.jpg)
លោក ដេបុងហួ កូលី ធ្វើក្រចកឱ្យនៅក្នុងហាងសាឡនរបស់ខ្លួននៃក្រុងបាងហ្គុយ។ AFP
ក្រុងបាងហ្គុយ៖ ដោយបានស្ទាបអង្អែល ដេបុងហួ កូលី បានលាបថ្នាំក្រចកដៃភ្ញៀវនៅក្នុងហាងសាឡានរបស់លោកក្នុងទីក្រុងបាងហ្គុយ សាធារណរដ្ឋអាហ្វ្រិកកណ្ដាល។ ខណៈឧស្សាហកម្មធ្វើក្រចកនៅតំបន់ផ្សេងទៀតនៃពិភពលោកគឺជាការងាររបស់ស្ដ្រី នៅទីក្រុងហាងហ្គុយ វាជាកិច្ចការរបស់បុរសផ្ដាច់មុខ។
លោក ដេបុងហួ កូលី បាននិយាយថា៖ «នៅទីក្រុងបាងហ្គុយនេះ ស្ដ្រីមិនចាប់អារម្មណ៍ការងារធ្វើក្រចកទេ។ ដូច្នេះបុរសជាអ្នកធ្វើវា។ តាំងពីដើមឡើយ វាជាកិច្ចការរបស់ជនជាតិកុងហ្គោ ហើយពួកគេធ្វើដំណើរចុះឡើងៗ ដែលមិនងាយស្រួលសម្រាប់ស្ដ្រីភេទ។ ទម្លាប់នេះ ក៏មានរៀងរហូតមក»។
អ្នកធ្វើក្រចកអាយុ ២៧ ឆ្នាំ និងជាម្ចាស់សាឡនក្រចករូបនេះ បានប្រាប់ AFP ថា៖ «រៀងរាល់ចុងសប្ដាហ៍ មានមនុស្សម្នាចូលច្រើន ហើយភ្ញៀវរបស់ខ្ញុំភាគច្រើនជានារី។ មុខរបររបស់ខ្ញុំដំណើរការល្អ ហើយខ្ញុំរកចំណូលចិញ្ចឹមជីវិតដូចបុរសៗដទៃ តែថ្ងៃណាមួយ ខ្ញុំនឹងវិលទៅបន្ដការសិក្សាវិញ»។
ទិដ្ឋភាពសាឡន និងកន្លែងធ្វើក្រចក ដែលមានសុទ្ធតែចាងបុរសៗនៅអាហ្វ្រិកកណ្ដាល។ AFP
លោកបានសហការជាមួយប្អូនប្រុសឈ្មោះ អេមម៉ានូអែល កូលី ដែលធ្វើការនៅហាងសាឡនដើម្បីយកប្រាក់បង់ថ្លៃសិក្សាផ្នែកពេទ្យរបស់ខ្លួន។ លោក អេមម៉ានូអែល អាយុ ២៥ឆ្នាំ បានជួយរៀបចំទុកដាក់ថ្នាំក្រចកក្នុងកន្ដ្រក ខណៈបងប្រុស ដេបុងហួ បិតកាវលើក្រចកក្លែងក្លាយរចនាលើក្រចកដៃឱ្យភ្ញៀវ។
លោក ដេបុងហួ បាននិយាយពេលទទួលឆែកធនាគារពីប្អូនប្រុសថា៖ «ខ្ញុំធ្វើបែបនេះ យ៉ាងហោចណាស់ ខ្ញុំបានលុយពីវា។ គោលបំណងគឺត្រូវរកលុយ។ ដូច្នេះ ខ្ញុំមិនចាំបាច់នៅស្ងៀមៗ និងដើរទាត់ខ្យល់នោះទេ។ ខ្ញុំចូលចិត្ដការងារជាអ្នកធ្វើក្រចក»។
ស្ថិតក្នុងប្រទេសអភិវឌ្ឍតិចតួចបំផុតលំដាប់ទីពីរក្នុងលោកលើបញ្ជីរបស់អង្គការសហប្រជាជាតិ ដោយសារតែសង្គ្រាមស៊ីវិលញាំញីតាំងពីឆ្នាំ២០១៣ អត្រាអ្នកអត់មានការងារធ្វើមាន ២៤,២ភាគរយ ហើយបណ្ដាប្រទេសជាច្រើននៅតំបន់អាហ្វ្រិកកណ្ដាល ត្រូវបានបង្ខំឱ្យចូលក្នុងពិភពសេដ្ឋកិច្ចក្រៅផ្លូវការដើម្បីរកប្រាក់ចម្អែតក្រពះ។
ជាភ្ញៀវម្នាក់ ផេនីណា មានក្ដីរីករាយជាមួយលទ្ធភាពសម្រស់ និងក្រចកដៃស្រស់ស្អាតក្រោយមកទទួលសេវាកម្មពីសំណាក់ម្ចាស់សាឡនប្រុសរូបនេះរួច។
អតិថិជនភាគច្រើនជាងនារីរង់ចាំធ្វើក្រចកពីម្ចាស់បុរសសង្ហារ។ AFP
កញ្ញា និយាយថា៖ «គាត់ចេះដាក់រោមភ្នែក និងក្រចកក្លែងក្លាយយ៉ាងស្រស់ស្អាត។ ពិតជាល្អមែនទែន។ ពេលឃើញស្នាដៃគាត់ មនុស្សម្នាតែងតែសួរថា នរណាជាអ្នកធ្វើឱ្យ? នោះហេតុមូលហេតុដែលខ្ញុំត្រូវមកទីនេះ»។
ភ្ញៀវរបស់ពួកគេមិនត្រឹមមានតែនារីៗនោះទេ។ លោក ដេបុងហួ ម្ដងកាល ក៏ធ្វើក្រចកឱ្យភ្ញៀវបុរស ហើយ តាយវូ គឺជាអតិថិជនប្រចាំម្នាក់។
លោកបាននិយាយថា៖ «រៀងរាល់ចុងសប្ដាហ៍ ថ្ងៃសៅរ៍ និងអាទីត្យ មនុស្សម្នាមកទីនេះ រួមទាំងខ្ញុំផងដែរ។ ខ្ញុំមកធ្វើក្រចក។ បើវាកខ្វក់ពេក ខ្ញុំមកជួប ដេបុងហួ ឱ្យសម្អាតវា។ ខ្ញុំពិតជាពេញចិត្ដ»៕ AFP/HR
អតិថិជនភាគច្រើនជាងនារីរង់ចាំធ្វើក្រចកពីម្ចាស់បុរសសង្ហា។ AFP
