នៅក្នុងរូបថតឯកសារនេះ ថតនៅថ្ងៃទី ១០ ខែមករា ឆ្នាំ ២០២៣ ជនភៀសខ្លួនរ៉ូហ៊ីងយ៉ាបរិភោគអាហារពេលព្រឹកនៅជម្រកបណ្តោះអាសន្នមួយក្នុងទីក្រុង Ladong ខេត្ត Aceh។ AFP
កាលពីដើមខែ មករា ទូក ១ គ្រឿងដឹកជនភៀសខ្លួនរ៉ូហ៊ីងយ៉ា ១៨៥ នាក់ បានអណ្តែតតែលតោនៅឆ្នេរសមុទ្រនៃខេត្ត Aceh នៃ ប្រទេសឥណ្ឌូនេស៊ី។ ពួកគេបានចំណាយពេលជាច្រើនសប្តាហ៍នៅ សមុទ្រក្នុងស្ថានភាពអស់សង្ឃឹម ដោយបានភៀសខ្លួនចេញពីជំរុំមានមនុស្សច្រើនកកកុញ និងចង្អៀតក្នុងប្រទេសបង់ក្លាដែស ដើម្បីស្វែងរកជីវិតមួយប្រសើរជាងមុន ដែលជាងពាក់កណ្តាលនៃពួកគេ គឺជាស្ត្រី និងកុមារ។
គួរឱ្យស្តាយណាស់ ពួកគេនៅឆ្ងាយកណ្តោចកណ្តែង។ ចាប់តាំងពីខែវិច្ឆិកា ឆ្នាំមុនមក មានទូកយ៉ាងតិច ៣ គ្រឿង គ្រឿងទៀត បានចូលចតនៅឆ្នេរសមុទ្រខេត្ត Aceh បន្ទាប់ពីការធ្វើដំណើរដ៏គ្រោះថ្នាក់ស្រដៀងគ្នានេះ ដោយដឹកជនភៀសខ្លួនរាប់រយនាក់ ហើយ មនុស្សយ៉ាងតិច ២០ នាក់ បានស្លាប់នៅសមុទ្រ។ យោងតាមឧត្តមស្នងការ UN ទទួលបន្ទុកជនភៀសខ្លួន (UNHCR) ជនជាតិរ៉ូហ៊ីងយ៉ារាប់ពាន់នាក់ ក្នុងនោះមានស្ត្រី និងកុមារ បានបែរទៅរកការធ្វើដំណើរតាមទូកដ៏គ្រោះថ្នាក់ នៅឆ្នាំ ២០២២។
នៅទីក្រុង Aceh ជាញឹកញាប់អ្នកនេសាទក្នុងស្រុក ត្រូវបានជំរុញដោយការអាណិតអាសូរចំពោះជនភៀសខ្លួនដែលអស់សង្ឃឹមដែលបានយកវាមកលើខ្លួនពួកគេដើម្បីជួយសង្គ្រោះទូកដែលជាប់តែលតោល នៅក្នុងសមុទ្រ Andaman។
ក្នុងនាមជាជនជាតិរ៉ូហ៊ីងយ៉ាម្នាក់ដែលបានធ្វើយុទ្ធនាការ ដើម្បីបញ្ចប់អំពើប្រល័យ ពូជសាសន៍ប្រឆាំងនឹងប្រជាជនរបស់យើងស្ទើរតែពេញ ១ ជីវិតរបស់ខ្ញុំទៅហើយ។
នៅពេលជាមួយគ្នានោះ វាគឺជារឿងគួរឱ្យស្តាយនណាស់ដែលប្រជាជនសាមញ្ញ ត្រូវបោះជំហានចូលធ្វើអ្វីដែលរដ្ឋាភិ បាលក្នុងតំបន់ ត្រូវធ្វើនោះ។ ចាប់ពីប្រទេសឥណ្ឌា រហូតដល់ឥណ្ឌូនេស៊ី ប្រទេសជាច្រើននៅខាងត្បូង និងអាស៊ីអាគ្នេយ៍ជាច្រើនឆ្នាំហើយ មិនអើពើចំពោះជនជាតិរូហ៊ីងយ៉ាតាមទូកនោះទេ ដោយបានបដិសេធមិនផ្តល់ឱកាសដើម្បីចូលចតនៅឆ្នេររបស់ពួកគេទេ និងបានជំរុញឱ្យទូកទាំងនោះត្រឡប់ទៅសមុទ្រវិញ។
នេះ គឺខុសច្បាប់ ជាការរំលោភគោលការណ៍មិនឱ្យជនភៀសខ្លួនវិលត្រឡប់ដោយបង្ខំនៅក្រោមច្បាប់ហាមប្រទេសនានាពីការបញ្ជូនប្រជាជនត្រឡប់ទៅកន្លែងដែលប្រឈមនឹងការរំលោភសិទ្ធិមនុស្ស។ វាគឺអាកប្បកិរិយាប្រាស់ចាកសីលធម៌ ហើយបណ្តាប្រទេសក្នុងតំបន់ត្រូវតែប្តូរទិសដៅជាបន្ទាន់ ដើម្បីទប់ស្កាត់មនុស្សពីស្លាប់នៅសមុទ្រ។
ប្រជាជនរ៉ូហ៊ីងយ៉ា ត្រូវបានដឹកតាមទូកពីប្រទេសមីយ៉ាន់ម៉ាជាច្រើនឆ្នាំហើយ ដើម្បីគេចចេញពីអំពើប្រល័យពូជសាសន៍ដែលយើងកំពុងប្រឈមនៅក្នុងរដ្ឋកំណើតរបស់យើង គឺរដ្ឋរ៉ាក់ឃីន។ កាលពីប៉ុន្មានឆ្នាំថ្មីៗនេះ ជនភៀសខ្លួនមកពីបង់ក្លាដែសបានប្រថុយជីវិតរបស់ពួកគេនឹងការធ្វើដំណើរតាមសមុទ្រប្រកបដោយគ្រោះថ្នាក់។ ជនភៀសខ្លួនរ៉ូហ៊ីងយ៉ាជិត ១ លាននាក់ រស់នៅក្នុងជំរំនានា ក្នុងប្រទេសបង់ក្លាដែស៕
