ្រឿង​ ក្នុង​​ខែកុម្ភៈ ​និង ១៩ គ្រឿង​ នៅខែ​មករា​​។​ នេះបើយោង​តាម​ក្រសួង​ថាម​ពលសហ​រដ្ឋ​អាមេរិក​៕

វីដេអូ៖

អត្ថបទគួរចាប់អារម្មណ៍