.jpg)
រូបតំណាង៖ ឆ្មាំសមុទ្រហូឡង់ជួយសង្គ្រោះស្ដ្រីម្នាក់ ហែលតែលតោលក្នុងសមុទ្រចម្ងាយ ១០ គីឡូម៉ែត្រពីឆ្នេរ។
ក្រុងឡាអេ៖ ស្ដ្រីហែលទឹកម្នាក់ត្រូវបានស្រង់ពីទឹកដោយកំពុងតែហែលបណ្ដែតខ្លួនជិត ១០ គីឡូម៉ែត្រពីឆ្នេរប្រទេសហូឡង់ កាលពីថ្ងៃពុធ ក្រោយនាវាកម្សាន្ដមួយគ្រឿងបានប្រទះឃើញរូបនាង។ នេះបើយោងតាមឆ្មាំសមុទ្រម្នាក់បាននិយាយដូច្នេះ។
ឆ្មាំសមុទ្របានឱ្យដឹងនៅលើបណ្ដាញសង្គម Twitter ថា ឧទ្ធម្ភាគចក្រមួយគ្រឿងបានស្ទូចស្ដ្រីរូបនោះឡើងទៅកាន់មន្ទីរពេទ្យ ក្នុងក្រុងរ៉ូតធើដាម ជាទីដែលនាងត្រូវបានព្យាបាលរោគខ្វះកម្ដៅ។
នាវាកម្សាន្ដ ដែលបានឃើញស្ដ្រីមិត្ដស្គាល់អត្ដសញ្ញាណក្បែរឆ្នេរខណ្ឌ Scheveningen បានបោះពោងសុវត្ថិភាពរហូតដល់មានឆ្មាំសមុទ្រមកដល់។
អ្នកនាំពាក្យឆ្មាំ បានប្រាប់ AFP ថា ប៉ូលិសកំពុងស៊ើបអង្កេតថា តើស្ដ្រីរូបនោះនៅតែលតោលក្នុងសមុទ្រតាមរបៀបណា។
អ្នកនាំពាក្យបានបន្ដថា៖ «យើងជឿថា គាត់ក៏បានពាក់ឈុតហែលទឹកដែរ និងបាននៅត្រាំទឹកជាច្រើនម៉ោង»៕ AFP/HR
រូបតំណាង៖ ស្ដ្រីម្នាក់បានហែលតែលតោលក្នុងសមុទ្រចម្ងាយ ១០ គីឡូម៉ែត្រពីឆ្នេរហូឡង់។
