នៅថ្ងៃទី ២៧ ខែកញ្ញា ឆ្នាំ ២០២២ ដែលជាថ្ងៃនៃពិធីបុណ្យសពថ្នាក់ជាតិរបស់អតីតនាយករដ្ឋមន្ត្រីជប៉ុន លោកស៊ីនហ្សូអាបេ។ ក្នុងឱកាសនេះ មេដឹកនាំជុំវិញពិភពលោកបានធ្វើដំណើរទៅដល់ទីក្រុង តូក្យូដើម្បីចូលរួមគោរពគារវកិច្ចវិញ្ញាណក្ខន្ធអតីតនាយករដ្ឋមន្ត្រីជប៉ុនរូបនេះ ស្របពេលដែលមានបាតុ កម្មតវ៉ាជំទាស់នឹងការរៀបចំពិធីបុណ្យសព។
ការរៀបចំពិធីបុណ្យសពថ្នាក់ជាតិរបស់អតីតនាយករដ្ឋមន្ត្រី លោក ស៊ីនហ្សូ អាបេ ដែលត្រូវបានគេ ធ្វើឃាតកាលពីខែកក្កដាកន្លងទៅ កំពុងធ្វើឡើងនៅអគារ Nippon Budokan ក្រោមការរឹតបន្តឹងផ្នែក សន្តិសុខ។ ពិធីបុណ្យសពថ្នាក់ជាតិរបស់លោក អាបេ ត្រូវបានគេរំពឹងថានឹងមានអ្នកចូលរួមប្រមាណ ៤ ៣០០ នាក់ ក្នុងនោះរួមទាំងឥស្សរជនជាន់ខ្ពស់របស់បណ្តាប្រទេសនៅលើពិភពលោកដូចជាអនុប្រធា នាធិបតីអាមេរិក Kamala Harris និងនាយករដ្ឋមន្ត្រីឥណ្ឌា Narendra Modi ជាដើម។
ជាការរឹតបន្តឹងសន្តិសុខសម្រាប់អ្នកចូលរួមផង និងជាការបញ្ចៀសហេតុការណ៍ប៉ះទង្គិចរបស់បាតុករនៅខាងក្រៅកន្លែងបុណ្យសពផង ប៉ូលិសប្រមាណ ២ ម៉ឺននាក់ ត្រូវបានដាក់ពង្រាយគ្រប់ច្រកល្ហក តាំងតែពីមុនពិធីបុណ្យសពចាប់ផ្តើម។ នេះបើតាមការឱ្យដឹងពីប្រព័ន្ធផ្សព្វផ្សាយរដ្ឋជប៉ុន NHK។
តាំងតែពីព្រឹកថ្ងៃចាប់ផ្តើមពិធីបុណ្យសពមកម៉្លេះ ប្រជាជននាំគ្នាតម្រង់ជួរនៅខាងក្រៅកន្លែងគោរពវិញ្ញាណក្ខន្ធដែលជាកន្លែងកំណត់ ដើម្បីដាក់កម្រងផ្កា និងជាគោរពគាវរកិច្ចលើកចុងក្រោយរបស់ពួកគេ ចំពោះលោក អាបេ ប្រធានាធិបតីយូរជាងគេបង្អស់របស់ជប៉ុន។
ទន្ទឹមនេះដែរ ហ្វូងបាតុករប្រមាណ ១ ពាន់នាក់ផ្សេងទៀត ក៏ឡើងតាមដងផ្លូវតវ៉ាប្រឆាំងនឹងការរៀប ចំពីធីបុណ្យដែលត្រូវរ៉ាប់រងទាំងស្រុង ដោយថវិការបស់រដ្ឋ។ការរៀបចំពិធីបុណ្យសពថ្នាក់ជាតិនេះ ត្រូវចំណាយប្រាក់អស់ជិត១២លានដុល្លារ បាននិងកំពុងបង្កភាពចម្រូងចម្រាសនិងការមិនពេញចិត្តពី សំណាក់ក្រុមអ្នកជំទាស់។
សូមរំឭកថា អតីតនាយករដ្ឋមន្ត្រីជប៉ុនស៊ីនហ្សូ អាបេ ជាអតីតនាយករដ្ឋមន្រ្តីជប៉ុនដែលបានកាន់តំ ណែងយូរជាងគេ ពោលគឺលោកបានកាន់តំណែងកាលពីឆ្នាំ ២០០៦ ដល់ឆ្នាំ ២០០៧ និងម្តងទៀត គឺនៅឆ្នាំ២០១២ រហូតដល់ឆ្នាំ ២០២០ ខណៈនៅឆ្នាំ ២០២០ លោកបានលាលែងចេញពីតំណែង ដោយសារតែជំងឺប្រចាំកាយ។ ក្នុងវ័យ ៦៧ ឆ្នាំ លោកអាបេ ត្រូវបានខ្មាន់កាំភ្លើងបាញ់ឱ្យរងរបួសធ្ងន់រហូត ដល់បាត់បង់ជីវិតអំឡុងពេលដែលលោក កំពុងថ្លែងសុន្ទរកថាមួយនាទីក្រុងណារ៉ា ភាគខាងលិចប្រទេស ជប៉ុនកាលពីខែសីហា ឆ្នាំ ២០២២៕