លោកប្រធានាធិបតីអេក្វាទ័រ Guillermo lasso ថ្លែងក្នុងសន្និសីទកាសែតមួយនាពេលកន្លងទៅ។ AFP
អាជ្ញាធរអេក្វាទ័រ និងប៉េរូ កាលពីថ្ងៃអាទិត្យម៉ោងនៅប្រទេសទាំង ២ បានធ្វើការរួបរួមគ្នាដើម្បីវាយតម្លៃរាល់ការខូចខាតក្រោយការរញ្ជួយដីកម្រិត ៦,៨ រុិចទ័រ បានសម្លាប់មនុស្សយ៉ាងហោចណាស់ ១៥ នាក់ និងរាប់រយនាក់ផ្សេងទៀតរងរបួស។
គ្រោះរញ្ជួយដីកម្រិត ៦,៨ រុិចទ័រវាយប្រហារតាមបណ្តាខេត្តនៃឆ្នេរសមុទ្រ Guayas និងក្នុងទីក្រុងមួយចំនួនទៀតនៅព្រំដែនភាគខាងជើងប្រទេសប៉េរូនៅពាក់កណ្តាលអាធ្រត្រ ថ្ងៃសៅរ៏បណ្តាលឱ្យមនុស្ស ១៥ នាក់ បានបាត់បង់ជីវិត និងមនុស្សជាមួយ ៤៤០ នាក់ទៀត បានរងរបួស។
យោងតាមលេខាធិការដ្ឋានគ្រប់គ្រងហានិភ័យបានឱ្យដឹងថា ក្រុមអ្នកជួយសង្គ្រោះរាប់រយនាក់ត្រូវបានបញ្ជូនទៅកាន់កោះ Puna ដែលជាចំណុចកណ្តាលនៃការរញ្ជួយដី ដើម្បីថ្លឹងថ្លែងការខូចខាត និងផ្តល់ជំនួយមនុស្សធម៍សម្រាប់ប្រជាជនដែលរងគ្រោះ។ ក្នុងនោះ ក្រុមហ៊ុនប្រេងនៅជាយសមុទ្រត្រូវបានផ្អាកដំណើរការផ្ទះចំនួន ៤៨ ខ្នង ត្រូវបានបំផ្លាញទាំងស្រុង មណ្ឌលសុខភាព គ្រឹះស្ថានអប់រំ និងផ្ទះ ១៨០ ខ្នងទៀត ទទួលរងផលប៉ះពាល់យ៉ាងធ្ងន់ធ្ងរ។
លោកប្រធានាធិបតីអេក្វាទ័រ Guillermo lasso បានបង្ហោះសារធ្វីធើរមួយកាលពីថ្ងៃអាទិត្យដោយលើកឡើងថា៖«យើង នឹងបន្តធ្វើការជួយសង្គ្រោះនាចុងសប្តាហ៏នេះ ហើយយើងស្នើសុំគ្រប់ក្រសួងទាំងអស់ រួមទាំងក្រសួងធនធានហិរញ្ញវត្ថុ ចូលរួមជាបន្ទាន់ក្នុងគ្រាអាសន្ននេះ។ រួមជាមួយគ្នាដែរ សម្តេចប៉ាប ហ្រ្វង់ស៊ីស ប្រទេសស៊ីលី និងគុយបា ក៏បាន ផ្ញើ សាររំលែកទុក្ខទៅដល់គ្រួសារទាំងអសស់ ដែលបានបាត់បង់សមាជិកនៅក្នុងគ្រោះរញ្ជួយដី។
គួរបញ្ជាក់ឱ្យ ដឹងផងដែរថា ប្រទេសប៉េរូ និងអេក្វាទ័រ ស្ថិតនៅត្រង់ផ្នែកមួយនៃ Pacific Ring of Fire ដែលជាតំបន់ដ៏ធំដែលព័ទ្ធជុំវិញមហាសមុទ្រប៉ាស៊ីហ្វិក៕
