.jpg)
ម៉ូដសក់មើលពីមុខជាសក់ខ្លីបែបអ្នកការិយាល័យ ហើយបែរពីក្រោយសក់វែងដូចតន្ត្រីកររ៉ុក។ AFP
ក្រុងប៉ារីស៖ អ្នកនិយមលេងម៉ូដសក់កន្ទុយក្ងោក ជាម៉ូដសក់និមិត្ដរូបទសវត្សរ៍ឆ្នាំ ១៩៨០ បានរកឃើញជើងឯកថ្មី ក្រោយពីស្ទីល «សក់ខ្លីខាងមុខ និងវែងខាងក្រោយ» របស់បុរសជនជាតិប៊ែលហ្ស៊ិក ត្រូវបានចាត់ទុកជាម៉ូដស្អាតបំផុតប្រចាំតំបន់អឺរ៉ុបនៅឯពិធីបុណ្យមួយនៅភាគកណ្ដាលប្រទេសបារាំង។
ម៉ូដលក់បែបសុភាព និងកាង ឬដែលមើលពីមុខជាសក់អ្នកការិយាល័យ ហើយបែរពីក្រោយសក់វែងដូចតន្ត្រីកររ៉ុក គឺជាការពេញនិយមរបស់បុរស ៥០០ នាក់ ក្នុងកម្មវិធីជួបជុំមួយកាលពីថ្ងៃសៅរ៍ នៅភូមិ Cheniers ភាគកណ្ដាលប្រទេសបារាំង។
លោក ហាប៊ឺត ដែលខំស្កាត់តាំងពីប៊ែលហ្ស៊ិក ជាទីដែលកម្មវិធីជើងឯកអ្នកលេងម៉ូដសក់កន្ទុយក្ងោកតំបន់អឺរ៉ុបក្រៅផ្លូវការលើកដំបូង ត្រូវបានរៀបចំឡើងកាលពី ២ ឆ្នាំមុន បាននិយាយថា៖ «វាជាស្ទីលមួយនៃជីវិត ដែលធ្វើឱ្យខ្លួនឯងពេញចិត្ដចំពោះខ្លួនឯង»។
សក់កន្ទុយក្ងោក ជាស្ទីលកាត់សក់បុរស «ម៉ូដខ្លីខាងមុខ និងវែងខាងក្រោយ»។ AFP
អ្នកចូលរួមបានបង្អួតម៉ូដសក់របស់ខ្លួន ឬមកតម្រង់ជួរកាត់សក់ពីអ្នកជំនាញលេងម៉ូដសក់ កំដរមាត់ដោយស្រាបៀរត្រជាក់ៗ ដែលក្រុមអ្នករៀបចំកម្មវិធីបាននិយាយថា អ្នកចូលរួមប្រាកដជាច្រើនជាងនេះ បើមិនមានកូវីដចូលមកកំហិតចំនួនមនុស្សបែបនេះ។
សម្រាប់អ្នកចូលរួមបុរសៗ ពួកគេហាក់បានយល់ថា ម៉ូដសក់កន្ទុយក្ងោកពិតជាទាក់ទាញ ជាមួយឈើសក់ដំរី ពុកចង្កាធំ ឬយ៉ាងហាចណាស់ ត្រូវមានពុកមាត់បន្ដិចដែរ។
វិបត្ដិកូវីដ ទំនងជាអាចជួយជំរុញប្រជាប្រិយភាពម៉ូដសក់កន្ទុយក្ងោកកាន់តែល្បី ដោយសារបុរសៗយកពេលវេលាបិទខ្ទប់នេះទុកសក់ឱ្យវែងៗ ដែលទាក់ទងនឹងវប្បធម៌ Deep South ភាគខាងត្បូងអាមេរិក ឬឈុតសម្លៀកបំពាក់ធំៗដ៏ពេញនិយមសម្រាប់តារាប៉ុបនាសម័យនោះ។
អ្នកនិយមលេងម៉ូដសក់កន្ទុយក្ងោក ដែលជាម៉ូដសក់និមិត្ដរូបទសវត្សរ៍ឆ្នាំ១៩៨០។ AFP
លោក ចូហាន់ ដេធួរ បាននិយាយថា៖ «គ្រាន់តែជាការកម្សាន្ដ មិត្ដភក្ដិខ្ញុំម្នាក់បានប្រាប់មិត្ដម្នាក់ទៀត ដែលមានអារម្មណ៍មិនសូវចូលចិត្ដថា គាត់មើលទៅដូចក្បាលកន្ទុយក្ងោក (មនុស្សល្ងីល្ងើ)។ នោះហើយជាពេលដែលយើងនឹកឃើញចង់រៀបចំកម្មវិធីនេះឡើង»។
មនុស្សប្រមាណ ១០០ នាក់ ប្រកួតដណ្ដើមមកុដ ដែលពាក់ដោយ នីកូឡាស វ៉ាន់ដេខេឡេន ជាអ្នកបើកបររថយន្ដធុនធំជនជាតិប៊ែលហ្ស៊ិក ដែលបាននិយាយថា លោកពេញនិយមលេងម៉ូដសក់កន្ទុយក្ងោកនេះ ២០ ឆ្នាំមកហើយ។
លោកយកលំនាំតាមលោក Gauthier Istin មកពីបារាំង ដែលបាននិយាយថា លោករីករាយក្នុងការផ្ទេរតំណែងនេះ។
លោកបានអះអាងថា៖ «ប៉ុន្ដែខ្ញុំបានដាក់សក់ខ្ញុំប៉ុន្មានសរសៃនៅក្នុងពាននេះ ដោយខ្ញុំសង្ឃឹមថា ជើងឯកជំនាន់ក្រោយនឹងធ្វើដូចគ្នានេះ»៕ AFP/HR
ជំនួបនៃអ្នកនិយមលេងម៉ូដសក់កន្ទុយក្ងោក ដែលជាម៉ូដសក់និមិត្ដរូបទសវត្សរ៍ឆ្នាំ១៩៨០។ AFP
ម៉ូដសក់មើលពីមុខជាសក់ខ្លីបែបអ្នកការិយាល័យ ហើយបែរពីក្រោយសក់វែងដូចតន្ត្រីកររ៉ុក។ AFP
