ក្រុងឡូសអេនជឺឡេស៖ ប្រព័ន្ធផ្សព្វផ្សាយអាមេរិកបានរាយការណ៍នៅថ្ងៃអង្គារនេះថា ឪពុករបស់តារាចម្រៀងប៉ុប ប្រ៊េដនី ស្ពៀរ បានដាក់លិខិតសុំបញ្ចប់ការរក្សាតួនាទីឃុំគ្រងរបស់កូនស្រីខ្លួន។
ការដាក់ឯកសារនេះកើតឡើងប៉ុន្មានសប្តាហ៍បន្ទាប់ពី លោក ចាមី ស្ពៀរ បាននិយាយថា លោកបានត្រៀមខ្លួនរួចជាស្រេចក្នុងការដកខ្លួនចេញពីតួនាទីជាអ្នកឃុំគ្រងអភិរក្សកូនស្រី បន្ទាប់ពីមានការស្នើសុំម្តងហើយម្តងទៀតពីសំណាក់តារាប៉ុប ប្រ៊េដនី ស្ពៀរ ដើម្បីដករូបលោកគាត់ចេញពីអ្វី ដែលរូបនាង និងអ្នកគាំទ្ររបស់នាងចាត់ទុកថា ជាការរៀបចំដ៏ឃោរឃៅ និងកេងប្រវ័ញ្ចលើញើសឈាមកូនស្រី។
យោងតាមសារព័ត៌មាន CNN បាននិយាយថា៖ «ព្រឹត្តិការណ៍ថ្មីៗទាក់ទងនឹងតួនាទីអភិរក្សឃុំគ្រងកូននេះ នេះបានចោទជាសំណួរថា តើកាលៈទេសៈបានផ្លាស់ប្តូរដល់កម្រិតណា ដែលមូលដ្ឋានសម្រាប់ការអនុវត្តតួនាទីនេះអាចនឹងមិនមានទៀតទេ»។
កាលពីថ្មីៗនេះ តារាចម្រៀង ប្រ៊េដនី ស្ពៀរ បានប្រាប់តុលាការថា នាងចង់បានការគ្រប់គ្រងជីវិតរបស់នាងមកវិញដោយគ្មានផ្លូវសុវត្ថិភាពណាមួយសម្រាប់ជីវិតរស់នៅក្នុងការឃុំគ្រងពីអាណាព្យាបាលឡើយ។
នាងចង់មានលទ្ធភាពធ្វើការសម្រេចចិត្តទាក់ទងនឹងការថែទាំសុខភាពផ្ទាល់ខ្លួន ដោយសម្រេចចិត្តថា ពេលណាកន្លែងណា និងពេលណា ដើម្បីទទួលការព្យាបាល។
នាងចង់គ្រប់គ្រងប្រាក់ដែលនាងរកបានពីអាជីពរបស់នាង ហើយចាយវាយដោយគ្មានការត្រួតពិនិត្យ ឬឃាត់ឃាំង។ នាងចង់មានលទ្ធភាពរៀបការ និងមានកូនប្រសិនបើនាងជ្រើសរើសធ្វើដូច្នោះ។
ញ្ញាតិរបស់តារាចម្រៀង ប្រ៊ីដនី ស្ពៀរ បានរាយរាប់ថា៖ «បើនិយាយឱ្យខ្លីគឺនាងចង់រស់នៅក្នុងជីវិតរបស់នាងដូចដែលនាងជ្រើសរើស ដោយគ្មានការបង្ខិតបង្ខំពីអ្នកឃុំគ្រង ឬដំណើរការនីតិវិធីរបស់តុលាការ»។
ឯកសារបានបន្ថែមថា លោក ចាមី ស្ពៀរ ជាឪពុករបស់នាង ចង់បាន «អ្វីដែលល្អបំផុតសម្រាប់កូនស្រីរបស់គាត់» ហើយក៏ «ជឿជាក់ថានាងអាចដោះស្រាយជីវិតផ្ទាល់ខ្លួនរបស់នាង»។
លោក មាធ្យូ រ៉ូសេនហ្គាត ជាមេធាវីរបស់តារាចម្រៀង ប្រ៊េដនី ស្ពៀរ បាននិយាយថា ញត្តិនេះស្ដែងពីជំហរចំពោះកូនក្តីរបស់គាត់។
ទីភ្នាក់ងារព័ត៌មាន AFP បានទាក់ទងតំណាងមកពីភាគីទាំងពីរប៉ុន្តែមិនទទួលបានការឆ្លើយតបភ្លាមៗចំពោះការសាកសួរឡើយ។
តារាចម្រៀងវ័យ ៣៩ ឆ្នាំ ប្រ៊ីដនី ស្ពៀរ បានសាងភាពល្បីល្បាញក្នុងវ័យជំទង់របស់នាង ប៉ុន្តែបានទទួលរងការអាម៉ាសជាសាធារណៈនៅឆ្នាំ ២០០៧ នៅពេលដែលនាងទប់អារម្មណ៍លែងជាប់ហើយជះកំហឹងដោយវាយប្រហាររថយន្តរបស់អ្នកតាមប្រមាញ់រូបថតនាងនៅឯស្ថានីយ៍ប្រេងឥន្ធនៈមួយ។
ហេតុការណ៍នោះនាំឱ្យនាងត្រូវបានដាក់ឱ្យស្ថិតនៅក្រោមអាណាព្យាបាលស្របច្បាប់ដែលគ្រប់គ្រងដោយឪពុករបស់នាង។
នាងបានស្តីបន្ទោសរបស់នាងឪពុករបស់នាងម្តងហើយម្តងទៀតអំពីការឃុំគ្រងហួសដែនកំណត់ ដោយអះអាងថាមានភាព គាបសង្កត់ ឃោរឃៅ និងកេញចំណេញ។
តារាចម្រៀង ប្រ៊ីដនី ស្ពៀរ បានរៀបរាប់ថា នាងមិនមានសិទ្ធិសូម្បីតែដកកងពន្យារកំណើតបានរារាំងមិនឱ្យយកអ៊ីយូអ៊ីពន្យារកំណើតចេញ ដើម្បីមានកូនថែមទៀត។ នាងក៏ត្រូវបានបង្ខំឱ្យប្រើថ្នាំ ដែលធ្វើឱ្យនាងមានអារម្មណ៍ថាស្រវឹង។
ការដកតួនាទីឃុំគ្រងរបស់លោក ចាមី ស្ពៀរ ចេញពីកូនស្រីរបស់លោក គឺជាការទាមទារដ៏យូរអង្វែងរបស់អ្នកគាំទ្រនាងទូទាំងពិភពលោក ដែលធ្វើយុទ្ធនាការក្រោមពាក្យស្លោក #FreeBritney៕ AFP/HR