.jpg)
គោប្រមាណ ៤០ ក្បាល បានរត់ប្រសាយកាលពីល្ងាចថ្ងៃអង្គារ នៅតាមដងផ្លូវ Pico Rivera។
ក្រុងឡូសអេនជឺលេស៖ គោមួយហ្វូងបាននាំគ្នារត់ចេញពីរោងចក្រវេចខ្ចប់សាច់ និងបង្កការលំបាកដល់លទ្ធភាពតាមប្រមាញ់របស់ប៉ូលិសនៅតំបន់លំនៅឋានប្រជាពលរដ្ឋ។
គោប្រមាណ ៤០ ក្បាល បានរត់ប្រសាយកាលពីល្ងាចថ្ងៃអង្គារ នៅតាមដងផ្លូវ Pico Rivera និងលុកលុយតាមសួនស្មៅផ្ទះពលរដ្ឋថែមទៀត។
តម្រួតតំបន់ដែលទទួលជំនួយពីសំណាក់ប៉ូលិសជិះសេះចំណាយពេលរាប់ម៉ោងក្នុងការកៀងសត្វ និងប្រមែប្រមូលគោទាំងនោះត្រឡប់ទៅកាន់ទីសត្ដឃាតវិញ។
មុនដល់ទីសត្ដឃាត ប៉ូលិសខិតខំកៀងពួកវាឱ្យដើរតាមគ្នា តែពួកវានៅតែបំបែកគ្នាពេលក្រុមមន្ដ្រីព្យាយាមប្រមូលផ្ដុំពួកវា។ ពួកវាបានរត់ចែកជើងគ្នាចេញពីរោងចក្រវេចខ្ចប់សាច់តាមរបងដែលបើកចំហ។
គោមួយក្បាលត្រូវបានបាញ់ស្លាប់ដោយប៉ូលិស ក្រោយវាធាក់មនុស្សឈរមើលម្នាក់។ គោមួយក្បាលទៀត នៅរត់បាត់ស្រមោលរហូតដល់ព្រឹកថ្ងៃពុធទៅហើយ៕ AFP/HR
ពួកវាបានរត់ចែកជើងគ្នាចេញពីរោងចក្រវេចខ្ចប់សាច់តាមរបងដែលបើកចំហ។
