ក្រុងពែរពិកណង់៖ អ្នកថតរូបជនជាតិមីយ៉ាន់ម៉ាម្នាក់បានឈ្នះពានរង្វាន់កំពូល កាលពីថ្ងៃចុងសប្ដាហ៍នៅ ឯមហោស្រពប្រចាំឆ្នាំដ៏ធំបំផុតរបស់អ្នកសារព័ត៌មានសម្រាប់បេសកកម្មរបស់គាត់ចំពោះការតវ៉ាប្រឆាំងលទ្ធិប្រជាធិបតេយ្យនៅប្រទេសមានការបង្ក្រាបដោយយោធាបង្ហូរឈាម។
អ្នកថតរូបម្នាក់ដែលនៅតែមិនបញ្ចេញឈ្មោះដោយសារហេតុផលសន្តិសុខសុវត្ថិភាពបានដណ្តើពាន Visa d''Or សម្រាប់សារព័ត៌មាន ជាពានរង្វាន់ដ៏មានកិត្យានុភាពបំផុត និងត្រូវបានប្រគល់ជូននៅក្នុងមហោស្រព Visa Pour L''Image នៅទីក្រុងពែរពិកណង់ បានបន្តថាបារាំង។
Mikko Takkunen អ្នកកែសម្រួលរូបថតអាស៊ីសម្រាប់កាសែត The New York Times បានទទួលរង្វាន់ក្នុងនាមជំនួសអ្នកថតរូបមីយ៉ាន់ម៉ា។
ប្រទេសនេះមានភាពច្របូកច្របល់ចាប់តាំងពីយោធាដណ្តើមអំណាចនៅក្នុងរដ្ឋប្រហារថ្ងៃទី ១ កុម្ភៈ។
អ្នកទទួលពានរង្វាន់ជំនួសរូបនេះបានបន្តថា៖ «គាត់ប្រហែលជាអ្នកថតរូបជើងខ្លាំងម្នាក់នៅប្រទេសមីយ៉ាន់ម៉ា។ គាត់សប្បាយចិត្ត និងមានកិត្តិយសយ៉ាងខ្លាំងដែលបានឈ្នះរង្វាន់នេះ»។
Takkunen បាននិយាយថា អ្នកថតរូបដែលឈ្នះបានប្រគល់រង្វាន់នេះដល់មិត្តភក្តិរបស់គាត់នៅក្នុងប្រទេសរបស់គាត់ដែលកំពុងធ្វើការក្រោមលក្ខខណ្ឌលំដ៏បាកបំផុត។
រូបថតរបស់គាត់បង្ហាញពីបាតុករស៊ីវិលប្រដាប់ដោយដុំថ្មទាហានបាញ់គ្រាប់កាំភ្លើង និងក្រុមគ្រួសារកាន់ទុក្ខអ្នកស្លាប់។
នៅទូទាំងប្រទេសមីយ៉ាន់ម៉ាជនស៊ីវិលជាង ១ ០០០ នាក់ ត្រូវបានសម្លាប់នៅក្នុងការបង្ក្រាបយោធា។ នេះបើយោងតាមក្រុមតស៊ូមតិមួយ។
អ្នកថតរូបអនាមិករូបនេះបាននិយាយនៅក្នុងសារមួយថា៖ «នៅតាមដងផ្លូវជារៀងរាល់ថ្ងៃ ខ្ញុំបានជួបការលំបាកជាច្រើន ដោយប្រឈមនឹងគ្រាប់កាំភ្លើង ឧស្ម័នបង្ហូរទឹកភ្នែក និងសម្រែកគំហក»៕ AFP/HR