អ្នកតវ៉ាមីយ៉ាន់ម៉ាលើករូបថតលោកស្រី អ៊ុងសាន ស៊ូជី ក្នុងការតវ៉ាមុខស្ថានទូតមីយ៉ាន់ម៉ាក្នុងប្រទេសថៃ។
ក្រោយពីការផ្លាស់ប្តូរទីតាំងឃុំខ្លួនពីពន្ធនាគារទៅកាន់ទីតាំងក្នុងផ្ទះគ្រប់គ្រងដោយរដ្ឋ ដែលកាលនោះមានការសង្ស័យថា របបយោធាមីយ៉ាន់ម៉ានឹងដោះលែងលោកស្រី អ៊ុងសាន ស៊ូជី នៅក្នុងទីវាជាតិ។
យោងតាមការផ្សាយរបស់រ៉យទ័រ ដោយយោងប្រព័ន្ធផ្សព្វផ្សាយរដ្ឋ និងប្រភពព័ត៌មានមួយ ដែលបានរាយការណ៍កាលពីថ្ងៃអង្គារថា អតីតមេដឹកនាំមីយ៉ាន់ម៉ាលោកស្រី អ៊ុងសាន ស៊ូជី ត្រូវបានលើកលែងទោសពីបទល្មើសចំនួន៥ក្នុងចំណោមបទល្មើសចំនួន ១៩ដែលលោកស្រីត្រូវបានកាត់ទោស និងជាប់ពន្ធនាគារសរុបចំនួន ៣៣ ឆ្នាំ ។
រ៉យទ័របានដកស្រង់សម្តីអ្នកនាំពាក្យរបបយោធាលោក Zaw Min Tun ដែលបានប្រាប់ សារព័ត៌មាន Eleven Media Group ថា ការលើកលែងទោសនឹងមានន័យថាកាត់បន្ថយការជាប់ពន្ធនាគាររយៈពេលប្រាំមួយឆ្នាំរបស់លោកស្រី អ៊ុងសាន ស៊ូជី។
លោកស្រិ អ៊ុងសាន ស៊ូជី ដែលជាម្ចាស់ជ័យលាភីណូបែលសន្តិភាព កាលពីសប្តាហ៍មុន ត្រូវបានផ្លាស់ប្តូរពីពន្ធនាគារទៅការឃុំខ្លួនក្នុងផ្ទះក្នុងរដ្ឋធានីណៃពីដោរជាលើកដំបូង ចាប់តាំងពីការឃុំខ្លួនចាប់តាំងពីយោធាបានដណ្តើមអំណាចក្នុងរដ្ឋប្រហារ កាលពីថ្ងៃទី ១ ខែកុម្ភៈ ឆ្នាំ ២០២១៕
