.jpg)
រូបតំណាង៖ បុរសប្រលែងជាមួយសត្វឆ្កែនៅជាយក្រុងកាប៊ុល កាលពីឆ្នាំ ២០២០។ AFP
ក្រុងឡុងដ៍៖ ម្ចាស់មណ្ឌលសត្វជនជាតិជាតិអង់គ្លេសនៅក្នុងប្រទេសអាហ្វហ្គានីស្ថាន នឹងត្រូវបានអនុញ្ញាតឱ្យជម្លៀសឆ្កែ និងឆ្មាប្រមាណ ២០០ ក្បាល លើយន្ដហោះជួលពិសេសពីទីក្រុងកាប៊ុល។ នេះបើយោងតាមរដ្ឋមន្ដ្រីការពារជាតិចក្រភពអង់គ្លេស បានឱ្យដឹងកាលពីថ្ងៃពុធ។
យុទ្ធនាការដ៏មានប្រជាប្រិយភាពសំណាក់អតីតនាយទាហានជើងទឹក ផូល «ផេន» ហ្វាធីង ក្នុងការជម្លៀងសត្វចិញ្ចឹម បានបង្កជាបញ្ហាចម្រូងចម្រាស ខណៈមនុស្សរាប់ពាន់នាក់ស្វែងភៀសខ្លួនពីការគ្រប់គ្រងរបស់ក្រុមតាលីបង់ នៅមុនពេលការដកទ័ពចុងក្រោយរបស់សហរដ្ឋអាមេរិកអំឡុងថ្ងៃទី ៣១ ខែសីហានេះ។
ក្រោយពីបំពេញភារកិច្ចជាកងកម្លាំងអាមេរិកនៅលើទឹកដីអាហ្វហ្គានីស្ថាន លោក ហ្វាធីង បានបង្កើតមណ្ឌលជម្រកសត្វមនុស្សធម៌ឈ្មោះ Nowzad ក្នុងក្រុងកាប៊ុល ដែលបានសង្គ្រោះសត្វឆ្មា ឆ្កែ និងលា។
ក្រោយពីបំពេញភារកិច្ចជាកងកម្លាំងអាមេរិកនៅលើទឹកដីអាហ្វហ្គានីស្ថាន លោកបានបង្កើតមណ្ឌលជម្រកសត្វមនុស្សធម៌ឈ្មោះ Nowzad។
លោកបន្ដនៅក្រុងកាប៊ុល និងបានទទួលមូលនិធិរៃអង្គាសប្រាក់ក្នុងការជួលយន្ដហោះដឹកបុគ្គលិក និងក្រុមគ្រួសារ ក៏ដូចជាសត្វឆ្កែ និងឆ្មាប្រមាណ ២០០ ក្បាល នូវអ្វីដែលលោកបានហៅថា Operation Ark។
រដ្ឋមន្ដ្រីការពារជាតិ លោក ប៊េន វ៉ាល់ឡេក ធ្លាប់បាននិយាយថា វាមិនត្រឹមត្រូវទេ ដែល «ផ្ដល់អាទិភាពសត្វខ្ពស់ជាងមនុស្ស» ខណៈមនុស្សរាប់ពាន់រង់ចាំនៅខាងក្រៅអាកាសយាន្ដដ្ឋាន ដោយភាគច្រើនបារម្ភខ្លាចរងការសងសឹកពីក្រុមតាលីបង់ ដែលបានគ្រប់គ្រងប្រទេសកាលពីថ្ងៃទី ១៥ ខែសីហានេះ។
ប៉ុន្ដែកាលពីព្រឹកថ្ងៃពុធ លោក វ៉ាល់ឡេក បានសរសេរថា លោកបានផ្ដល់អំណាចឱ្យមន្ដ្រីលោករៀបចំការចាកចេញបុគ្គលិកជនជាតិអាហ្វហ្គានីស្ថានរបស់លោក ហ្វាធីង នៅអាកាសយាន្ដដ្ឋានក្រុងកាប៊ុល។
មណ្ឌលជម្រកសត្វមនុស្សធម៌ឈ្មោះ Nowzad ក្នុងក្រុងកាប៊ុល ដែលបានសង្គ្រោះសត្វឆ្មា ឆ្កែ និងលា។ AFP
លោក វ៉ាល់ឡេក បានបន្ដថា៖ «វាកើតឡើងមែន លោក ហ្វាធីង នឹងមកជាមួយសត្វជាច្រើនរយក្បាល យើងនឹងរកកន្លែងសម្រាប់ពួកគេ»។
លោកបានបញ្ជាក់ថា «កត្ដាដែលបានកំណត់ជាក់លាក់» បានសម្រួលដល់ចរន្ដនៃការជម្លៀស «មិនមែនសមត្ថភាពយន្ដហោះ» នោះទេ។
លោក ហ្វាធីង បាននិយាយថា លោកអាចដឹកជញ្ជូនសត្វទាំងនោះលើយន្ដហោះ ២៥០កៅអី និងទុកកៅអីឱ្យពលរដ្ឋអាហ្វហ្គានីស្ថានជិះ។
ចក្រភពអង់គ្លេស បានជម្លៀសពលរដ្ឋខ្លួនជាង ១ ម៉ឺននាក់ ចេញពីប្រទេសអាហ្វហ្គានីស្ថាន តាំងពីថ្ងៃទី ១៣ ខែសីហា ហើយយន្ដហោះយោធាជាច្រើនគ្រឿងគ្រោងមកដល់នៅថ្ងៃពុធ។ នេះបើយោងតាមក្រសួងការពារជាតិ៕ AFP/HR
មណ្ឌលជម្រកសត្វមនុស្សធម៌ឈ្មោះ Nowzad ក្នុងក្រុងកាប៊ុល ដែលបានសង្គ្រោះសត្វឆ្មា ឆ្កែ និងលា។ AFP
