រដ្ឋមន្ត្រីការបរទេសប៉ាគីស្ថាន ចង់ឱ្យពិភពលោកចូលរួមជាក្រុមតាលីបង់ ដោយបានព្រមានពីផលវិបាកប្រកបដោយគ្រោះថ្នាក់ ប្រសិនបើក្រុមមេដឹកនាំអាហ្វហ្គានីស្ថាន បែកបាក់ជាថ្មីនោះ។
នៅក្នុងបទសម្ភាសន៍មួយជាមួយសារព័ត៌មាន AFP នៅពេលធ្វើទស្សនកិច្ចទីក្រុងវ៉ាស៊ីនតោនលោក Bilawal Bhutto Zardari បានព្រមានប្រឆាំងការបង្កើតអភិបាលកិច្ចប្រហាក់ប្រហែលគ្នា ក្រោយពីអាមេរិកដែលមិនទុកចិត្តក្រុមតាលីបង់ បានដាក់ទ្រព្យសម្បតិ្តបង្កករបស់អាហ្វហ្គានីស្ថាន ក្នុងមូលនិធិអាជីពនៅប្រទេសស្វ៊ីស។
លោក Bhutto Zardari បានថ្លែងកាលពីថ្ងៃអង្គារថា៖ «យើងបានដឹងកាលពីមុនហើយថា នៅពេលយើងលាងដៃ ហើយត្រឡប់ក្រោយ យើងបញ្ចប់ការបង្កើតផលវិបាកប្រកបដោយគ្រោះថ្នាក់ និងបញ្ហាផ្សេងៗទៀតសម្រាប់ខ្លួនឯង»។
«ខ្ញុំជឿថា កង្វល់របស់យើងអំពីការដួលរលំសេដ្ឋកិច្ច ការជម្លៀសជនភៀសខ្លួន ការគំរាមកំហែងពីការជ្រើសរើសសមាជិកសម្រាប់អង្គការផ្សេងៗដូចជា ISIS-K និងអ្នកដទៃទៀត ធ្វើឱ្យកាន់តែធ្ងន់ធ្ងរសម្រាប់ស្ថានប័នហិរញ្ញវត្ថុរបស់ពួកគេ»។
ក្រុមយតាលីបង់ បានវិលត្រឡប់មកកាន់អំណាចកាលពីឆ្នាំ ២០២១ ក្រោយពីអាមេរិក បានបញ្ចប់សង្គ្រាម ២ ទសវត្សរ៍។ ទំនាក់ទំនងមានការរង្គោះរង្គើជាមួយប្រទេសប៉ាគីស្ថាន ដែលយោធាមានឥទ្ធិពល និងអង្គការស៊ើបការណ៍ ត្រូវបានគេចោទប្រកាន់នៅក្នុងទីក្រុងវ៉ាស៊ីនតោនថា បានគាំទ្រដល់ក្រុមសកម្មប្រយុទ្ធអ៊ិស្លាម ថ្វីបើផ្តល់លទ្ធភាពត្រឹមត្រូវដល់កងកម្លាំងអាមេរិកក្តី។
ជាការផ្ទុយទៅនឹងមន្ត្រីប៉ាគីស្ថានមុនៗ រដ្ឋមន្ត្រីការបរទេសរូបនេះ ដែលម្តាយរបស់គាត់ គឺអតីតនាយករដ្ឋមន្ត្រី Benazir Bhutto ដែលត្រូវគេធ្វើឃាតនៅក្នុងឆ្នាំ ២០០៧ មិនបានផ្តល់ពាក្យសម្តីកក់ក្តៅដល់ក្រុមតាលីបង់ទេ។
ប៉ុន្តែលោកបានថ្លែងថា ជនសកម្មប្រយុទ្ធត្រូវការផ្នែកនយោបាយអំពីកង្វល់ជាច្រើនដូចជាសិទ្ធិស្ត្រីដែលត្រូវកាត់បន្ថយយ៉ាងខ្លាំង។
លោកបានបន្តថា៖ «តាមរយៈប្រវត្តិសាស្ត្រ របបផ្តាច់ការទ្រឹស្តីនិយម ពិតជាមិនទំនងជាពង្រឹកសិទ្ធិ នៅពេលមានវិបត្តិសេដ្ឋកិច្ចនោះទេ»។
«ជាការពិតណាស់ ពួកគេទំនងជាប្រកាន់ភ្ជាប់បញ្ហាវប្បធម៌ និងបញ្ហាដទៃទៀតទាក់ទងនឹងប្រជាជនរបស់ពួកគេ»។
ចំណែកអាមេរិក បានចេញមកកិច្ចចរចាជាបន្តបន្ទាប់ជាមួយក្រុមតាលីបង់ ហើយនៅក្នុងខែសីហា បាននិយាយថា ក្រុមសកម្មប្រយុទ្ធបានរំលោភលើកិច្ចសន្យាជាច្រើនដែលស្វាគមន៍ដោយមេដឹកនាំអាល់កៃដា Ayman al-Zawahiri ដែលត្រូវបានគេរកឃើញនៅផ្ទះមួយក្នុងទីក្រុងកាប៊ុល និងបានស្លាប់ នៅក្នុងការវាយប្រហាររបស់អាមេរិក។
Bhutto Zardari ជាកូនចៅនៃខ្សែរាជវង្សានយោបាយដ៏ឆ្នើម មានវ័យ៣៤ឆ្នាំសិក្សានៅសាកលវិទ្យាល័យ Oxford បានឡើងកាន់តំណែងកាលពី៥ខែកន្លងទៅ ស្របពេលមានភាពវឹកវរនយោបាយ នៅប្រទេសប៉ាគីស្ថាន ក្រោយពីបោះឆ្នោតសម្តែងការមិនទុកចិត្តលើអតីតនាយករដ្ឋមន្ត្រី អ៊ីមរ៉ាន ខាន់។
ជម្លោះបានកើតឡើង ខណៈដែលប្រទេសប៉ាគីស្ថាន ត្រូវបានញាំញីដោយទឹកជំនន់ដែលបានជន់លិច១ភាគ៣ នៃប្រទេសនេះ ដោយបានធ្វើឱ្យមនុស្សជាច្រើនលាននាក់រត់ភៀសពីផ្ទះសំបែងរបស់ពួកគេ។
នៅជំនួបមួយកាលពីថ្ងៃចន្ទ លោករដ្ឋមន្ត្រីការបរទេសអាមេរិក អានតូនី ប្ល៊ីនកែន បានសន្យាគាំទ្ររយៈពេលវែង។ នៅក្នុងសារមួយស្វាគមន៍តិចតួចដោយប៉ាគីស្ថាន អ្នកការទូតជាន់ខ្ពស់អាមេរិករូបនេះ បានអំពាវនាវដល់ទីក្រុងអ៊ីស្លាម៉ាបាដស្នើឱ្យប្រទេសចិនរៀបចំរចនាសម្ព័ន្ធបំណុលឡើងវិញ ខណៈទីក្រុងប៉េកាំងសាងសង់ហេដ្ឋារចនាសម្ព័ន្ធរាប់ពាន់លានដុល្លារដើម្បីលទ្ធភាពចេញចូលកំពង់ផែមហាសមុទ្រឥណ្ឌា។
ដោយត្រូវបានគេសួរអំពីសម្តីរបស់លោកប៊ី្លនកែន លោក Bhutto Zardari បាននិយាយថា គាត់មានការសន្ទនាប្រកបដោយផ្លែផ្កាជាប្រទេសចិន ហើយបានបន្តថា ជំនួយក្រោយទឹកជំនន់ជាប្រវត្តិសាស្ត្រនេះ មិនមែនជាគោលដៅសម្រាប់គូប្រជែងថាមពលធំទាំងនេះ និងបញ្ហាយុទ្ធសាស្ត្រភូមិសាស្ត្រនោះទេ»៕