.jpg)
សារព័ត៌មានរ៉យទ័របានរាយការណ៍ថា សមាជិកសភាអឺរ៉ុបមកពីក្រុមនយោបាយខ្លះ បានព្រាងនូវសេចក្តីស្នើច្បាប់ដើម្បីព្យាយាមសម្រេចឱ្យបាននូវអត្ថបទច្បាប់ដ៏សំខាន់មួយសម្រាប់់សហភាពអឺរ៉ុបដើម្បីការពារធម្មជាតិដែល សមាជិកសភាអឺរ៉ុបភាគច្រើនព្យាយាមរារាំង។
នៅឆ្នាំ ២០២២ សហភាពអឺរ៉ុបបានស្នើនូវវិធានការដើម្បីដោះស្រាយការធ្លាក់ចុះយ៉ាងឆាប់រហ័សនៃប្រភេទសត្វ និងសុខភាពនៃប្រព័ន្ធអេកូឡូស៊ីរបស់អឺរ៉ុប ប៉ុន្តែបានប្រឈមមុខនឹងការរុញច្រានថយក្រោយ ផ្នែកនយោបាយ រួមទាំងពីក្រុមសមាជិកសភាមកពីគណបក្សប្រជាជនអឺរ៉ុប (EPP) ដែលប្រឆាំងនឹងច្បាប់នេះ។
ក្នុងកិច្ចខិតខំប្រឹងប្រែង ដើម្បីសង្គ្រោះសំណើនេះមុនការបោះឆ្នោតរបស់គណៈកម្មាធិការសភានៅថ្ងៃទី ១៥ ខែមិថុនា ខាងមុខនេះ ក្រុមសមាជិកសភាផ្សេងទៀត រួមទាំងអ្នកសង្គមនិយម និងអ្នកប្រជាធិបតេយ្យ និងក្រុមបៃតង (Greens) បានរៀបចំការសម្រុះសម្រួល ដើម្បីធានាថាច្បាប់នេះទទួលការគាំទ្រ៕
