អាជ្ញាធរបាននិយាយកាលពីថ្ងៃអាទិត្យថា បុរសអាយុ ២៥ឆ្នាំម្នាក់ដែល FBI ជឿថាជាអ្នកទទួលខុសត្រូវចំពោះការបំផ្ទុះគ្រាប់បែកដែលបានបំផ្លាញគ្លីនិកសម្ភព​នៅ​រដ្ឋកាលីហ្វ័រញ៉ា បានបន្សល់ទុកនៅការសរសេរថា «ប្រឆាំងនឹងការបន្តពូជ»។

ឈ្មោះ Guy Edward Bartkus មកពី​ទីក្រុង Twentynine Palms រដ្ឋកាលីហ្វ័រញ៉ា ត្រូវបានកំណត់​អត្តសញ្ញាណដោយ FBI ថាជាជនសង្ស័យនៅក្នុងការបំផ្ទុះគ្រាប់បែកក្នុងរថយន្តកាលពីថ្ងៃសៅរ៍ ដែលបានធ្វើឱ្យខូចខាតដល់គ្លីនិកសម្ភពនៅទីក្រុង Palm Springs ភាគខាងកើតនៃទីក្រុង Los Angeles។

អាជ្ញាធរបាននិយាយថា សារដែលជន​សង្ស័យ​បានសរសេរមានអត្ថន័យបង្ហាញពីទស្សនៈប្រឆាំងការបន្តពូជ (anti-natalist) ដែលជឿថាមនុស្សមិនគួរបន្តបង្កើតកូនទៀតឡើយ។

ការបំផ្ទុះនេះបានបំផ្លាញគ្លីនិកសម្ភពនៃមជ្ឈមណ្ឌលបន្តពូជរបស់អាមេរិក ហើយបានបំបែកបង្អួចនៃអគារនៅក្បែរនោះ។ សាក្សី​បានពិពណ៌នាថា មានសំឡេង​ផ្ទុះយ៉ាងខ្លាំង ​បន្ទាប់មក​មាន​ភាព​ចលាចល ដោយ​មាន​មនុស្ស​ស្រែក​ដោយ​ការ​ភ័យ​ខ្លាច និងមាន​កញ្ចក់ខ្ទាត​ពាស​ពេញ​ចិញ្ចើម​ផ្លូវ និងនៅលើ​ផ្លូវ។

ក្រុមអ្នកស៊ើបអង្កេតបាននិយាយថា Barktus បានស្លាប់នៅក្នុងការបំផ្ទុះដែលមន្ត្រី FBI ជាន់ខ្ពស់ម្នាក់បានហៅថាអាចជា «កន្លែងបំផ្ទុះគ្រាប់បែកដ៏ធំបំផុតដែលយើងមិន​ធ្លាប់មាននៅភាគខាងត្បូងរដ្ឋកាលីហ្វ័រញ៉ា»។ សាកសព​មួយ​ត្រូវ​បាន​គេ​ប្រទះ​ឃើញ​នៅ​ក្បែរ​រថយន្ត​ដែល​ឆេះ​នៅ​ខាង​ក្រៅ​គ្លីនិក។

លោក Akil Davis ជំនួយការនាយកទទួលបន្ទុកការិយាល័យ FBI នៃទីក្រុង Los Angeles បាននិយាយថា ឈ្មោះ​ Bartkus បានព្យាយាមផ្សាយបន្តផ្ទាល់ការបំផ្ទុះនេះ ហើយបានបន្សល់ទុកនូវសំណេរដែលទាក់ទងទៅនឹងការបំផុសគំនិតដែលជឿថា ជីវិតគ្មានន័យ។ សំណេរនេះត្រូវបានពិនិត្យដើម្បីកំណត់ស្ថានភាពផ្លូវចិត្តរបស់គាត់។

លោក Davis បាននិយាយកាលពីថ្ងៃអាទិត្យថា៖ «នេះគឺជាការវាយប្រហារគោលដៅប្រឆាំងនឹងកន្លែង និង​ការបង្កើតកូនក្រៅសរីរាង្គ» ដូចដែលខ្ញុំបាននិយាយកាលពីម្សិលមិញថាជាអំពើភេរវកម្មដោយចេតនា»។

ការ​បំផ្ទុះ​គ្រាប់​បែក​នោះ​បាន​ធ្វើ​ឲ្យ​មនុស្ស​បួន​នាក់​ផ្សេង​ទៀត​រង​របួស។ ប៉ុន្តែ លោក Davis បាន​និយាយ​ថា អំប្រ៊ីយ៉ុង​ទាំង​អស់​នៅ​កន្លែង​នោះ​ត្រូវ​បាន​សង្គ្រោះ​ក៏​ដោយ៕