.jpg)
កសិករភូមិតូតូរ៉ូម៉ា បីត្រកងសត្វវីឃ្យូណា អំឡុងពេលពិធីប្រពៃណី ឆាកឃ្យូ។ AFP
ក្រុងលីម៉ា៖ នាវេលាសម្រាកក្នុងអាកាសធាតុដ៏ត្រជាក់នៅជួរភ្នំ Andes ពលរដ្ឋប៉េរូជាច្រើននាក់នាំគ្នាឡើងភ្នំ ដើម្បីរៀបចំប្រពៃណីកាត់កោររោមវីឃ្យូណាដ៏មានតម្លៃបន្សល់ពីដូនតារាប់សតវត្សរ៍។ សត្វវីឃ្យូណា គឺជាសណ្ដានសាច់ញាតិជាមួយអម្បូរសត្វឡាម៉ា។
មួយសប្ដាហ៍រៀងរាល់ឆ្នាំ កសិករភូមិតូតូរ៉ូម៉ា ចម្ងាយប្រមាណ ៥០ គីឡូម៉ែត្រភាគនីរតីបឹង ទីទីកាកា បានសហការគ្នារៀបចំពិធីកាត់កោរដែលអ្នកស្រុកបានហៅថា «ឆាកឃ្យូ»។
ពួកគេឡើងតាមជម្រាលភ្នំ និងកៀងសត្វវីឃ្យូណាប្រមាណ ៥០០ ក្បាល ចុះទៅកាន់វាលទំនាប ព័ទ្ធសំណាញ់កម្ពស់ ៣ ម៉ែត្រ ដែលជាវិធានការទប់ស្កាត់ការរត់គេចរបស់ហ្វូងសត្វ។
កសិករព្រួតគ្នាចាប់សត្វ ដើម្បីធ្វើការកាត់កោររោមដ៏ទន់ល្មើយនេះ។ AFP
កសិករទាំងស្រីទាំងប្រុស និងខ្លះស្ពានកូនតូច ដើរពុះពារអាកាសធាតុត្រជាក់ និងពាក់មួកធំសម្រាប់ការពារកម្ដៅថ្ងៃ។ ឆ្នាំនេះ ពួកគេក៏បានពាក់ម៉ាសដើម្បីការពារខ្លួនពីវីរុសកូរ៉ូណាថែមទៀត។
ពេទ្យសត្វ ចេម ហ្វីហ្គេរ៉ូយ៉ា បានប្រាប់ AFP ថា៖ «វាជាប្រពៃណីដូនតា ដែលចាប់ផ្ដើមអនុវត្ដតាំងពីយូរលង់មកហើយ ហើយបច្ចុប្បន្ន យើងកំពុងរៀបចំសម្រួលកិច្ចការសាធារណៈមួយចំនួន»។
ជេស៊ុស ភីលកូ ម៉ាម៉ានី កំពុងដើរតាមគំរូឪពុក និងដីតារបស់លោក។ លោកបានប្រាប់ AFP ថា៖ «ខ្ញុំចាប់ផ្ដើមធ្វើជាអ្នកប្រមូលផលរោមសត្វនេះតាំងពីឆ្នាំ១៩៨៦»។
រោមសត្វមួយគីឡូក្រាមលក់ក្នុងតម្លៃ ៤០០ ដុល្លារ (១,៦ លានរៀល)។ AFP
មានសត្វវីឃ្យូណា ប្រមាណ ២០ ម៉ឺនក្បាល ហើយពិធីឆាកឃ្យូប្រចាំឆ្នាំ បានជួយទ្រទ្រង់ពលរដ្ឋ ២៩០ សហគមន៍នៅតំបន់ជួរភ្នំ Andes នៃប្រទេសប៉េរូ។
រោមសត្វវីឃ្យូណា មានតម្លៃខ្ពស់សម្រាប់គុណភាពរោមទន់ល្មើយ និងជាផលិតផលថ្លៃបំផុតមួយនៅក្នុងពិភពលោក។
សត្វវីឃ្យូណា រស់នៅកម្ពស់ហួសនីវ៉ូទឹកសមុទ្រយ៉ាងតិច ៣ ៥០០ ម៉ែត្រ។ ដូច្នេះ ដើម្បីប្រមូលផលរោមទន់ៗរបស់ពួកវា គឺជាកិច្ចការដ៏លំបាកមួយ។ សហគន៍នានានៅជួរភ្នំ Andes ប្រទេសប៉េរូ ផលិតរោមសត្វវីឃ្យូណា ប្រមាណ ១០ តោនរៀងរាល់ឆ្នាំ។
រោមសត្វមួយគីឡូក្រាមលក់ក្នុងតម្លៃ ៤០០ ដុល្លារ (១,៦ លានរៀល) ហើយក្នុងឆ្នាំ២០១៩ ប៉េរូ នាំចេញរោមសត្វ ៧ តោន ក្នុងតម្លៃ ៣ លានដុល្លារ៕ AFP/HR
កសិករព្រួតគ្នាចាប់សត្វដើម្បីធ្វើការកាត់កោររោមដ៏ទន់ល្មើយនេះ។ AFP
អ្នកប្រមូលផលត្រូវឡើងភ្នំជម្រកសត្វវីឃ្យូណា មានកម្ពស់ចាប់ពី៣៥០០ម៉ែត្រពីនីវ៉ូសមុទ្រ។ AFP
