.jpg)
គ្រីស្ទេន ស្ទូវើត សម្ដែងជាទួអអ្គព្រះនាង ដាយអាណា ក្នុងភាពយន្ដថ្មីរឿង «Spencer»។ AFP
ក្រុងវេនិក៖ តារាហូលីវូដ គ្រីស្ទេន ស្ទូវើត ទំនងជាលែងមានអ្វីថ្មីសម្រាប់ក្រុមប្រមាញ់រូប តែក្រោយពីសម្ដែងជាតួអង្គ ព្រះក្សត្រិយ ដាយអាណា លើផ្ទាំងសំពត់ស នាងមានអារម្មណ៍ថា គ្មាននរណាម្នាក់អាចយល់ពីអ្វីដែលអារម្មណ៍ពិតក្នុងនាមជាក្សត្រិយចក្រភពអង់គ្លេសនេះទេ។
ភាពយន្ដថ្មីរឿង «Spencer» ចាក់បញ្ចាំងនៅមហោស្រពភាពយន្ដក្រុងវេនិកកាលពីថ្ងៃសុក្រ ដោយ ស្ទូវើត ជាតួអង្គចុងក្រោយសម្ដែងជាព្រះក្សត្រិយ ដែលបានរៀបអភិសេកជាមួយព្រះអង្គម្ចាស់ ឆាល ដោយបញ្ចប់ត្រឹមរឿងអាស្រូវ និងការលែងលះ។
ក្រោយមក ព្រះក្សត្រិយ ដាយអាណា បានចូលទីវង្គត់នៅទីក្រុងប៉ារីស ក្នុងឧប្បត្ដិហេតុគ្រោះថ្នាក់ចរាចរណ៍ ឆ្នាំ១៩៩៧ ក្រោយគេចពីក្រុមប្រមាញ់រូបថត។
ភាពយន្ដនេះផ្ដោតលើការសម្រេចចិត្ដរបស់ព្រះអង្គក្នុងការគេចចេញពីសម្ពាធនៃរាជវង្ស និងសម្រេចជោគវាសនាជីវិតខ្លួនឯងនៅក្នុងទសវត្សរ៍ឆ្នាំ១៩៩០។
គ្រីស្ទេន ស្ទូវើត សម្ដែងក្នុងភាពយន្ដថ្មីរឿង «Spencer» ចាក់បញ្ចាំងនៅមហោស្រពភាពយន្ដក្រុងវេនិក។ AFP
តារាហូលីវូដស្រីវ័យ ៣១ឆ្នាំ ស្ទូវើត បានប្រាប់អ្នកសារព័ត៌មានមុនពេលដាក់បញ្ចាំងថា៖ «ព្រះអង្គជានារីល្បីល្បាញបំផុតក្នុងពិភពលោក។ ទ្រង់ជានារីត្រូវបានតាមប្រមាញ់រូបថតច្រើនបំផុតក្នុងពិភពលោក»។
តារាឯកស្រីរឿង Twilight series រូបនេះ បានបន្ដថា៖ «ខ្ញុំបានភ្លក្សរសជាតិជីវិតលំដាប់ខ្ពស់ តែពិតជាល្អក្រៃលែងក្នងនាមជាអ្នកតំណាងឱ្យមនុស្សមួយក្រុម និងប្រទេសជាតិមួយទាំងមូល។ ខ្ញុំអាចស្គាល់ជីវិតបែបនេះ តែខ្ញុំមិនដឹងថា មាននរណាអាចយល់ពីអ្វីដែលជីវិតនេះជួបប្រទះ»។
ក្នុងការសម្ដែងនេះ ស្ទេវើត រួមទាំងតារាជាច្រើនទៀត ដែលមានបំណងចង់សម្ដែងជាតួអង្គរាជវង្ស។
ភាពយន្ដថ្មី ដែលកំពុងធ្វើការប្រកួតដណ្ដើមពានតោមាសកំពូលនៅទីក្រុងវេនិក ត្រូវបានដឹកនាំដោយ Pablo Larrain ជនជាតិឈីលី ហើយខ្សែភាពយន្តនេះត្រូវបានហៅថា «រឿងប្រឌិតចេញពីសោកនាគកម្មពិត»។
ភាពយន្ដនេះផ្ដោតលើការសម្រេចចិត្ដរបស់ព្រះអង្គក្នុងការគេចចេញពីសម្ពាធនៃរាជវង្ស។
សាច់រឿងផ្ដោតលើព្រះក្សត្រិយ ដាយអាណា រយៈពេល ៣ថ្ងៃនៅក្នុងថ្ងៃបុណ្យគ្រិស្ដស្មាស់ នៅពេលសមាជិករាជវង្ស មកជួបជុំគ្នានៅរាជដំណាក់ Sandringham របស់ព្រះមហាក្សត្រិយ អេលីហ្សាប៊េត។
សម្ដែងដោយ ស្ទេវើត ភាពកម្សត់នៃសាច់រឿងរបស់ព្រះក្សត្រិយ ដាយអាណា កាន់តែលន្លង់លន្លោចថែមទៀត។ ប៉ុន្ដែភាពចូរចត់កាន់តែឃើញច្បាស់ពេលព្រះអង្គត្រូវនៅតែជាមួយបុត្រាទាំងពីរគឺ ព្រះអង្គម្ចាស់ វីលៀម និង ហាររី។
តារាស្រីអាមេរិករូបនេះ បានបន្ដថា៖ «ឈុតឆាកដ៏កម្សត់បំផុត យើងប្រាកដជាមិនបានច្បាស់ពីព្រះនាងទេ ហើយអ្វីដែលទ្រង់ចង់បាន គឺគ្រាន់តែចង់រៀបរាប់រឿងរ៉ាងទាំងនោះចេញមក»៕ AFP/HR
ព្រះនាង ដាយអាណា និងតារាហូលីវូដ គ្រីស្ទេន ស្ទូវើត ក្នុងឈុតសម្លៀកបំពាក់ស្រដៀងគញនា។
សាច់រឿងផ្ដោតលើព្រះក្សត្រិយ ដាយអាណា រយៈពេល ៣ថ្ងៃនៅក្នុងថ្ងៃបុណ្យគ្រិស្ដស្មាស់។
