.jpg)
ទិដ្ឋភាពទូទៅនៃអគារ TikTok នៅទីក្រុង Culver រដ្ឋកាលីហ្វ័រនីញ៉ា កាលពីថ្ងៃទី ១៧ ខែវិច្ឆិកា ឆ្នាំ ២០២០។ AFP
វេទិកាវីដេអូខ្លី TikTok បានលើកឡើងថា ជាពេលវេលាដែលស្ថិតក្នុងការប្រុងប្រយ័ត្នខ្ពស់ចំពោះខ្លឹមសារដែលបំពានគោលការណ៍ណែនាំរបស់ខ្លួននៅក្នុងប្រទេសម៉ាឡេស៊ី បន្ទាប់ពីអាជ្ញាធរ បានព្រមានអំពីការកើនឡើងនូវភាពតាន តឹងលើប្រព័ន្ធផ្សព្វផ្សាយសង្គម បន្ទាប់ពីការបោះឆ្នោត មិនទាន់រកនាយករដ្ឋមន្ត្រីឃើញ។
ការបោះឆ្នោតជាតិកាលពីថ្ងៃសៅរ៍ បានបញ្ចប់ទៅដោយមិនធ្លាប់មានពីមុនមក ដោយគ្មានសម្ព័ន្ធភាពគូប្រជែង ២ អាចទទួលបានកៅអីគ្រប់គ្រាន់ក្នុងសភា ដើម្បីបង្កើតរដ្ឋាភិបាល។
TikTok ដែលជាកម្មសិទ្ធិរបស់ក្រុមហ៊ុន Byte Dance ដែលមានមូលដ្ឋាននៅប្រទេសចិន បាននិយាយនៅក្នុងសេចក្តីថ្លែងការណ៍មួយថា ៖«យើងបន្តមានការប្រុងប្រយ័ត្នខ្ពស់ ហើយនឹងលុបចេញនូវមាតិកាដែលបំពានណាមួយ»។
TikTok បាននិយាយថា ខ្លួនបានទាក់ទងជាមួយអាជ្ញាធរម៉ាឡេស៊ីពីករណីបំពានធ្ងន់ធ្ងរ និងម្តងហើយម្តងទៀតនៃគោលការណ៍ណែនាំរបស់ TikTok ចាប់តាំងពីពេលផ្ដើមយុទ្ធនាការបោះឆ្នោត។
លទ្ធផលបោះឆ្នោតនៅម៉ាឡេស៊ីបង្ហាញថា សម្ព័ន្ធភាពមួយក្នុងចំណោមសម្ព័ន្ធភាពដែលសង្ឃឹមថា នឹងបង្កើតរដ្ឋា ភិបាលគឺក្រុមអភិរក្សនិយមដែលភាគច្រើនជាជនជាតិម៉ាឡេ និងមូស្លីមដឹកនាំដោយអតីតនាយករដ្ឋមន្ត្រី Muhy iddin Yassin។
សម្ព័ន្ធភាពនេះរួមបញ្ចូលទាំងគណបក្សអ៊ិស្លាម PAS ដែលបានតស៊ូមតិសម្រាប់ការបកស្រាយយ៉ាងតឹងរ៊ឹងនៃច្បាប់សាសនាអ៊ិស្លាម sharia។
មេដឹកនាំបក្សប្រឆាំងជើងចាស់លោកអាន់វ៉ាអ៊ីប្រាហ៊ីម ដឹកនាំសម្ព័ន្ធមិត្តផ្សេងទៀតដែលកំពុងប្រជែងដណ្តើមអំណាចដើម្បីក្លាយជានាយករដ្ឋមន្ត្រី។
អ្នកប្រើប្រាស់ TikTok បានបង្ហោះវីដេអូខ្លីជាច្រើនដែលនិយាយអំពីកុបកម្មនៅរដ្ឋធានីគូឡាឡាំពួ នៅថ្ងៃទី ១៣ ខែឧសភា ឆ្នាំ ១៩៦៩ ដែលកាលនោះមនុស្សប្រហែល ២០០ នាក់ ត្រូវបានសម្លាប់។ ប៉ុន្មានថ្ងៃក្រោយមកពីគណបក្សប្រឆាំងដែលគាំទ្រដោយអ្នកបោះឆ្នោតជនជាតិចិនបានធ្វើបាតុកម្មទៀតផង៕
