.jpg)
តារាបូលីវូដអ្នកនាង Shilpa Shetty និងលោក Raj Kundra ជាស្វាមី។ AFP
ក្រុងបុមបៃ៖ ប៉ូលីសនៅទីក្រុងបុមបៃបានចាប់ខ្លួនប្តីរបស់តារាបូលីវូដអ្នកនាង Shilpa Shetty លោក Raj Kundra ពីបទផលិត និងចែកចាយវីដេអូអាសអាភាសតាមអ៊ីនធើណិត រយៈពេល ៦ ឆ្នាំ បន្ទាប់ពីអ្នកជំនួញរូបនេះត្រូវបានហាមឃាត់មិនឱ្យធ្វើសកម្មភាពទាក់ទងនឹងកីឡាគ្រីកឃីតព្រោះតែការរកស៊ីផ្លូវងងឹតកំណត់លទ្ធផលប្រកួត។
ប៉ូលីសបានប្រកាសចាប់ខ្លួនលោក Kundra កាលពីល្ងាចថ្ងៃច័ន្ទ ដោយហៅបុរសអាយុ ៤៥ ឆ្នាំនេះថា ជាអ្នកឃុបឃិតដ៏សំខាន់ក្នុងករណី ដែលពាក់ព័ន្ធនឹងការបង្កើតមាតិកា និងផ្សព្វផ្សាយវីដេអូអាសអាភាសតាមអ៊ីនធើណិត។
ប៉ូលីសបាននិយាយនៅក្នុងសេចក្តីប្រកាសព័ត៌មានថា៖ «យើងមានភ័ស្តុតាងគ្រប់គ្រាន់ទាក់ទងនឹងបញ្ហានេះ ខណៈការស៊ើបអង្កេតកំពុងបន្ត»។
តារាបូលីវូដអ្នកនាង Shilpa Shetty និងលោក Raj Kundra ជាស្វាមី។
ការចាប់ខ្លួននេះ គឺជារឿងអាស្រូវចុងក្រោយបង្អស់ដែលបានវាយប្រហារទៅលើលោក Kundra ដែលមានតំណក់ឈាម ២ នាក់ ជាមួយតារាបូលីវូដស្រី Shetty ជាម្ចាស់ពានរង្វាន់ពីកម្មវិធីអង់គ្លេស Real Big Brother កាលពីឆ្នាំ ២០០៧។
ក្នុងឆ្នាំ ២០១៥ លោក Kundra ត្រូវបានហាមឃាត់មិនឱ្យពាក់ព័ន្ធរាល់សកម្មភាពដែលទាក់ទងនឹងកីឡាគ្រីកឃីតទាំងអស់បន្ទាប់ពីមានការស៊ើបអង្កេតលើការប្រកួតក្នុងកំឡុងពេល ដែលលោកធ្វើសហកម្មសិទ្ធិជាមួយភរិយាក្នុងការទិញសិទ្ធិផ្ដាច់មុខរៀបចំប្រកួត Rajasthan Royals ជាពានរង្វាន់លីគកំពូលឥណ្ឌា។
ប្រទេសឥណ្ឌា មានច្បាប់តឹងរឹងប្រឆាំងនឹងការផលិត និងចែកចាយមាតិកាអាសអាភាស ប៉ុន្តែការមើលរូបភាព ឬវីដេអូអាសអាភាសជាលក្ខណៈឯកជនពុំមានអ្វីខុសច្បាប់ទេ។
តារាបូលីវូដអ្នកនាង Shilpa Shetty និងលោក Raj Kundra ជាស្វាមី។
យោងតាមទិន្នន័យឆ្នាំ ២០១៨ គេហទំព័រសិច Pornhub បានឱ្យដឹងថា ឥណ្ឌាដែលមានប្រជាជនសរុប ១,៣ ពាន់លាននាក់ គឺជាប្រភពចរាចរណ៍ និងប្រើប្រាស់វិបសាយរបស់ខ្លួនឈរនៅលេខរៀងទី៣ ពីក្រោយសហរដ្ឋអាមេរិក និងអង់គ្លេស។
ក្នុងឆ្នាំ ២០១៥ ក្រុមប្រឹក្សាត្រួតពិនិត្យមាតិកាកម្សាន្ត ដែលតែងតាំងដោយរដ្ឋាភិបាលបានរារាំងការចេញផ្សាយខ្សែភាពយន្តរឿង «Fifty Shades of Grey» នៅតាមបណ្ដារោងកុន។
ទោះបីជាភាពយន្តនោះត្រូវបានបន្ថយពន្លឺខុសពីរូបភាពដើម ក៏ប៉ូលីសនៅតែអះអាងថាវាប្រាសចាកសីលធម៌នៃសង្គមឥណ្ឌា៕ AFP/HR
តារាបូលីវូដអ្នកនាង Shilpa Shetty និងលោក Raj Kundra ជាស្វាមី។
