.jpg)
លោកចៃ បៃដិន ថ្លែងទៅកាន់ប្រព័ន្ធផ្សព្វផ្សាយុ កាលពីថ្ងៃទី២៤ ខែកុម្ភៈ ឆ្នាំ២០២៣។ AFP
រដ្ឋបាលរបស់ប្រធានាធិបតីលោក ចូ បៃដិន (Joe Biden) កាលពីថ្ងៃចន្ទ បាននិយាយថា ខ្លួននឹងចាត់វិធានការបង្រ្កាបបទល្មើសកេងប្រវ័ញ្ជកម្លាំងពលកម្មខុសច្បាប់ទៅលើកុមារចំណាកស្រុក នៅក្នុងសហរដ្ឋអាមេរិក។
ក្នុងរយៈពេល៥ ឆ្នាំក្រោយនេះគេសង្កេតឃើញថា កុមារចំណាកស្រុកជាង ៤ ០០០នាក់ បានទទួលរងការរំលោភបំពានច្បាប់ការងារនៅក្រោមក្រុមហ៊ុនរាប់រយកន្លែង។បញ្ហានេះ បានធ្វើឱ្យរដ្ឋលេខាធិការនៃសេវាថែទាំសុខាភិបាល និងមនុស្ស គឺលោក Xavier Becerra មានការព្រួយបារម្ភកាន់តែខ្លាំងឡើងចំពោះ កុមារចំណាកស្រុក ដែលត្រូវបានបណ្តេញចេញ ពីជម្រករបស់សហព័ន្ធលឿនពេក និងបណ្តាលឱ្យពួកគេធ្លាក់ចូលទៅក្នុងស្ថានភាពងាយរងគ្រោះ ដែលទំនងជាក្លាយជាជនរងគ្រោះនៃពលកម្មកុមារផងដែរ។
យោងតាមវីដេអូថ្មីមួយដែលត្រូវបានផ្សព្វផ្សាយ និងរាយការណ៍ដំបូងដោយសារព័ត៌មាន The New York Times បានបង្ហាញថា ក្រុមលេខាធិការបានជំរុញឱ្យបុគ្គលិករបស់គាត់នាំកុមារចេញពីជម្រក ខូចខាចមួយចំនួនរបស់រដ្ឋាភិ បាលសហព័ន្ធឱ្យបានឆាប់រហ័ស។ មិនតែប៉ុណ្ណោះ តាមការស៊ើបអង្កេតរបស់កាសែតដដែលនេះ បានកំណត់អត្តសញ្ញាណកុមារចំណាកស្រុកជាង ១០០ នាក់ដោយក្នុងនោះរួមមាន ក្មេងអាយុ ១២ឆ្នាំ ដែលបានរាយការណ៏ប្រាប់ដល់កាសែតថា ពួកគេកំពុងធ្វើការវេនយប់ និងការងារគ្រោះថ្នាក់ខ្លះសម្រាប់ក្រុមហ៊ុនទាំងធំ និងតូចនៅក្នុងសហរដ្ឋអាមេរិក។
គួរបញ្ជាក់ផងដែរថា ចាត់តាំងពីលោក Joe Biden ឡើងតំណែងជាប្រធានាធិបតីមក អាត្រាជនចំណាកស្រុក រួមទាំងកុមារធ្វើដំណើរម្នាក់ឯងមកកាន់សហរដ្ឋអាមេរិក កើនឡើង ៣៧% ឬ២ ដងនៃកម្រិតខ្ពស់បំផុតបើធៀបទៅនិងអាណ្ណត្តិ Donald Trump ឆ្នាំ២០១៩។
កាលពីថ្ងៃចន្ទផងដែរ HHS និងនាយកដ្ឋានការងារ បានដាក់ចេញនូវគោលនយោបាយថ្មីក្នុងការងារ រួមទាំងសន្យាថានឹងបង្កើនការតាមដានឱ្យ កាន់តែខ្លាំងទៅលើកុមារដែលបានផ្លាស់ប្តូរទីជម្រកទៅរស់នៅជាមួយអ្នកឧបត្ថម្ភនៅសហរដ្ឋអាមេរិក ដោយទីភ្នាក់ងារទាំងអស់នោះនិងជួយកុមារចំណាកស្រុកឱ្យចុះឈ្មោះចូលរៀន និងតម្រូវឱ្យបុគ្គលិកតាមមជ្ឈមណ្ឌលនីមួយៗតាមដានកុមារនិងរាយការណ៏ពីសុវត្ថិភាពរបស់ពួកគេ។
ក្រៅពីនេះ ក្រសួងការងារក៏បានគំរាមបញ្ឈប់ការដឹកជញ្ជូនផលិតផលដែលផលិតដោយកម្លាំងពលកម្មកុមារផងដែរ៕
