.jpg)
ក្រុមសិល្បករបានចំណាយពេល ៧ ឆ្នាំ ប្រែក្លាយជញ្ជាំងបេតុងអគារមិនរៀបរយទៅជាគំនូរពណ៌ស្រស់ឆើត។
ក្រុងកាប៊ុល៖ ក្រុមវិចិត្រកររបស់សកម្មជនអាហ្វហ្គានីស្ថាន អូមែដ សារីហ្វី បានចំណាយពេល ៧ ឆ្នាំ ប្រែក្លាយជញ្ជាំងបេតុងអគារមិនរៀបរយទៅជាគំនូរពណ៌ស្រស់ឆើត។ ប៉ុន្ដែឥឡុវ ក្រុមតាលីបង់បានលុបចោលទាំងអស់។
រយៈពេលតែប៉ុន្មានសប្ដាហ៍នៃការគ្រប់គ្រងរបស់ក្រុមអ៊ិស្លាមជ្រុលនិយម ស្នាដៃសិល្បៈតាមដងវិថីជាច្រើនត្រូវបានលប់ ជំនួសមកវិញនូវពាក្យស្លោកមនោគមវិទ្យាពណ៌ប្រផេះ ខណៈតាលីបង់ដាក់ប្រទេសក្នុងរបបគ្រប់គ្រងដ៏តឹងរឹងឡើងវិញ។
រូបភាពកម្មករលាបថ្នាំពណ៌សលប់គំនូរសិល្បៈ គឺជាប្រថ្នូរអាក្រក់ចំពោះសកម្មភាព សារីហ្វី ដែលសហករសិល្បៈ ArtLords របស់លោក បានខិតខំរចនាគំនូរជាង ២ ២០០ ផ្ទាំង ទូទាំងប្រទេសតាំងពីឆ្នាំ ២០១៤។
សហករសិល្បៈ ArtLords បានខិតខំរចនាគំនូរជាង ២២០០ផ្ទាំងទូទាំងប្រទេសតាំងពីឆ្នាំ២០១៤។
លោកបានប្រាប់ AFP បទសម្ភាសតាមទូរស័ព្ទពីអេមីរ៉េត អារ៉ាប់រួម កាលពីថ្ងៃចន្ទថា៖ «រូបភាពដែលស្ថិតក្នុងក្រអៅបេះដូងរបស់ខ្ញុំគឺ (តាលីបង់) ប្រើពណ៌ស កាហ្វហ្វាន នៅទូទាំងទីក្រុង»។
លោកចង់សំដៅថា កាហ្វហ្វាន គឺជាក្រណាត់ពណ៌សសម្រាប់រុំសពបញ្ចុះក្នុងប្រពៃណីអ៊ិស្លាម។
បុរសអាយុ ៣៤ ឆ្នាំ បាននិយាយពីជំរំជនភៀសខ្លួនអាហ្វហ្គានីស្ថានមកថា៖ «យើងនឹងមិនអាចសម្ងំស្ងៀមបានឡើយ»។
ក្រុមសិល្បករបានចំណាយពេល ៧ ឆ្នាំ ប្រែក្លាយជញ្ជាំងបេតុងអគារមិនរៀបរយទៅជាគំនូរពណ៌ស្រស់ឆើត។
លោក សារីហ្វិ ជាសហស្ថាបនិក ArtLords ម្នាក់ ដែលត្រូវបានបង្កើតឡើងក្នុងឆ្នាំ ២០១៤ ដោយប្រើប្រាស់សិល្បៈធ្វើយុទ្ធនាការដើម្បីសន្ដិភាព យុត្ដិធម៌សង្គម និងការទទួលខុសត្រូវ។
ពលរដ្ឋអាហ្វហ្គានីស្ថានរាប់ម៉ឺននាក់បាននាំគ្នាសម្រុកចូលបរិវេណអាកាសយានដ្ឋានក្រុងកាប៊ុល ខណៈទីក្រុងត្រូវបានដួលរលំ ដែលបង្កការភ័យខ្លាចបាត់បង់ជីវិតក្នុងរបបតាលីបង់ ដោយរួមទាំង សិល្បករ និងសកម្មភាព ដូចជា រូបលោក សារីហ្វី ផងដែរ។
លោកបានឱ្យដឹងថា៖ «ពិតជាជម្រើសដ៏លំបាកបំផុត ហើយខ្ញុំគ្រាន់តែសង្ឃឹមថា មិនមាននរណាម្នាក់ជួបបទពិសោធដែលយើងបានឆ្លងកាត់នេះទេ។ អាហ្វហ្គានីស្ថាន គឺជាផ្ទះរបស់ខ្ញុំ វាជាអត្ដសញ្ញាណរបស់ខ្ញុំ។ ខ្ញុំមិនអាចភ្លេចកំណើតខ្លួនឯង និងទៅសោយសុខនៅពិភពថ្មីនោះទេ»។
សហករសិល្បៈ ArtLords បានខិតខំរចនាគំនូរជាង ២ ២០០ ផ្ទាំង ទូទាំងប្រទេសតាំងពីឆ្នាំ ២០១៤។
លោក សារីហ្វី បាននិយាយថា លោកអាចជួយអ្នកសិល្បៈ ៥៤ នាក់ ភៀសខ្លួនជាមួយគ្រួសាររបស់ពួកគេ តែមនុស្សជាង ១០០ នាក់ទៀតនៅជាប់ក្នុងប្រទេសនៅឡើយ។
លោកបានបញ្ជាក់ថា៖ «ពួកគេទាំងអស់កំពុងលាក់ខ្លួនតាំងការភ័យខ្លាច។ ពួកគេព្យាយាមស្វែងរកវិធីថ្មីក្នុងការចាកចេញពីអាហ្វហ្គានីស្ថាន»។
ហើយលោក ប្ដេជ្ញាចិត្ដថានឹងបន្ដយុទ្ធនាការ និងបង្កើតស្នាដៃសិល្បៈបន្ថែម។
លោកបានលើកឡើងថា៖ «ខ្ញុំទុកចោលអ្វីៗគ្រប់យ៉ាងទាំងអស់។ អ្វីដែលធ្វើឱ្យខ្ញុំនៅតែមានឆន្ទះមោះមុតនោះគឺ ខ្ញុំគិតថា វាមិនទាន់ដល់ទីបញ្ចប់នោះទេ»៕ AFP/HR
ក្រុមសិល្បករបានចំណាយពេល ៧ ឆ្នាំ ប្រែក្លាយជញ្ជាំងបេតុងអគារមិនរៀបរយទៅជាគំនូរពណ៌ស្រស់ឆើត។
សហករសិល្បៈ ArtLords បានខិតខំរចនាគំនូរជាង ២ ២០០ ផ្ទាំងទូទាំងប្រទេសតាំងពីឆ្នាំ ២០១៤។
