ក្រុងវ៉ាស៊ីនតោន៖ អំពូលភ្លើងតាមដងវិថី ជាពិសេស ប្រភេទអំពូលភ្លើង LED មិនត្រឹមតែរំខានដល់សកម្មភាពរបស់សត្វល្អិតប៉ុណ្ណោះទេ ប៉ុន្ដែថែមទាំងជាឧក្រិដ្ឋជនពីការងាប់ដ៏រង្គាលផងដែរ។ នេះបើយោងតាមការសិក្សាថ្មីមួយដែលធ្វើឡើងនៅភាគខាងត្បូងប្រទេសអង់គ្លេស។
ពន្លឺសិប្បនិម្មិតនាពេលរាត្រីត្រូវបានចាត់ទុកជាកត្ដាបង្កឱ្យពពួកសត្វល្អិតងាប់នៅក្នុងជុំវិញពិភពលោក តែប្រធានបទនេះ នៅតែត្រូវបានបន្ដស្រាវជ្រាវ។ ដើម្បីបកស្រាយពីចម្ងល់នេះ ក្រុមអ្នកវិទ្យាសាស្ដ្របានប្រៀបធៀបតំបន់ភ្លើងនៅតាមចិញ្ចើមផ្លូវចំនួន ២៦ កន្លែង ដែលមានព្រៃល្បោះ ឬវាលស្មៅ ទៅនឹងទីតាំងដែលមិនមានការបំភ្លឺ។
ពួកគេក៏បានត្រួតពិនិត្យទីតាំងមួយដែលអត់មានភ្លើងបំភ្លឺ និងទីតាំងពីមានភ្លើងបំភ្លឺចំនួន ២ ដែលមានស្ថានភាពភូមិសាស្ដ្រសម្បូររុក្ខជាតិ។
ក្រុមការងារបានជ្រើសរើសដង្កូវមូត ជាអ្នកតំណាងសត្វល្អិតរាតត្បាតពេលយប់ទូទៅ ដោយសារពួកវានៅតែក្រវែលកន្លែងពួកវាចាប់កំណើតតែប៉ុន្មានម៉ែត្រ មុនពេលចេះហើរ។
ក្រុមប្រមូលទិន្នន័យក៏បានយកឈើវាសនៅតាមរុក្ខជាតិ ដែលអាចធ្វើឱ្យដង្កូវធ្លាក់ ឬបង់សំណាញ់នៅវាលស្មៅ ដើម្បីប្រមូលសត្វល្អិត។
លទ្ធផលពិតជាគួរឱ្យភ្ញាក់ផ្អើល ដោយមានការកាត់បន្ថយចំនួនសត្វល្អិតរហូតដល់ ៤៧ ភាគរយ នៅតាមតំបន់ព្រៃល្បោះ និង ៣៧ ភាគរយនៅតំបន់ស្មៅប្របចិញ្ចើមផ្លូវ។
អ្នកដឹកនាំការសិក្សា ដោកឡាស ប៊យស៍ មកពីមជ្ឈមណ្ឌលអេកូឡូស៊ី និងអ៊ីដ្រូឡូស៊ី ចក្រភពអង់គ្លេស បានប្រាប់ AFP ថា៖ «យើងពិតជាមានការភ្ញាក់ផ្អើលដែលអត់សូវឃើញវត្ដមានសត្វល្អិតទាំងនោះ»។
លោកបានបន្តថា៖ «ក្រុមការងារសង្កេតឃើញថា យ៉ាងតិចក៏បាត់អស់ ១០ ភាគរយដែរ។ យើងនឹកគិតថា វាជាកន្លែងសម្បូរសត្វល្អិតដ៏ច្រើនបំផុត ដោយសារវាមានពពួកសត្វញី និងមេស្ថិតនៅទីនោះ»។
ពន្លឺអំពូលភ្លើងបានរំខានដល់អត្ដចរិតស៊ីចំណីរបស់ពួកវា ពេលក្រុមការងារថ្លឹងសត្វល្អិតទាំងនោះ ពួកគេបានរកឃើញថា សត្វនៅបរិវេណមានពន្លឺអំពូលភ្លើងមានទម្ងន់ធ្ងន់ជាង។
លោក ប៊យស៍ បាននិយាយថា៖ «មានដំណោះស្រាយ ដែលយើងអាចធ្វើបានដូចជា ការដាក់របាំងថ្លា ដែលមានពណ៌ស្រោបអំពូលភ្លើង ឬបន្ថែមរបាំងឃ្លុប។ ដូច្នេះ ពន្លឺជះទៅតែខាងផ្លូវថ្នល់ មិនមែននៅបរិវេណសត្វល្អិតរស់នៅ»៕ AFP/HR