.jpg)
ព្រឹទ្ធាចារ្យដំណាំតែ លោក ហេមេន ហ្គាណារ៉ាត់ ដែលដាំដំណាំតែថ្លៃបំផុតមួយក្នុងលោក។ AFP
ក្រុងកូឡុំបូ៖ មហិច្ឆតារបស់ស្រីលង្កាចង់ក្លាយជាដែនដីផលិតស្បៀងសរីរាង្គមួយរយភាគរយដំបូងបំផុតក្នុងពិភពលោក បានគំរាមកំហែងដល់ឧស្សាហកម្មតែដ៏មានតម្លៃរបស់ខ្លួន និងបានបង្កជាក្ដីកង្វល់ពីគ្រោះមហន្ដរាយដំណាំកាន់តែធំ ដែលកាន់តែធ្វើឱ្យដុនដាបចំពោះសេដ្ឋកិច្ចជាតិ។
ប្រធានាធិបតី លោក ហ្គូតាបាយ៉ា រ៉ាចាបាកសា បានហាមឃាត់ការប្រើប្រាស់ជីគីមីនា ឆ្នាំនេះ ដើម្បីត្រៀមការប្រកួតប្រជែងដំណាំសរីរាង្គ តែម្ចាស់ចម្ការតែជាច្រើនទស្សន៍ទាយពីជោគវាសនារបស់ពួកគេថា ដំណាំតែនឹងទទួលបរាជ័យមិនលើសពីខែតុលា ដោយរុក្ខជាតិស៊ីណាម៉ុន ម្រេច និងដំណាំទ្រទ្រង់ ដូចជា អង្ករ ក៏ប្រឈមនឹងបញ្ហាផងដែរ។
គ្រូតែ ហេមេន ហ្គាណារ៉ាត់ ជាអ្នកជំនាញម្នាក់ចណោម ៤៦ នាក់ ដែលត្រូវបានជ្រើសរើសដោយលោកប្រធានាធិបតី ដើម្បីដឹកនាំឈានសម្រេចគោលដៅដំណាំសរីរាង្គ មានអារម្មណ៍បារម្ភកាន់តែខ្លាំង។
«តែព្រហ្មចារី ស» លោក ហេមេន ហ្គាណារ៉ាត់ អាចលក់ក្នុងតម្លៃ១គីឡូក្រាម ២០០០ដុល្លារ។ AFP
លោក ហ្គាណារ៉ាត់ បាននិយាយនៅចម្ការតែក្នុងក្រុង អាហានហ្គាម៉ា នៃតំបន់ជម្រាលភ្នំចម្ងាយប្រមាណ ១៦០ ម៉ែត្រភាគខាងត្បូងក្រុងកូឡុំបូ។
បុរសវ័យ ៧៦ ឆ្នាំ ដែលដាំតែមានតម្លៃថ្លៃបំផុតមួយក្នុងពិភពលោក បារម្ភថា ដំណាំប្រចាំឆ្នាំមធ្យម ៣០ ម៉ឺនតោនរបស់ស្រីលង្កា នឹងត្រូវបាត់បង់ពាក់កណ្ដាល បើរដ្ឋាភិបាលមិនផ្លាស់ប្ដូរជំហរ។
ជីគីមី និងថ្នាំសម្លាប់សត្វល្អិត ស្ថិតក្នុងចំណោមនៃការនាំចូលផងដែរ រួមទាំង រថយន្ដ និងគ្រឿងបន្លាស់ ដែលរដ្ឋាភិបាល បានបញ្ឈប់ដើម្បីទប់ទល់នឹងបញ្ហាកង្វះរូបិយបណ្ណបរទេស។
មហិច្ឆស្រីលង្កាចង់ក្លាយជាដែនដីផលិតស្បៀងសរីរាង្គ ១០០% គំរាមកំហែងដល់ដំណាំតែ។ AFP
ប៉ុន្ដែតែគឺជាផលិតផលនាំចេញតែមួយមុខដ៏ធំបំផុតរបស់ស្រីលង្កា ដែលរកចំណូលបានជាង ១,២៥ ពាន់លានដុល្លារ ក្នុង ១ ឆ្នាំ ដោយស្មើនឹង ១០ ភាគរយ នៃចំណូលចាំចេញសរុបរបស់ប្រទេស។
លោក ហ្គាណារ៉ាត់ ដែលយីហោ «តែព្រហ្មចារី ស» អាចលក់ក្នុងតម្លៃ ២ ០០០ ដុល្លារ មួយគីឡក្រាម ត្រូវបានដកចេញពីក្រុមសេដ្ឋកិច្ចសង្គមបៃតងរបស់លោក រ៉ាចាបាកសា ក្រោយមានការជំទាស់ជាមួយលោកប្រធានាធិបតី។
កម្មករធ្វើការនៅចម្ការតែ ព្រហ្មចារី ស ក្នុងក្រុងអាហាន់ហ្គាម៉ា។ AFP
លោកបាននិយាយថា តែ Ceylon របស់ប្រទេស មានសមាសធាតុគីមីតិចតួចបំផុតជាងបណ្ដាតែប្រភេទដទៃទៀត និងមិនបង្កការគំរាមកំហេងដល់សុខភាពឡើយ។
ដំណាំតែលផលិតបានក្នុងបរិមាណកំណត់ត្រា ១៦ ម៉ឺនតោន មួយឆមាសដំបូងក្នុងឆ្នាំ២០២១ ដែលអរគុណដល់អាកាសធាតុល្អ និងស្ថុបជីចាស់ តែការប្រមូលផលចាប់ផ្ដើមធ្លាក់ចុះក្នុងខែកក្កដា។
សមាគមម្ចាស់រោងចក្រតែ បានឱ្យដឹងក្នុងសេចក្ដីថ្លែងការណ៍ថា៖ «ដោយការដួលរលំនៃផលិតកម្មតែ ការងារមនុស្សជាង ៣លាននាក់នឹងរងឥទ្ធិពលនេះផងដែរ»៕ AFP/HR
កម្មករធ្វើការនៅចម្ការតែ ព្រហ្មចារី ស ក្នុងក្រុងអាហាន់ហ្គាម៉ា។ AFP
