.jpg)
រូបសំណាកសំរិទ្ធិអំពីស្ដ្រីទាសករស្បែកខ្មៅក្នុងទីក្រុងប័រដូររបស់បារាំង ជាអតីតមជ្ឈមណ្ឌលជួញដូរទាសករ។ AFP
ក្រុងប៉ារីស៖ រូបសំណាកសំរិទ្ធិអំពីស្ដ្រីទាសករស្បែកខ្មៅក្នុងទីក្រុងប័រដូររបស់បារាំង ជាអតីតមជ្ឈមណ្ឌលជួញដូរទាសករ ត្រូវបានធ្វើឱ្យខូចទ្រង់ទ្រាយដើមជាមួយការលាបថ្នាំពណ៌ស បំណងវាយប្រហារលើការរើសអើង។ នេះបើយោងតាមក្រុងប័រដូរ បានឱ្យដឹងកាលពីថ្ងៃចន្ទ។
រូបសំណាកប៉ុនមនុស្សពិត នៃស្ដ្រីទាសករអាហ្វ្រិក ModesteTestas ដែលត្រូវបានទិញដោយគ្រួសារមួយក្នុងក្រុងប័រដូរ នៅសតវត្សរ៍ទី ១៨ និងត្រូវបាននិរទេសទៅកាន់ដែនកោះ Hispaniola នៃសមុទ្រខារីបៀន ដើម្បីធ្វើការក្នុងចម្ការអំពៅ។
អ្នកស្រីក្រោយមកបានមានសរីភាពបន្ទាប់ពីមរណភាពរបស់ម្ចាស់ជនជាតិបារាំង នៅសហរដ្ឋអាមេរិក និងបានត្រឡប់មកតាំងលំនៅឋាននៅភាគខាងលិចនៃដែនកោះ Hispaniola ដែលបច្ចុប្បន្នស្គាល់ជា ហៃទី ជាទីដែលអ្នកស្រីរស់នៅរហូតដល់ស្លាប់។
កាលពីព្រឹកថ្ងៃចន្ទ រូបសំណាករបស់ស្ដ្រីស្បែកខ្មៅរូបនេះ ដែលឈរនៅត្រើយម្ខាងនៃទន្លេ Garonne ត្រូវបានប្រទះឃើញលាបពណ៌សតាំងពីក្បាលរហូតដល់ចង្កេះ។
សាលាក្រុងប័រដូរ ដែលបានសម្អាតរូបសំណាកនោះវិញនៅពេលថ្ងៃត្រង់ បានឱ្យដឹងថា ខ្លួននឹងដាក់ពាក្យពីបទព្រហ្មទណ្ឌទៅឧប្បត្ដិហេតុនេះ ដោយបាននិយាយថា វាប្រហែលជាអ្នកប្រឆាំងការរើសអើងពណ៌សម្បុរ។
រូបសំណាកត្រូវបានធ្វើឱ្យខូចទ្រង់ទ្រាយដើមជាមួយការលាបថ្នាំពណ៌ស បំណងវាយប្រហារលើការរើសអើង។
មន្ដ្រីប្រឹក្សាទទួលបន្ទុកបេតិកភណ្ឌ ស្ដេហ្វាន ហ្គូម៉ូត បាននិយាយថា បើបញ្ហានៃការរើសអើងជាតិសាសន៍ត្រូវបានបញ្ជាក់ច្បាស់ វាត្រូវបានចោទពីបទវាយប្រហារដោយហិង្សាលើវត្ថុតំណាង រួមទាំង «រូបសំណាកមនុស្សដែលត្រូវបាននិរទេសដោយអ្នកជួញដូរទាសករ»។
ភាគខាងលិចក្រុងប័រដូរ ធ្លាប់ជាមជ្ឈមណ្ឌលធំបំផុតមួយក្នុងប្រទេសបារាំងចំពោះការជួញដូរទាសករមកពីអាហ្វ្រិក ដែលក្រោយមកត្រូវបានបញ្ជូនតាមនាវាឆ្លងកាត់មហាសមុទ្រអត្លង់ទិកទៅកាន់តំបន់អាមេរិក។
រូបសំណាក ដែលរំលេចរូបអ្នកស្រី Testas គ្រងសំពត់វែង ដែលលើកដៃម្ខាងដាក់លើស្មា ត្រូវបានបើកសម្ពោធកាលពីខែឧសភា ឆ្នាំ២០១៩។ វាជារូបសំណាកមួយចំណោមរូបជាច្រើនដែលស្ថិតនៅតំបន់ផលិតស្រាទំពាំងបាយជូរក្នុងការបង្ហាញពីរបបទាសភាពសម័យអាណានិគមន។
កូនចៅជនជាតិហៃទី របស់អ្នកស្រី Testas បានចូលរួមការបើកសម្ពោធរូបសំណាកនេះផងដែរ៕ AFP/HR
