.jpg)
អ្នករបាំ ហ៊ូហ្គូ ម៉ារឆានដ៍ និង ដូរ៉ូធី ហ្គីលប៊ឺត បង្ហាញក្បាច់រាំដល់កុមារសម្រាកព្យាបាលនៅមន្ទីរពេទ្យ។ AFP
ក្រុងប៉ារីស៖ នៅក្នុងមណ្ឌលថែទាំពិសេសមួយ កុមារាកំពុងសម្រាកព្យាបាលលើគ្រែពេទ្យម្នាក់បានទស្សនាការសម្ដែងរបាំរបស់អ្នករបាំល្បីមកពី Paris Opera នៅចំពោះមុខក្នុងសម្លៀកបំពាក់ប្រពៃណី។
អ្នករបាំ ហ៊ូហ្គូ ម៉ារឆានដ៍ បាននិយាយពេលលោកចាប់ផ្ដើមបញ្ចេញក្បាច់រាំជាមួយដៃគូ ដូរ៉ូធី ហ្គីលប៊ឺត នៅក្បែរគ្រែពេទ្យ និងម៉ាស៊ីនជំនួយវេជ្ជសាស្ដ្រថា៖ «យើងនឹងដើរផង រាំផង។ យើងមកទីនេះ បំណងនិយាយពាក្យសួស្ដីផងដែរ»។
ក្នុងបន្ទប់សម្រាកព្យាបាលមួយ មានក្មេងម្នាក់កំពុងមើលពួកគេរាំ ដោយបើកភ្នែកធំៗ ពេលក្បាច់រាំរបស់ ហ្គីលប៊ឺត ធ្វើឱ្យប៉ោងរវិចៗ។
លោក ម៉ារឆានដ៍ បាននិយាយថា៖ «យើងមើលឃើញថា របាំបានជួយពួកគេបន្ធូរបន្ថយភាពតានតឹងនៃផ្លូវអារម្មណ៍របស់ពួកគេ»។
អ្នករបាំ ដូរ៉ូធី ហ្គីលប៊ឺត លើកដៃលាកុមារដែលសម្រាកនៅមន្ទីរពេទ្យ ក្រោយសម្ដែងរួច។ AFP
អ្នកស្រី ហ្គីលប៊ឺត បានបន្ថែមថា៖ «តាមមើលក្រសែភ្នែករបស់ពួកគេ យើងឃើញមានពន្លឺតិចៗ ជាមួយភាពចង់ដឹង ប្រហែលជាចូលចិត្ដខ្លះដែរ ឬប្រហែលឆ្ងល់ថា តើមនុស្សនៅលើផែនដីមានប្រភេទនេះដែរ?»។
នៅលើគ្រែពេទ្យ កុមារី អាយុ ១៥ ឆ្នាំ ម៉េលី បានញញឹមពេលបានឃើញលោក ម៉ារឆានដ៍ ហក់លោតកាត់មាតផ្លូវដើរនៃអគារ។
កុមារីតូចនេះ បានសួរថា៖ «ពេលរាំរបាំបាឡេ អត់មានត្រូវនិយាយគ្នាអីទេ?»។
ដូច្នេះ អ្នករបាំទាំងពីរ បានបង្ហាញការសម្ដែងកំប្លុកកំប្លែងខ្លះៗ។
ដោយធ្វើកាយវិការដៃជាទម្រង់មកុដពាក់លើក្បាល អ្នកស្រី ហ្គីលប៊ឺត បានឱ្យដឹងថា៖ «ខ្ញុំជារាជនីហង្ស»។
Fabrice Lesage ប្រធានមណ្ឌលថែទាំពិសេស បាននិយាយថា៖ «យើងមើលឃើញពីឥទ្ធិពលវិជ្ជមានចំពោះអ្នកជំងឺមួយចំនួន។ យើងឃើញពួកគេញញឹម ដោយសារកន្លងមក ពួកគេមិនធ្លាប់ញញឹមសោះ។ របាំបានផ្ដល់ថាមពលដ៏ប្រសើរពួកគេ»៕ AFP/HR
អ្នករបាំ ហ៊ូហ្គូ ម៉ារឆានដ៍ និង ដូរ៉ូធី ហ្គីលប៊ឺត បង្ហាញក្បាច់រាំដល់កុមារសម្រាកព្យាបាលនៅមន្ទីរពេទ្យ។ AFP
