ក្រុងប៉េកាំង៖ កំពូលតារាសម្តែងចិននាង ជិង ហ្សួង ត្រូវបានពិន័យប្រាក់ ៤៦ លានដុល្លារអាមេរិក ពីការគេចពន្ធ នៅពីថ្ងៃសុក្រនេះ។
រដ្ឋាភិបាលប៉េកាំងកំពុងបំពេញបេសកកម្ម ដើម្បីទប់ទល់នឹងអ្វីដែលខ្លួនហៅថា វប្បធម៌វឹកវរ និងភាពល្បីល្បាញរបស់តារាល្បីៗ បន្ទាប់ពីមានរឿងអាស្រូវជាច្រើនក្នុងវិស័យសិល្បៈនាប៉ុន្មានខែចុងក្រោយនេះ រួមទាំងករណីរបស់កំពូលតារាចម្រៀង និងសម្ដែងចិនកាណាដា គ្រីស វូ (Kris Wu) ដែលត្រូវបានចាប់ខ្លួនពីបទសង្ស័យករណីចាប់រំលោភ និងបៀតបៀនផ្លូវភេទកាលពីដើមខែនេះ។
អាជ្ញាធរក្រុងសៀងហៃនៅថ្ងៃសុក្រ បានផាកពិន័យនាង ជិង ហ្សួង ចំនួន ២៩៩ លានយន់ (៤៦,១ លានដុល្លារ) ពីការគេចពន្ធ និងប្រាក់ចំណូលដែលមិនបានប្រកាសនៅចន្លោះឆ្នាំ ២០១៩ និង ២០២០ ខណៈនាងកំពុងថតរឿងភាគជាច្រើនតាមទូរទស្សន៍។
កំពូលតារាស្រីវ័យ ៣០ឆ្នាំបានសាងកេរ្តិ៍ឈ្មោះល្បីល្បាញនៅចិន បន្ទាប់ពីនាងបានសម្ដែងរឿងប្រទេសចិនបន្ទាប់ពីបានសម្តែងក្នុងរឿងភាគថតសាឡើងវិញ Meteor Shower កាលពីឆ្នាំ ២០០៩ ព្រមទាំងខ្សែភាពយន្តភាគ និងខ្នាតធំ ដែលនាំឱ្យនាងទទួលបានជោគជ័យជាបន្តបន្ទាប់។
រដ្ឋបាលគ្រប់គ្រងសោទស្សន៍ និងភាពយន្ត បានបន្ថែមថា នឹងមិនមានការអត់ឱ្យចំពោះការគេចវេសពន្ធប្រាក់ខែខ្ពស់ ប្រាក់ចំណូល និងកិច្ចសន្យាយីងយ៉ាង ដោយសំដៅលើកិច្ចសន្យាសខ្មៅជាក្បួនលាក់បាំងប្រាក់ឈ្នួលតារាល្បីៗពីកម្មវិធីសម្ដែងនានា។
ប្រព័ន្ធផ្សព្វផ្សាយរដ្ឋបានឈានដល់ការជំរុញឱ្យមានការផ្លាស់ប្តូរវប្បធម៌កម្សាន្តរបស់ចិន ដោយទូរទស្សន៍ CCTV បាននិយាយកាលពីថ្ងៃអង្គារថា៖ «មួយរយៈនេះការបរាជ័យខាងសីលធម៌របស់សិល្បករ និងការរំលោភច្បាប់ការដាំដុះពន្លកសិល្បៈជាងវ័យ និងភាពវឹកវរនៃវប្បធម៌សិល្បៈបានទាក់ទាញការចាប់អារម្មណ៍យ៉ាងខ្លាំងនៅក្នុងសង្គមចិន»។
ការផ្សព្វផ្សាយបានបន្តថា៖ «យើងត្រូវតែស្តារបរិយាកាសអក្សរសិល្ប៍ និងសិល្បៈដ៏ស្អាតស្អំសុចរិតឡើងវិញដល់សាធារណជន»៕ AFP/HR