.jpg)
បុរសម្នាក់ដើរឆ្លងកាត់ទឹកជំនន់ទឹកក្នុងខេត្ត Ayutthaya កាលពីពេលថ្មីៗនេះ។ AFP
នាយកដ្ឋានឧតុនិយមថៃចេញសារព្រមានអំពីអាកាសធាតុលើកទី១៩ របស់ខ្លួននៅព្រឹកថ្ងៃព្រហស្បតិ៍ ដោយបញ្ជាក់ថា ព្យុះ Noru នឹងមកដល់ប្រទេសថៃ នៅម៉ោង ៤ ទៀបភ្លឺ ដោយល្បឿនខ្យល់បក់ ៥៥ គីឡូម៉ែត្រក្នុង ១ ម៉ោង។ព្យុះរំកិលពីភាគខាងលិចទៅទិសពាយព្យក្នុងល្បឿន ១០ គីឡូម៉ែត្រ ក្នុង ១ ម៉ោង ហើយត្រូវគេរំពឹងថាព្យុះនោះនឹងខ្សោយថាមពល ឬលែងមានអំណាចជាព្យុះ ប៉ុន្តែឥទ្ធិពលនេះនាំឱ្យមានភ្លៀងធ្លាក់ខ្លាំង និងទឹកជំនន់ផង។
ខ្យល់មូសុងនិរតី រួមនឹងឥទ្ធិពលណូរុមានកម្លាំងខ្លាំងផងបានបោកបក់កាត់លើសមុទ្រភាគខាងត្បូង និងឈូងសមុទ្រថៃ នឹងនាំមកនូវភ្លៀងធ្លាក់ខ្លាំង មានខ្យល់កន្ទ្រាក់នៅភាគខាងជើង ឦសាន តំបន់កណ្តាល រួមទាំងទីក្រុងបាងកក និងតំបន់ជុំវិញ។ខ្យល់ភ្លៀងនឹងបន្តទៅខាងត្បូងនៅថ្ងៃព្រហស្បតិ៍ និងថ្ងៃសុក្រ។
អាជ្ញាធរថៃណែនាំដល់ប្រជាពលរដ្ឋទូទាំងប្រទេសឱ្យប្រុងប្រយ័ត្នចំពោះជំនន់ទឹកភ្លៀងដែលអាចបង្កជាជំនន់ទឹកភ្លៀង ជាពិសេសនៅតាមបណ្តោយផ្លូវទឹកក្បែរជើងភ្នំ និងតំបន់ទំនាប។
សូមបញ្ជាក់ផងដែរថា ប្រជាពលរដ្ឋនៅតាមមាត់សមុទ្រគួរតែប្រុងប្រយ័ត្នចំពោះការកើនឡើងនៃទឹកសមុទ្រ។ ថៃបានព្យាករថា រលកសមុទ្រអាចមានកម្ពស់ពី ២-៣ ម៉ែត្រលើសកម្ពស់ធម្មតា ចាប់ពីថ្ងៃព្រហស្បតិ៍ដល់ថ្ងៃសៅរ៍ ក្នុងនោះក៏អាចនឹងមាន ផ្គររន្ទះកើតឡើងច្រើនផងដែរ។
ទូកទេសចរណ៍ ទូកនេសាទតូចធំទាំងអស់ត្រូវបានណែនាំឱ្យបន្តការប្រុងប្រយ័ត្ន និងកាច់ចង្កូតចេញពីតំបន់ដែលមានភ្លៀងធ្លាក់ ខណៈទូកតូចៗត្រូវបានព្រមានឱ្យនៅជាប់ច្រាំងរហូតដល់ថ្ងៃសៅរ៍៕
